Эльбрусоид :: Форум :: Архив форумов

Къобан да къуру да къобханлай турмайды, адам да къуру да патчахлай турмайды.
Биреуге кёлтюрген таягъынг, кесинги башынга урур.
Къарт бла баш аша, джаш бла аякъ аша.
Баргъанынга кёре болур келгенинг.
Башы джабылгъан челекге, кир тюшмез.
Къызны минг тилер, бир алыр.
Келинни – келгинчи, бёркню кийгинчи кёр.
Айырылмаз джууугъунга, унутмаз сёзню айтма.
Сагъыш – къартлыкъгъа сюйюмчю.
Ата Джуртун танымагъан, атасын да танымаз.
Окъугъан озар, окъумагъан тозар.
Алим болгъандан эсе, адам болгъан къыйынды.
Бичгенде ашыкъма, тикгенде ашыкъ.
Тил джюрекге джол ишлейди.
Юре билмеген ит, къонакъ келтирир.
Арыгъан къош чамчы болур.
Аш берме да, къаш бер.
Эллинг бла джау болсанг да, юйюнг бла джау болма.
Эрине къаргъыш этген къатын, эрнин къабар.
Къонакъ болсанг, ийнакъ бол.
Миллетни бойну – базыкъ, аны бла кюрешген – джазыкъ.
Къатын байлыкъны сюер, эр саулукъну сюер.
Билим – акъылны чырагъы.
Биреу ашаб къутулур, биреу джалаб тутулур.
Итли къонакъ джарашмаз.
Аман адам элни бир-бирине джау этер.
Тилчиден кери бол.
Ишленмеклик адамлыкъды.
Ашлыкъны арба юйге келтирир, чана базаргъа элтир.
Сабий кёргенин унутмаз.
Къонакъны къачан кетерин сорма, къачан келлигин сор.
Джигер – джаннга къыйынлыкъ.
Ашаса, ашамаса да, бёрюню ауузу – къан.
Билмейме деген – бир сёз
Сормай – алма, чакъырылмай – барма.
Кечеси – аяз, кюню – къыш, джарлы къаргъагъа бир аш тюш!
Чабакъгъа акъыл, табагъа тюшсе келеди.
Ашатыргъа иш – ашхы, ишлетирге аш – ашхы.
Ариуну – ауруу кёб.
Джуртун къоругъан озар.
Джюрекге ариу – кёзге да ариу.
Ашарыкъда сайлагъаннга – чий гырджын.
Адебни адебсизден юрен.
Къыйынлы джети элни къайгъысын этер.
Сабыр джетер муратха, сабырсыз къалыр уятха.
Арба аугъандан сора, джол кёргюзтюучю кёб болур.
Кёрмегеннге кебек – танг, битмегеннге сакъал – танг.
Аууздан келген, къолдан келсе, ким да патчах болур эди.
Тас болгъан бычакъны сабы – алтын.
Хар адамгъа кеси миннген тау кибик.

Логин:
Пароль:
	Запомнить меня на этом компьютере

Забыли свой пароль?
Регистрация