- Къан бла кирген, джан бла чыгъар.
- Чомартха Тейри да борчлуду.
- Тас болгъан бычакъны сабы – алтын.
- Кенгеш болса, уруш болмаз.
- Телиге от эт десенг, юйюнге от салыр.
- Азыкъ аз болса, эртде орун сал.
- Аууз сакълагъан – джан сакълар.
- Билмегенинги, билгеннге сор.
- Aдам боллукъ, сыфатындан белгили.
- Кийиминг бла танылма, адамлыкъ бла таныл.
- Ёлмесенг да, къарт дамы болмазса?
- Намыс болмагъан джерде, насыб болмаз.
- Таугъа чыгъаллыкъ эсенг, тюзде къалма.
- Къарт болгъан джерде, берекет болур, сабий болгъан джерде, оюн болур.
- Байлыкъ болгъан джерде, тынчлыкъ джокъду.
- Кёбню кёрген – кёб билир.
- Эшекни не къадар тюйсенг да, ат болмаз.
- Ишни аллы бла къууанма да, арты бла къууан.
- Окъумагъан сокъурду, сокъур ташха абыныр!
- Сабыр джетер муратха, сабырсыз къалыр уятха.
- Къазанны башы ачыкъ болса, итге уят керекди.
- Алтыда кюлмеген, алтмышда кюлмез.
- Баш – акъыл ючюн, акъылман – халкъ ючюн.
- Элге къуллукъ этмеген, элге ие болмаз.
- Бал чибинни ургъаны – ачы, балы – татлы.
- Къайтырыкъ эшигинги, къаты уруб чыкъма.
- Экеу тутушса, биреу джыгъылыр.
- Къарт айтханны этмеген, къартаймаз.
- Атлыны ашхысы, ат тизгининден билинир
- Къолу уллу – асыу, аягъы уллу – джарсыу.
- Тулпарлыкъ, билекден тюл – джюрекден.
- Асхат ашлыкъ сата, юйдегиси ачдан къата.
- Айтылгъан сёз ызына къайтмаз.
- Джашны джигитлиги сорулур, къызны джигерлиги сорулур.
- Керти сёзге тёре джокъ.
- Къыйынлы джети элге оноу этер.
- Ат да турмайды бир териде.
- Ёпкелегенни ашы татлы болады.
- Бозанг болмагъан джерге, къалагъынгы сукъма.
- Хаухну атма, ёнгкючню сатма.
- Къанны къан бла джуума, аманны аман бла къуума.
- Ана кёлю – балада, бала кёлю – талада.
- Ач къарынны, токъ билмез
- Эте билген, этген этеди, эте билмеген, юретген этеди!
- Чакъырылгъанны аты, чакъырылмагъанны багъасы болур.
- Адамны сабийин сюйген джюреги, бычакъча, джитиди.
- Ашхы атаны – джашы ашхы, ашхы ананы – къызы ашхы.
- Миллетни бойну – базыкъ, аны бла кюрешген – джазыкъ.
- Ётюрюкден тюбю джокъ, кёлтюрюрге джиби джокъ.
- Сагъышы джокъ – джукъучу, акъылы джокъ – къаугъачы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72