Эльбрусоид :: Форум :: Архив форумов

Джаш къарыу бла кючлю, къарт акъыл бла кючлю.
Аджаллыгъа окъсуз шкок атылыр.
Ариу джол аджал келтирмез.
Къазанчы аман болса, къазаны къайнамаз.
Хар адамгъа кеси миннген тау кибик.
Ашхы тенг джолгъа салыр, аман тенг джолдан тайдырыр.
Элде адам къалмаса, ит тахтагъа минер.
Джангыз торгъай джырламаз.
Аууз сакълагъан – джан сакълар.
Уллу сёзде уят джокъ.
Этни бети бла шорпасы.
Кёб къычыргъандан – къоркъма, тынч олтургъандан – къоркъ.
Къуру гыбыт бек дыгъырдар.
Илму – джашауну джолу.
Ауругъанны сау билмез, ач къарынны токъ билмез.
Айранын берсенг, челегин да къызгъанма.
Кёрмегеннге кебек – танг, битмегеннге сакъал – танг.
Кечеси – аяз, кюню – къыш, джарлы къаргъагъа бир аш тюш!
Ишни аллы бла къууанма да, арты бла къууан.
Къобан да къуру да къобханлай турмайды, адам да къуру да патчахлай турмайды.
Окъуу – билимни ачхычы, окъуу – дунияны бачхычы.
Къызбайны юйюне дери сюрсенг, батыр болур.
Ойнаб айтсанг да, эслеб айт.
Тюзлюк шохлукъну бегитир.
Къартны бурнун сюрт да, оноугъа тут.
Бёрю да ач къалмасын, эчки да ашалмасын.
Аллахдан тилесенг, кёб тиле.
Бети – къучакълар, джюреги – бычакълар.
Эки ойлашыб, бир сёлешген.
Гугук кесини атын айтыб къычыргъанча, мен, мен деб нек тураса?
Ёлген ийнек сютлю болур.
Сабий кёргенин унутмаз.
Биреу къой излей, биреу той излей.
Кёзю сокъурдан – къоркъма, кёлю сокъурдан – къоркъ.
Адамны сабийин сюйген джюреги, бычакъча, джитиди.
Билгенни къолу къарны джандырыр.
Кёзден кетген, кёлден да кетеди.
Къарны аманнга къазан такъдырма, къолу аманнга от джакъдырма.
Аманнга игилик этсенг, юйюнге сау бармазса.
Къартха ушагъан джаш – акъыллы, джашха ушагъан къарт – тели.
Бозаны арты дауур болур.
Босагъа таш юйге кирмей эди, тыбыр таш эшикге чыкъмай эди.
Джарлыны тону джаз битер.
Булут кёкге джарашыу, уят бетге джарашыу.
Эри аманны, къатыны – аман.
Сёз къанатсыз учар.
Таукелге нюр джауар.
Тилчи тилден къаныкъмаз.
Ёлген аслан – сау чычхан.
Къайгъыны сюйген, къайгъы табар.

Логин:
Пароль:
	Запомнить меня на этом компьютере

Забыли свой пароль?
Регистрация