- Ашхы – джыяр, аман – джояр.
- Аз айтсам, кёб ангылагъыз.
- Джаш къарыу бла кючлю, къарт акъыл бла кючлю.
- Ауругъаннга – кийик саулукъ, джетген къызгъа – чилле джаулукъ.
- Ат басханны джер билед.
- Ачыу алгъа келсе, акъыл артха къалады.
- Адамны сыфатына къарама, сёзюне къара.
- Уллу сёзде уят джокъ.
- Окъугъанны бети джарыкъ.
- Босагъагъа джууукъ орун болса, ашыгъыб тёрге озма.
- Ёлмесенг да, къарт дамы болмазса?
- Джырына кёре эжиую.
- Билген билмегенни юретген адетди.
- Юреннген ауруу къалмаз.
- Джыйырма къойну юч джыйырма эбзе кюте эди.
- Чомартны къолу берекет.
- Джангыз терек къынгыр ёсер.
- «Ма», - дегенни билмесенг, «бер», - дегенни билмезсе.
- Джумушакъ сёз къаты таякъны сындырыр.
- Бир онгсуз адам адет чыгъарды, деб эштирик тюлсе.
- Тюзлюк тас болмайды.
- Тойгъан антын унутур.
- Кёзюнде тереги болгъан, чёбю болгъаннга кюле эди.
- Таш бла ургъанны, аш бла ур.
- Уруну арты – къуру.
- Тил – кесген бычакъ, сёз – атылгъан окъ.
- Зар адамны насыбы болмаз.
- Кесине гебен этелмеген, биреуге черен эте эди.
- Тил – миллетни джаны.
- Орну джокъну – сыйы джокъ.
- Этни да ашады, бетни да ашады.
- Тик ёргени, тик энгишгеси да болады.
- Аманны тукъумуна къарама, игини тукъумун сорма.
- Окъдан джара эртде-кеч болса да бителир, сёз джара, ёмюрге къалыр.
- Джарлы тюеге минсе да, ит къабар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бойнуму джети джерден кессенг да, мен ол ишни этеллик тюлме.
- Нёгерсизни джолу узун.
- Къалгъан ишге къар джауар.
- Суу да къайтады чыкъгъан джерине.
- Аууз сакълагъан – джан сакълар.
- Къарнынг ауруса, ауузунгу тый
- Эрни эр этерик да, къара джер этерик да, тиширыуду.
- Чакъырылмагъан къонакъ – орунсуз.
- Экеу тутушса, биреу джыгъылыр.
- Эшекни не къадар тюйсенг да, ат болмаз.
- Джаханимни кёрмей, джандетге кёл салмазса.
- Джиби бир къат джетмей эди да, эки къат тарта эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Айтхан – тынч, этген – къыйын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72