Эльбрусоид :: Форум :: Архив форумов

Тенгни тенглиги джашай барсанг билинир.
Хата – гитчеден.
Тюз сёз баргъан сууну тыяр.
Айырылгъанланы айю ашар, бёлюннгенлени бёрю ашар.
Ата Джуртун танымагъан, атасын да танымаз.
Сёлеш деб шай берген, тохта деб, сом берген.
Таукел къуру къалмаз.
Акъыл къартда, джашда тюйюлдю – башдады.
Чакъырылмай келген къонакъ сыйланмай кетер.
Ётюрюкню къуйругъу – бир тутум.
Бети бедерден, намыс сакълама.
Алтыннга тот къонмаз.
Аман къатын сабий табса, бий болур…
Мухарны эси – ашарыкъда.
Тёзгеннге, джабылгъан эшик ачылыр.
Ичимден чыкъды хата, къайры барайым сата?
Кимни – тили, тиши онглу, кимни – къолу, иши онглу.
Кийиминг бла танылма, адамлыкъ бла таныл.
Окъуу – билимни ачхычы, окъуу – дунияны бачхычы.
Иги адамны бир сёзю эки болмаз.
Адамны бетине къарама, адетине къара.
Джюрекден джюрекге джол барды.
Ариу сёзде ауруу джокъ.
Билимли ёлмез, билимсиз кёрмез.
Джуртун къоругъан озар.
Эки ойлашыб, бир сёлешген.
Бек анасы джыламаз.
Сакъ юйюне сау барыр.
Айырылмаз джууугъунга, унутмаз сёзню айтма.
Джукъу тёшек сайламайды.
Ач келгенни – тойдур, кеч келгенни – къондур.
Тешик этген тынчды, аны джамагъан къыйынды.
Ойнай билмеген, уруб къачар.
Игиге айтсанг – билир, аманнга айтсанг – кюлюр.
Иги бла джюрюсенг, джетерсе муратынга, аман бла джюрюсенг, къалырса уятха.
Къолунгдан къуймакъ ашатсанг да, атаны борчундан къутулмазса.
Алим болгъандан эсе, адам болгъан къыйынды.
Эм уллу байлыкъ – джан саулукъ.
Кюл тюбюндеги от кёрюнмейди.
Аман адам этегингден тутса, кес да къач.
Ётюрюк хапар аякъ тюбю бла джюрюйдю.
Тойну къарнашы – харс, джырны къарнашы – эжиу.
Ариу сёз – къылычдан джити.
Эринчекни эр алмаз, эр алса да, кёл салмаз, кёл салса да, кёб бармаз!
Эртде тургъан джылкъычыны эркек аты тай табар.
Хазыр ашха – терен къашыкъ.
Юйюнгден чыкъдынг – кюнюнгден чыкъдынг.
Ашлыкъны арба юйге келтирир, чана базаргъа элтир.
Чалманны аллы къалай башланса, арты да алай барады.
Эл ауузу – элия.

Логин:
Пароль:
	Запомнить меня на этом компьютере

Забыли свой пароль?
Регистрация