- Кюн кёрмеген, кюн кёрсе, кюндюз чыракъ джандырыр.
- Иесиз малны бёрю ашар.
- Кийиминг бла танылма, адамлыкъ бла таныл.
- Огъурлуну сёзю – суу, огъурсузну сёзю – уу.
- Джетген къыз джерли эшекни танымаз.
- Сагъышы джокъ – джукъучу, акъылы джокъ – къаугъачы.
- Тамбла алтындан бюгюн багъыр ашхы.
- Дууулдаса – бал чибин, къонса – къара чибин.
- Накъырда – кертини келечиси.
- Джюз элде джюз ёгюзюм болгъандан эсе, джюз джууугъум болсун.
- Аман адам этегингден тутса, кес да къач.
- Билген билмегенни юретген адетди.
- Атынг аманнга чыкъгъандан эсе, джанынг тамагъынгдан чыкъсын.
- Эртде тургъан джылкъычыны эркек аты тай табар.
- Келинин тута билмеген, къул этер, къызын тута билмеген, тул этер.
- Урунуу – насыбны анасы.
- Нафысынгы айтханын этме, намысынгы айтханын эт.
- Илму – джашауну джолу.
- Азыкъ аз болса, эртде орун сал.
- Джашлыкъ этмеген, башлыкъ этмез.
- Джаным-тиним – окъуу, билим.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ауурну тюбю бла, дженгилни башы бла джюрюген.
- Сескекли кесин билдирир.
- Кёз – сюйген джерде, къол – ауругъан джерде.
- Шапа кёб болса, аш татымсыз болур.
- Зар адамны насыбы болмаз.
- Ачны эсинде – аш.
- Тюкюрюк баш джармаз, налат кёз чыгъармаз!
- Адамны артындан къара сабан сюрме.
- Къыз чыгъаргъан – къызыл къымжа.
- Азыгъы аз, алгъа къабар, аты аман, алгъа чабар.
- Хата – гитчеден.
- Тёрдеги кюлсе, эшикдеги ышарыр.
- Тенгинг джокъ эсе – изле, бар эсе – сакъла!
- Ашын ашагъанынгы, башын да сыйла.
- Башланнган иш битер, къымылдагъан тиш тюшер.
- Адамны аты башхача, акъылы да башхады.
- Алгъанда – джууукъ, бергенде – джау.
- Уруну арты – къуру.
- Хар адамгъа кеси миннген тау кибик.
- Адамны сыфатына къарама, сёзюне къара.
- Адамны аманы адамны бети бла ойнар.
- Насыблы элин сюер, насыбсыз кесин сюер.
- Эрни эр этерик да, къара джер этерик да, тиширыуду.
- Ёксюзню къалачы уллу кёрюнюр.
- Сёлеш деб шай берген, тохта деб, сом берген.
- Аманны тукъумуна къарама, игини тукъумун сорма.
- Джан саулукъ бермей, сан саулукъ бермезсе.
- Тёгюлген тюгел джыйылмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72