- Билгенни къолу къарны джандырыр.
- От этилмеген джерден тютюн чыкъмайды.
- Кёб джат да, бек чаб.
- Къоркъакъны кёзю экили кёрюр.
- Суу кетер, таш къалыр.
- Ачлыкъ отха секиртир.
- Кирсизни – саны таза, халалны – къаны таза.
- Таукел тауну аудурур.
- Гитче джилтин уллу элни джандырыр.
- Кийимни бир кюнню аясанг, минг кюннге джарар.
- Хар сёзню орну барды.
- Дууулдаса – бал чибин, къонса – къара чибин.
- Аман къатын алгъан, арыр, иги къатын алгъан джарыр.
- Чомарт бергенин айтмаз.
- Ашыкъгъан cуу, тенгизге джетмез.
- Кюн – узун, ёмюр – къысха.
- Къонакъ аман болса, къонакъбай джунчур
- Къарны аманнга къазан такъдырма, къолу аманнга от джакъдырма.
- Сагъышы джокъ – джукъучу, акъылы джокъ – къаугъачы.
- Тилде сюек болмаса да, сюек сындырыр.
- Борчунг бар эсе, хурджунунга ойлаб узал.
- Арбаз къынгырды да, ийнек сауалмайма.
- Юй кюйдю да, кюйюз чыкъды, ортасындан тюйюш чыкъды.
- Адамны сабийин сюйген джюреги, бычакъча, джитиди.
- Байлыкъ болгъан джерде, тынчлыкъ джокъду.
- Алтыннга тот къонмаз.
- Юре билмеген ит, къонакъ келтирир.
- Адеби болмагъан къыз – тузсуз хант.
- Тулпарлыкъ, билекден тюл – джюрекден.
- Тойгъан джерден туугъан джер игиди.
- Адам къыйынлыгъын кёлтюрюр, зауукълугъун кёлтюрмез.
- Ашатыргъа иш – ашхы, ишлетирге аш – ашхы.
- Орну джокъну – сыйы джокъ.
- Аурууну келиую тынч, кетиую – къыйын.
- Уллу сёзде уят джокъ.
- Тёрдеги кюлсе, эшикдеги ышарыр.
- Кёрмегеннге кебек – танг, битмегеннге сакъал – танг.
- Чабакъсыз кёлге къармакъ салгъанлыкъгъа, чабакъ тутмазса.
- Ашхылыкъ джерде джатмайды, аманлыкъ суугъа батмайды.
- Къарын къуру болса, джюрек уру болур.
- Джыйырма къойну юч джыйырма эбзе кюте эди.
- Аджал соруб келмез, келсе, къайтыб кетмез.
- Къарт айтханны этмеген, къартаймаз.
- Къарнынг къанлынга кийирир.
- Айтхан сёзюне табылгъан.
- Хар ишни да аллы къыйынды.
- Джырчы ёлсе, джыры къалыр.
- Сакъалы текени да бар, мыйыгъы киштикни да бар.
- Сабийликде юретмесенг, уллу болса – тюзелмез.
- Кёзюнде тереги болгъан, чёбю болгъаннга кюле эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72