- Нарт сёз къарт болмаз.
- Къозулугъунда тоймагъан, къойлугъунда тоймаз.
- Хаухну атма, ёнгкючню сатма.
- Ариуну – ауруу кёб.
- Сютню башын джалагъан къутулур, тюбюн ичген тутулур.
- Эл элде бирер малынг болгъандан эсе, бирер тенгинг болсун.
- Дуния аламаты сен эсенг да, игиме деб айтма.
- Айырылгъанланы айю ашар, бёлюннгенлени бёрю ашар.
- Ачлыкъ отха секиртир.
- Къонакъ кёб келюучю юйню, къазаны отдан тюшмез.
- Джарлыны тону джаз битер.
- Къаллай салам берсенг, аллай джууаб алырса.
- Киштикге къанат битсе, чыпчыкъ къалмаз эди.
- Джангызны оту джарыкъ джанмаз!
- Сабий кёргенин унутмаз.
- Чарсда алчыны эл кёреди.
- Сабий болмагъан джерде, мёлек болмаз.
- Этни бети бла шорпасы.
- Узун джолну барсанг, бюгюн келирсе, къысха джолну барсанг, тамбла келирсе.
- Билим къая тешер.
- Тойчу джашха къарама, къойчу джашха къара.
- Айран ичген – къутулду, джугъусун джалагъан – тутулду.
- Кёзню ачылгъаны – иги, ауузну джабылгъаны – иги.
- Татлы тилде – сёз ариу, чемер къолда – иш ариу.
- Билим – акъылны чырагъы.
- Сабийликде юретмесенг, уллу болса – тюзелмез.
- Къатын къылыкъсыз, эр тынчлыкъсыз.
- Кёлсюзден сёзсюз тууар.
- Игилик игилик бла сингдирилиучю затды.
- Эркишиге тары кебек танг кёрюнюр.
- Тойгъандан сора, ашны сёкме.
- Чомартны къолу берекет.
- Адам къыйынлыгъын кёлтюрюр, зауукълугъун кёлтюрмез.
- Атлыны кёрсе, джаяуну буту талыр.
- Аджаллыгъа окъсуз шкок атылыр.
- Джан саулукъ бермей, сан саулукъ бермезсе.
- Акъыллы – эл иеси, тели – эл баласы.
- Ашхы тенг джолгъа салыр, аман тенг джолдан тайдырыр.
- Aдам боллукъ, сыфатындан белгили.
- Садакъачыны джаны – къапчыгъында.
- Душманны тышы – акъ, ичи – къара.
- Ашхы болсанг, атынг чыгъар, аман болсанг, джанынг чыгъар.
- Таула не мийик болсала да, аууш табылыр.
- Бир абыннган – минг сюрюнюр.
- Ариу сёз – къылычдан джити.
- Джарлы джети элни сёзюн этер.
- Аллахдан тилесенг, кёб тиле.
- «Ёгюз, джаргъа джууукъ барма, меннге джюк боллукъса», - дегенди эшек.
- Берекет берсин деген джерде, берекет болур.
- Ёлген ийнек сютлю болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72