- Акъыллы эркиши атын махтар, акъылсыз эркиши къатынын махтар.
- Адеб джокъда, намыс джокъ.
- Халкъгъа джарагъан, джарлы къалмаз.
- Ханы къызы буюгъа-буюгъа киштик болду.
- Сабий кёргенин унутмаз.
- Билим насыб берир, билим джолну керир.
- Кимни – тили, тиши онглу, кимни – къолу, иши онглу.
- Тенгинг джокъ эсе – изле, бар эсе – сакъла!
- Кеси юйюмде мен да ханма.
- Аман хансны – урлугъу кёб.
- Чакъырылмай келген къонакъ сыйланмай кетер.
- Къызны минг тилер, бир алыр.
- Къуллукъчума, деб махтанма, къуллукъ – хаух джамчыды!
- Нёгер болсанг, тенг бол, тенг болмасанг, кенг бол.
- Джарлыны эшигин махтагъан джабар.
- Акъыл сабырлыкъ берир.
- Керилген да, ургъан кибикди.
- Кюн – узун, ёмюр – къысха.
- Джаш къарыу бла кючлю, къарт акъыл бла кючлю.
- Уллу суу бла уллу ауруудан башынгы сакъла.
- Эм ашхы къайын ана мамукъ бла башынгы тешер.
- Ач отунчуну ачыуу – бурнунда.
- Чакъырылмагъан къонакъ къачан кетерин сормаз.
- Къартха ушагъан джаш – акъыллы, джашха ушагъан къарт – тели.
- Мухарны эси – ашарыкъда.
- Аш иеси бла татлыды.
- Адам туугъан джеринде, ит тойгъан джеринде.
- Къазанда болса, чолпугъа чыгъар.
- Соргъан айыб тюлдю, билмеген айыбды.
- Аманны эки битли тону болур, бирин сеннге кийдирир, бирин кеси киер.
- Кёл – къызбай, къол – батыр.
- Атлыны ашхысы, ат тизгининден билинир
- Бал ашаргъа сюе эсенг, чибин ургъаннга тёз.
- Джаз бир кюнню джатсанг, къыш талай кюнню абынырса.
- Чомарт бергенин айтмаз.
- Юреннген ауруу къалмаз.
- Байлыкъ келсе, акъыл кетер.
- Сёз къанатсыз учар.
- Эки ойлашыб, бир сёлешген.
- Суугъа – таянма, джаугъа – ийнанма.
- «Ёгюз, джаргъа джууукъ барма, меннге джюк боллукъса», - дегенди эшек.
- Билимден уллу байлыкъ джокъду.
- Чарсда алчыны эл кёреди.
- Юй кюйдю да, кюйюз чыкъды, ортасындан тюйюш чыкъды.
- Таукелге нюр джауар.
- Юйлю уругъа ит чабмаз.
- Ат басханны джер билед.
- Къая джолда джортма, ачыкъ сёзден къоркъма.
- Иши джокъну, сыйы джокъ.
- Аууздан келген, къолдан келсе, ким да патчах болур эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72