- Хар сёзню орну барды.
- Биреуню эскиси биреуге джангы болмайды.
- Биреу къой излей, биреу той излей.
- Джыйырма къойну юч джыйырма эбзе кюте эди.
- Къулакъдан эсе, кёзге ышан.
- Ёлген аслан – сау чычхан.
- Гыдай эчки суугъа къараб, мюйюзле кёрмесе, джашма алкъын, дегенди.
- Эрине къаргъыш этген къатын, эрнин къабар.
- Байлыкъ адамны сокъур этер.
- Тойгъанлыкъ къойгъа джарашады.
- Къайгъы тюбю – тенгиз.
- Къартха ушагъан джаш – акъыллы, джашха ушагъан къарт – тели.
- Сабий кёргенин унутмаз.
- Тиширыусуз юй – отсуз от джагъа.
- Адебсиз адам – джюгенсиз ат.
- Ариуну – ауруу кёб.
- Къоркъакъны кёзю экили кёрюр.
- Къатыны харакетли болса, эри къымсыз болур.
- Къарыусузгъа кюлме, онгсузгъа тийме.
- Къонакъ аз олтурур, кёб сынар.
- Сабыр джетер муратха, сабырсыз къалыр уятха.
- Дуния мал дунияда къалады.
- Ишин билген, аны сыйын чыгъарады.
- Адамны артындан къара сабан сюрме.
- Ёлген эшек бёрюден къоркъмайды.
- Аджал соруб келмез, келсе, къайтыб кетмез.
- Къарны аманнга къазан такъдырма, къолу аманнга от джакъдырма.
- Адам сёзге тынгыла, акъыл сёзню ангыла.
- Джылар джаш, атасыны сакъалы бла ойнар.
- Ариу сёз – джаннга азыкъ, аман сёз – башха къазыкъ.
- Билмегенинги, билгеннге сор.
- Арба аугъандан сора, джол кёргюзтюучю кёб болур.
- Ёзденликни кёбю ётюрюк.
- Ёгюзню мюйюзлери ауурлукъ этмейдиле.
- Экеу тутушса, биреу джыгъылыр.
- Ач бёрюге мекям джокъ.
- Юйюнг бла джау болгъандан эсе, элинг бла джау бол.
- Тилчи тилден къаныкъмаз.
- Кюн кёрмеген, кюн кёрсе, кюндюз чыракъ джандырыр.
- Къыйынлы джети элге оноу этер.
- Ариу – кёзге, акъыл – джюрекге.
- Рысхысына кёре, джаш ёсер, къышлыгъына кёре, мал ёсер.
- Тас болгъан бычакъны сабы – алтын.
- Чомарт бергенин айтмаз.
- Эки элинги тыйсанг, джети элде махталырса.
- Аллахха ийнаннган кишини, Аллах онгдурур ишин.
- Хазыр ашха – терен къашыкъ.
- Айран ичген – къутулду, джугъусун джалагъан – тутулду.
- Атадан ёксюз – бир ёксюз, анадан ёксюз – эки ёксюз.
- Ойнай билмеген, уруб къачар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72