- Джашда акъыл джокъ, къартда къарыу джокъ.
- Ауузу бла къуш тута айланады.
- Терслик кетер, тюзлюк джетер.
- Ётюрюкню къуйругъу – бир тутум.
- Рысхы – насыбха къор.
- Акъыл аздырмаз, билим тоздурмаз.
- Бети – къучакълар, джюреги – бычакълар.
- Эртде тургъан джылкъычыны эркек аты тай табар.
- Кесине оноу эте билмеген, халкъына да эте билмез.
- Аманнга да, игиге да оноусуз къатышма.
- Ёмюрлюк шохлукъну джел элтмез.
- Татлы тилде – сёз ариу, чемер къолда – иш ариу.
- Тилчиден кери бол.
- Ойнай билмеген, оюн бузар.
- Ашхылыкъ джерде джатмайды, аманлыкъ суугъа батмайды.
- Айыбны суу бла джууалмазса.
- Аман къатын сабий табса, бий болур…
- Арыгъан къош чамчы болур.
- Кийим тукъум сордурур.
- Къазанны башы ачыкъ болса, итге уят керекди.
- Тас болгъан бычакъны сабы – алтын.
- Чомарт къонакъ юй иесин сыйлар.
- Ауругъан – джашаудан умутчу.
- Эркишини аманы тиширыуну джылатыр.
- Аш берме да, къаш бер.
- Джюрек кёзден алгъа кёрюр.
- Джаз бир кюнню джатсанг, къыш талай кюнню абынырса.
- Сангырау къулакъ эл бузар.
- Чыбыкълыкъда бюгюлмеген, къазыкълыкъда бюгюлмей эди.
- Къонакъ аман болса, къонакъбай джунчур
- Адам къаллай бир ишленмесе, аллай бир кесин уллу кёреди.
- Аман адам элни бир-бирине джау этер.
- Ата джурт – алтын бешик.
- Къарны аманнга къазан такъдырма, къолу аманнга от джакъдырма.
- Минг тенг да азды, бир джау да кёбдю.
- Кёзю сокъурдан – къоркъма, кёлю сокъурдан – къоркъ.
- Тёрени джагъы джокъ.
- Атлыны кёрсе, джаяуну буту талыр.
- Джырчы ёлсе, джыры къалыр.
- Къуллукъчума, деб махтанма, къуллукъ – хаух джамчыды!
- Эте билген, этген этеди, эте билмеген, юретген этеди!
- Игиге айтсанг – билир, аманнга айтсанг – кюлюр.
- Берекет берсин деген джерде, берекет болур.
- Сабийликде юретмесенг, уллу болса – тюзелмез.
- Къарнынг къанлынга кийирир.
- Чакъырылмагъан къонакъ – орунсуз.
- Сёлеш деб шай берген, тохта деб, сом берген.
- Чёбню кёлтюрсенг, тюбюнден сёз чыгъар.
- Юйлю уругъа ит чабмаз.
- Къумурсхала джыйылсала, пилни да джыгъадыла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72