Эльбрусоид :: Форум :: Архив форумов

Эрни эр этерик да, къара джер этерик да, тиширыуду.
Хата – гитчеден.
Акъдан къара болмаз.
Уллу сёзде уят джокъ.
Насыб бютеу халкъны юлюшюдю.
Къонакъ аз олтурур, кёб сынар.
Алим болгъандан эсе, адам болгъан къыйынды.
Джашлыкъ этмеген, башлыкъ этмез.
Ашхылыкъ джерде джатмайды, аманлыкъ суугъа батмайды.
Хар зат кесини орнуна иги.
Биреуге кёлтюрген таягъынг, кесинги башынга урур.
Джарлыны тону джаз битер.
Аджалсыз ёлюм болмаз.
Бойнуму джети джерден кессенг да, мен ол ишни этеллик тюлме.
Ашлыкъны арба юйге келтирир, чана базаргъа элтир.
Орну джокъну – сыйы джокъ.
Намысы болмагъанны, сыйы болмаз.
Экеу тутушса, биреу джыгъылыр.
Чомарт бергенин айтмаз.
Тюзню ётмеги тюзде къалса да, тас болмаз.
Кёзню ачылгъаны – иги, ауузну джабылгъаны – иги.
Джюрекге ариу – кёзге да ариу.
Джетген къыз джерли эшекни танымаз.
«Ёгюз, джаргъа джууукъ барма, меннге джюк боллукъса», - дегенди эшек.
Махтаннган къыз, тойда джукълар.
Джылыгъа джылан илешир.
Экиндини кеч къылсанг, чабыб джетер ашхам.
Къазанда болса, чолпугъа чыгъар.
Телиге от эт десенг, юйюнге от салыр.
Къуллукъчума, деб махтанма, къуллукъ – хаух джамчыды!
Ишни ахырын ойламай, аллын башлама.
Тойгъандан сора, ашны сёкме.
Къайгъы тюбю – тенгиз.
Тойчу джашха къарама, къойчу джашха къара.
Ишге юренсин къоллары, халкъ бла болсун джоллары.
Татлы тилде – сёз ариу, чемер къолда – иш ариу.
Ариу сёз – къылычдан джити.
Ашыкъгъанны этеги бутуна чырмалыр.
Биреуню тёрюнден, кесинги эшик артынг игиди.
Этни бети бла шорпасы.
Кечеси – аяз, кюню – къыш, джарлы къаргъагъа бир аш тюш!
Кютгени беш эчки, сызгъыргъаны уа, джерни джарады.
Дуния аламаты сен эсенг да, игиме деб айтма.
Эшекге миннген – биринчи айыб, андан джыгъылгъан – экинчи айыб.
Адамгъа аман кюн соруб келмейди.
Зар адамны насыбы болмаз.
Ата Джуртча джер болмаз, туугъан элча эл болмаз.
Алтыда кюлмеген, алтмышда кюлмез.
Ётюрюкден тюбю джокъ, кёлтюрюрге джиби джокъ.
Аман хансны – урлугъу кёб.

Логин:
Пароль:
	Запомнить меня на этом компьютере

Забыли свой пароль?
Регистрация