- Мал тутхан – май джалар.
- Сёлеш деб шай берген, тохта деб, сом берген.
- Эшекге миннген – биринчи айыб, андан джыгъылгъан – экинчи айыб.
- Хансыз джомакъ болмаз.
- Юре билмеген ит, къонакъ келтирир.
- Накъырданы арты керти болур.
- Ата Джуртун танымагъан, атасын да танымаз.
- Къулакъдан эсе, кёзге ышан.
- Зар адамны насыбы болмаз.
- Эл ауузу – элек, анга ийнаннган – халек.
- Акъыл аздырмаз, билим тоздурмаз.
- Къарт айтханны этмеген, къартаймаз.
- Ашхылыкъ джерде джатмайды, аманлыкъ суугъа батмайды.
- Келинин тута билмеген, къул этер, къызын тута билмеген, тул этер.
- Къая джолда джортма, ачыкъ сёзден къоркъма.
- Алтыда кюлмеген, алтмышда кюлмез.
- Къралынгы – душмандан, башынгы от бла суудан сакъла.
- Иги адамны бир сёзю эки болмаз.
- Эрине къаргъыш этген къатын, эрнин къабар.
- Джан саулукъ бермей, сан саулукъ бермезсе.
- Биреу ашаб къутулур, биреу джалаб тутулур.
- Сабий кёргенин унутмаз.
- Иесиз малны бёрю ашар.
- Чомарт къонакъ юй иесин сыйлар.
- Аууз сакълагъан – джан сакълар.
- Чыкълы кюнде чыкъмагъан, чыкъса къуру кирмеген.
- Адеб джокъда, намыс джокъ.
- Сакъ юйюне сау барыр.
- Игилик игилик бла сингдирилиучю затды.
- Алгъанда – джууукъ, бергенде – джау.
- Нарт сёз – тилни бети.
- Хунаны тюбюн къазсанг, юсюнге ауар.
- Мал ёлсе, сюек къалыр, адам ёлсе, иши къалыр.
- Къатын байлыкъны сюер, эр саулукъну сюер.
- Гугурук къычырмаса да, тангны атары къалмаз.
- Джетген къыз джерли эшекни танымаз.
- Билимден уллу байлыкъ джокъду.
- Этек чакъмакълары баш джаргъан, сёлешген сёзлери таш джаргъан.
- Ёлген аслан – сау чычхан.
- Адам туугъан джеринде, ит тойгъан джеринде.
- Джолда аягъынга сакъ бол, ушакъда тилинге сакъ бол.
- Башланнган иш битер, къымылдагъан тиш тюшер.
- Дженгил джетерикме деб, узун джолну къоюб, къысхасын барма.
- Элиб деген, элге болушур.
- Кёрмегеннге кебек – танг, битмегеннге сакъал – танг.
- Биреуге аманлыкъны тилеме да, кесинге ашхылыкъны тиле.
- Тенгинг джокъ эсе – изле, бар эсе – сакъла!
- Хатерли къул болур.
- Тенги кёбню джау алмаз, акъылы кёбню дау алмаз.
- Акъыл бла адеб эгизледиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72