- Байлыкъ тауусулур, билим тауусулмаз.
- Кийим тукъум сордурур.
- Тенги кёбню джау алмаз, акъылы кёбню дау алмаз.
- Эркиши – от, тиширыу – суу.
- Айныгъанлы алты кюн, тогъайгъанлы тогъуз кюн.
- Нафысынгы айтханын этме, намысынгы айтханын эт.
- Ёлген эшек бёрюден къоркъмайды.
- Сабыр джетер муратха, сабырсыз къалыр уятха.
- Билгенни къолу къарны джандырыр.
- Джолда аягъынга сакъ бол, ушакъда тилинге сакъ бол.
- Биреуню тёрюнден, кесинги эшик артынг игиди.
- Алим болгъандан эсе, адам болгъан къыйынды.
- Аманнга да, игиге да оноусуз къатышма.
- Къаллай салам берсенг, аллай джууаб алырса.
- Хатерли къул болур.
- Кюл тюбюндеги от кёрюнмейди.
- Кесинге джетмегенни, кёб сёлешме.
- Сёз садакъдан кючлюдю.
- Садакъачыны джаны – къапчыгъында.
- Керилген да, ургъан кибикди.
- Дженгил джетерикме деб, узун джолну къоюб, къысхасын барма.
- Накъырда – кертини келечиси.
- Биреу ашаб къутулур, биреу джалаб тутулур.
- Къарт айтханны этмеген, къартаймаз.
- Къарнынг бла ёч алма.
- Чомартха хар кюн да байрамды.
- Тил джюрекге джол ишлейди.
- Эшекни не къадар тюйсенг да, ат болмаз.
- Арбаз къынгырды да, ийнек сауалмайма.
- Танг атмайма десе да, кюн къоярыкъ тюйюлдю.
- Баш – акъыл ючюн, акъылман – халкъ ючюн.
- Бир онгсуз адам адет чыгъарды, деб эштирик тюлсе.
- Къартны сыйын кёрмеген, къартлыгъында сыйлы болмаз.
- Биреу къой излей, биреу той излей.
- Къартха ушагъан джаш – акъыллы, джашха ушагъан къарт – тели.
- Уллу суу бла уллу ауруудан башынгы сакъла.
- Ариу – кёзге, акъыл – джюрекге.
- Джетген къыз джерли эшекни танымаз.
- Босагъа таш юйге кирмей эди, тыбыр таш эшикге чыкъмай эди.
- Ана кёлю – балада, бала кёлю – талада.
- Акъыл бла адеб эгизледиле.
- Абынмазлыкъ аякъ джокъ, джангылмазлыкъ джаякъ джокъ.
- Кёпюр салгъан кеси ётер, уру къазгъан кеси кетер.
- Иги адам абынса да, джангылмаз.
- Тёгюлген тюгел джыйылмайды.
- Адам боллукъ, атламындан белгили болур.
- Накъырданы арты керти болур.
- Бичгенде ашыкъма, тикгенде ашыкъ.
- Бал – татлы, балдан да бала – татлы.
- Къартны бурнун сюрт да, оноугъа тут.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72