- Нёгер болсанг, тенг бол, тенг болмасанг, кенг бол.
- Хар ишни да аллы къыйынды.
- Окъдан джара эртде-кеч болса да бителир, сёз джара, ёмюрге къалыр.
- Мени джылытмагъан кюн, меннге тиймесин!
- Эр сокъур болсун, къатын тилсиз болсун.
- Къыз тиширыу кеси юйюнде да къонакъды.
- Аманнга да, игиге да оноусуз къатышма.
- Къуллукъчума, деб махтанма, къуллукъ – хаух джамчыды!
- Чакъырылмай келген къонакъ сыйланмай кетер.
- Ариу сёз – къылычдан джити.
- Ач уят къоймаз.
- Ач къалгъандан, кеч къалгъан къолай.
- Уллу къашыкъ эрин джыртар.
- Тюзлюк шохлукъну бегитир.
- Шапа кёб болса, аш татымсыз болур.
- Ата джурт – алтын бешик.
- Халкъны джырын джырласанг, халкъ санга эжиу этер.
- Уллу атлама – абынырса, уллу къабма – къарылырса.
- Нафысынгы айтханын этме, намысынгы айтханын эт.
- Ичимден чыкъды хата, къайры барайым сата?
- Тёзгеннге, джабылгъан эшик ачылыр.
- От кюйдюрген, сау болса да, тот кюйдюрген, сау болмаз.
- Адеб базарда сатылмаз.
- Къыз чыгъаргъан – къызыл къымжа.
- Ишни аллы бла къууанма да, арты бла къууан.
- Асхат ашлыкъ сата, юйдегиси ачдан къата.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бек анасы джыламаз.
- Акъыл сабырлыкъ берир.
- Джети тилни билген джети кишиди.
- Тил джюрекге джол ишлейди.
- Ариу сёз аурууунгу алыр.
- Эки ойлашыб, бир сёлешген.
- Адам къаллай бир ишленмесе, аллай бир кесин уллу кёреди.
- Ауурну тюбю бла, дженгилни башы бла джюрюген.
- Эл элде бирер малынг болгъандан эсе, бирер тенгинг болсун.
- Билим – акъылны чырагъы.
- Берекет берсин деген джерде, берекет болур.
- Ана – юйню кюн джарыгъы.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёпюр салгъан кеси ётер, уру къазгъан кеси кетер.
- Къарт айтханны этмеген, къартаймаз.
- Тойгъан джерден туугъан джер игиди.
- Болджал ишни бёрю ашар.
- Элиб деген, элге болушур.
- Чакъырылмагъан къонакъ тёрге атламаз.
- Ишин билген, аны сыйын чыгъарады.
- Мураты болгъанны джюрек тебюую башхады.
- Джогъун бар этген, барын бал этген.
- Тойгъан антын унутур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72