- Элиб деген, элге болушур.
- Эринчекни эр алмаз, эр алса да, кёл салмаз, кёл салса да, кёб бармаз!
- Соргъан айыб тюлдю, билмеген айыбды.
- Кийиминг бла танылма, адамлыкъ бла таныл.
- Уллу суу бла уллу ауруудан башынгы сакъла.
- Урунуу – насыбны анасы.
- Дуния аламаты сен эсенг да, игиме деб айтма.
- Чыкълы кюнде чыкъмагъан, чыкъса къуру кирмеген.
- Кюн кёрмеген, кюн кёрсе, кюндюз чыракъ джандырыр.
- Къарнынг бла ёч алма.
- Аджал соруб келмез, келсе, къайтыб кетмез.
- Миллетни бойну – базыкъ, аны бла кюрешген – джазыкъ.
- Джолунга кёре – джюрюшюнг, джагъанга кёре – юлюшюнг.
- Эртде тургъан бла эртде юйленнген сокъуранмаз.
- Чабакъгъа акъыл, табагъа тюшсе келеди.
- Ётюрюкчюню шагъаты – къатында.
- Телиге акъыл салгъандан эсе, ёлгеннге джан салырса.
- Кёлю джокъну – джолу джокъ.
- Билгенни къолу къарны джандырыр.
- Аякъларынгы джууургъанынга кёре узат.
- Дуния мал дунияда къалады.
- Этим кетсе да, сюегим къалыр.
- Иги болса, тамадама – махтау, аман болса, меннге – айыб.
- Юйлю уругъа ит чабмаз.
- Ашатыргъа иш – ашхы, ишлетирге аш – ашхы.
- Байдан умут эте, джарлыдан ёгюз багъасы къорады.
- Уллу къашыкъ эрин джыртар.
- Ачыкъ джюрекге джол – ачыкъ.
- Керек ташны ауурлугъу джокъ.
- Ишге юренсин къоллары, халкъ бла болсун джоллары.
- Аман хансны – урлугъу кёб.
- Ким бла джюрюсенг, аны кёзю бла кёрюнюрсе.
- Тура эдим джата, къайдан чыкъды хата?
- Тойчу джашха къарама, къойчу джашха къара.
- Тамбла алтындан бюгюн багъыр ашхы.
- Уллу къазанда бишген эт, чий къалмаз.
- Иги – алгъыш этер, аман – къаргъыш этер.
- Мураты болгъанны джюрек тебюую башхады.
- Азыкъ аз болса, эртде орун сал.
- Бет бетге къараса, бет да джерге къарар.
- Къарт болгъан джерде, берекет болур, сабий болгъан джерде, оюн болур.
- Билим ат болуб да чабар, къуш болуб да учар.
- Атлыны ашхысы, ат тизгининден билинир
- Адеби болмагъан къыз – тузсуз хант.
- Чомартны къолу берекет.
- Акъыл аздырмаз, билим тоздурмаз.
- Кёзю сокъурдан – къоркъма, кёлю сокъурдан – къоркъ.
- Джыланны къуйругъундан басарынг келсе, аны башы болгъанын унутма.
- Кенгеш болса, уруш болмаз.
- Агъач халкъгъа алтынды, иссиликге салкъынды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72