- Телиге от эт десенг, юйюнге от салыр.
- Хоншуну тауугъу къаз кёрюнюр, келини къыз кёрюнюр.
- Къайтырыкъ эшигинги, къаты уруб чыкъма.
- Иги адам абынса да, джангылмаз.
- Ашаса, ашамаса да, бёрюню ауузу – къан.
- Иги сеники эсе да, сюйген кесимикин этеме.
- Эки итни арасына сюек атма, эки адамны арасында сёз чыгъарма.
- Аш берме да, къаш бер.
- Гитче джилтин уллу элни джандырыр.
- Уллу сёлешме да, уллу къаб.
- Азыкъ аз болса, эртде орун сал.
- Ишлегенде эринме, ишде чолакъ кёрюнме.
- Кесинге джетмегенни, кёб сёлешме.
- Тели турса – той бузар.
- Нарт сёз – тилни бети.
- Къууут – джелге, берне – бошха.
- Алим болгъандан эсе, адам болгъан къыйынды.
- Джукъу тёшек сайламайды.
- Тай асырагъан, атха минер.
- Баргъанынга кёре болур келгенинг.
- Таякъ этден ётер, тил сюекден ётер.
- Адеб джокъда, намыс джокъ.
- Тура эдим джата, къайдан чыкъды хата?
- Магъанасыз сёз – тауушсуз сыбызгъы.
- Къая джолда джортма, ачыкъ сёзден къоркъма.
- Ачны эсинде – аш.
- Къыйынлы джети элге оноу этер.
- Уллу атлама – абынырса, уллу къабма – къарылырса.
- Билеги кючлю, бирни джыгъар, билими кючлю, мингни джыгъар.
- Тойгъан джерге джети къайт.
- Ашын ашагъанынгы, башын да сыйла.
- Аджашханны ызындагъы кёреди, джангылгъанны джанындагъы биледи.
- Адамны аты башхача, акъылы да башхады.
- Къоркъакъны кёзю экили кёрюр.
- Этни да ашады, бетни да ашады.
- Иги – алгъыш этер, аман – къаргъыш этер.
- Сагъышы джокъ – джукъучу, акъылы джокъ – къаугъачы.
- Джашны джигитлиги сорулур, къызны джигерлиги сорулур.
- Аманны эки битли тону болур, бирин сеннге кийдирир, бирин кеси киер.
- Адамны сыфатына къарама, сёзюне къара.
- Аджал соруб келмез, келсе, къайтыб кетмез.
- Алтыннга тот къонмаз.
- Башы ишлегенни, ауузу да ишлер.
- Ёгюзню мюйюзюнден тутадыла, адамны сёзюнден тутадыла.
- Къарт болгъан джерде, берекет болур, сабий болгъан джерде, оюн болур.
- Адам туугъан джеринде, ит тойгъан джеринде.
- Бир онгсуз адам адет чыгъарды, деб эштирик тюлсе.
- Баш – акъыл ючюн, акъылман – халкъ ючюн.
- Тюз сёз баргъан сууну тыяр.
- Адеби болмагъан къыз – тузсуз хант.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72