- Суу да къайтады чыкъгъан джерине.
- Татлы сёз – балдан татлы.
- Тиширыусуз юй – отсуз от джагъа.
- Эркишини аманы тиширыуну джылатыр.
- Элге къуллукъ этмеген, элге ие болмаз.
- Аман эсирсе, юйюн ояр.
- Джаханимни кёрмей, джандетге кёл салмазса.
- Чакъырылмагъан къонакъ – орунсуз.
- Айран тёгюлсе, джугъусу къалыр.
- Джумушакъ терекни къурт ашар.
- Къонакъны къачан кетерин сорма, къачан келлигин сор.
- Ариу сёз – джаннга азыкъ, аман сёз – башха къазыкъ.
- Джан саулукъ бермей, сан саулукъ бермезсе.
- Акъылсызны джууукъгъа алма, акъыллыны кенгнге салма.
- Къарнынг ауруса, ауузунгу тый
- Игиге айтсанг – билир, аманнга айтсанг – кюлюр.
- Къарны аманнга къазан такъдырма, къолу аманнга от джакъдырма.
- Окъумагъан сокъурду, сокъур ташха абыныр!
- Мухарны эси – ашарыкъда.
- Тешигини къатында, чычхан да батыр болур.
- Ашхы атаны – джашы ашхы, ашхы ананы – къызы ашхы.
- Кёл ашады да, кеси ашады.
- Эшекни не къадар тюйсенг да, ат болмаз.
- Къарнынг бла ёч алма.
- Къар – келтирди, суу – элтди.
- Эки къатын алгъанны къулагъы тынгнгаймаз.
- Ашатыргъа иш – ашхы, ишлетирге аш – ашхы.
- Тин – байлыгъынг, терен саулугъунг.
- Кечеси – аяз, кюню – къыш, джарлы къаргъагъа бир аш тюш!
- Юйюнг бла джау болгъандан эсе, элинг бла джау бол.
- Къая джолда джортма, ачыкъ сёзден къоркъма.
- Къанны къан бла джуума, аманны аман бла къуума.
- Ётюрюкчюню шагъаты – къатында.
- Тенги кёбню джау алмаз, акъылы кёбню дау алмаз.
- Эл тойса, тоймагъан, эл къойса, къоймагъан.
- Уллу сёлешме да, уллу къаб.
- Чомартны къолу берекет.
- Джыланны къуйругъундан басарынг келсе, аны башы болгъанын унутма.
- Аманны тукъумуна къарама, игини тукъумун сорма.
- Уллу сёзде уят джокъ.
- Тюкюрюк баш джармаз, налат кёз чыгъармаз!
- Тай асырагъан, атха минер.
- Окъ къызбайны джокълайды.
- Кёбге таш атма.
- Джылыгъа джылан илешир.
- Ётюрюкню башын керти кесер.
- Танг атмайма десе да, кюн къоярыкъ тюйюлдю.
- Эр абынмай, эл танымаз.
- Ёгюзню мюйюзлери ауурлукъ этмейдиле.
- Тойну къарнашы – харс, джырны къарнашы – эжиу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72