- Намыс сатылыб алынмайды.
- Уллу суу бла уллу ауруудан башынгы сакъла.
- Иши джокъну, сыйы джокъ.
- Тилчиден кери бол.
- Таш бла ургъанны, аш бла ур.
- Джюз элде джюз ёгюзюм болгъандан эсе, джюз джууугъум болсун.
- Таякъ этден ётер, тил сюекден ётер.
- Таш ата билмеген, башына урур.
- Тёрени джагъы джокъ.
- Арба аугъандан сора, джол кёргюзтюучю кёб болур.
- Байлыкъдан саулукъ ашхыды.
- Бир абыннган – минг сюрюнюр.
- Джаным-тиним – окъуу, билим.
- Биреу къой излей, биреу той излей.
- Тёгюлген тюгел джыйылмайды.
- Керти сёзге тёре джокъ.
- Ётген ёмюр – акъгъан суу.
- Джан саулукъ бермей, сан саулукъ бермезсе.
- Садакъачыны джаны – къапчыгъында.
- Киштикге къанат битсе, чыпчыкъ къалмаз эди.
- Чыкълы кюнде чыкъмагъан, чыкъса къуру кирмеген.
- Аш иеси бла татлыды.
- Малны кют, джерни тюрт.
- Эте билген, этген этеди, эте билмеген, юретген этеди!
- Мураты болгъанны джюрек тебюую башхады.
- Эринчекни эр алмаз, эр алса да, кёл салмаз, кёл салса да, кёб бармаз!
- Окъугъан – асыу, окъумагъан – джарсыу.
- Ушамагъан – джукъмаз.
- Джиби бир къат джетмей эди да, эки къат тарта эди.
- Сёз садакъдан кючлюдю.
- Чабакъсыз кёлге къармакъ салгъанлыкъгъа, чабакъ тутмазса.
- Къызгъанчдан ычхыныр, мухардан ычхынмаз.
- Билими азны – ауузунда кирит.
- Къоркъакъны кёзю экили кёрюр.
- Этим кетсе да, сюегим къалыр.
- Айтхан сёзюне табылгъан.
- Ёнгкюч къууана барыр, джылай келир.
- Адамны сабийин сюйген джюреги, бычакъча, джитиди.
- Нафысынгы айтханын этме, намысынгы айтханын эт.
- Къазанчы аман болса, къазаны къайнамаз.
- Сагъышы джокъ – джукъучу, акъылы джокъ – къаугъачы.
- Адамгъа аман кюн соруб келмейди.
- Сабий кёргенин унутмаз.
- Къыз тиширыу кеси юйюнде да къонакъды.
- Тин – байлыгъынг, терен саулугъунг.
- Джети тилни билген джети кишиди.
- Джуртун къоругъан озар.
- Сабийни джумушха джибер да, ызындан бар.
- Тёзген – тёш ашар!
- Адамны аманы адамны бети бла ойнар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72