- Къонакъ кёб келюучю юйню, къазаны отдан тюшмез.
- Къалгъан ишге къар джауар.
- Къуллукъчума, деб махтанма, къуллукъ – хаух джамчыды!
- Эки ойлашыб, бир сёлешген.
- Арыгъан къош чамчы болур.
- Адамны сыфатына къарама, сёзюне къара.
- Тынгылагъан тынгы бузар.
- Орну джокъну – сыйы джокъ.
- Уллу айтханны этмеген – уллаймаз.
- Къазанчы аман болса, къазаны къайнамаз.
- Къыйынлы джети элни къайгъысын этер.
- Малны кют, джерни тюрт.
- Къайтырыкъ эшигинги, къаты уруб чыкъма.
- Ач къарынны, токъ билмез
- Къонагъы джокъну – шоху джокъ.
- Ариу сёз – къылычдан джити.
- Эркиши – от, тиширыу – суу.
- Таукел къуру къалмаз.
- Окъугъанны бети джарыкъ.
- Бастасын ашагъан, хантусун да ичер.
- Эркишини аманы тиширыуну джылатыр.
- Тил бла келеди джыр да.
- Биреу ашаб къутулур, биреу джалаб тутулур.
- Эрине къаргъыш этген къатын, эрнин къабар.
- Эски джаугъа ышанма.
- Нарт сёз къарт болмаз.
- Ариу сёз – джаннга азыкъ, аман сёз – башха къазыкъ.
- Халкъгъа джарагъан, джарлы къалмаз.
- Адам къыйынлыгъын кёлтюрюр, зауукълугъун кёлтюрмез.
- Кёбден умут этиб, аздан къуру къалма.
- Атынг аманнга чыкъгъандан эсе, джанынг тамагъынгдан чыкъсын.
- Атлыны ашхысы, ат тизгининден билинир
- Ишге юренсин къоллары, халкъ бла болсун джоллары.
- Таш ата билмеген, башына урур.
- Джыланны къуйругъундан басарынг келсе, аны башы болгъанын унутма.
- Миллетни бойну – базыкъ, аны бла кюрешген – джазыкъ.
- Бюгюн дуния кибик, тамбла ахыратды.
- Джумушакъ сёз къаты таякъны сындырыр.
- Ётюрюк хапар аякъ тюбю бла джюрюйдю.
- Джылыгъа джылан илешир.
- Чакъырылмай келген къонакъ сыйланмай кетер.
- Танг атмайма десе да, кюн къоярыкъ тюйюлдю.
- Башланнган иш битер, къымылдагъан тиш тюшер.
- Аз сёлешген, къайгъысыз турур.
- Тай асырагъан, атха минер.
- Ишленмеклик адамлыкъды.
- Аманнга да, игиге да оноусуз къатышма.
- Кёрмегеннге кебек – танг, битмегеннге сакъал – танг.
- Сабийни джумушха джибер да, ызындан бар.
- Сабий болмагъан джерде, мёлек болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72