- Болджал ишни бёрю ашар.
- Ашхы адам – халкъ байлыгъы, ашхы джер – джашау байлыгъы.
- Иги сеники эсе да, сюйген кесимикин этеме.
- Ишленмеклик адамлыкъды.
- Хантына кёре тузу, юйюне кёре къызы.
- Ойнай билмеген, уруб къачар.
- Кечеси – аяз, кюню – къыш, джарлы къаргъагъа бир аш тюш!
- Билмегенинги, билгеннге сор.
- Ата Джуртун танымагъан, атасын да танымаз.
- Нарт сёз – тилни бети.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашлыкъны арба юйге келтирир, чана базаргъа элтир.
- Элде адам къалмаса, ит тахтагъа минер.
- Айырылгъанланы айю ашар, бёлюннгенлени бёрю ашар.
- Къазанны башы ачыкъ болса, итге уят керекди.
- Ауругъаннга – кийик саулукъ, джетген къызгъа – чилле джаулукъ.
- Сабий кёргенин унутмаз.
- Къартны сыйын кёрмеген, къартлыгъында сыйлы болмаз.
- Этим кетсе да, сюегим къалыр.
- Иги – алгъыш этер, аман – къаргъыш этер.
- Ышармагъан – кюлмез, кюлмеген – къууанчны билмез.
- Къан бла кирген, джан бла чыгъар.
- Билим – акъылны чырагъы.
- Тынгылагъан тынгы бузар.
- Къарт болгъан джерде, берекет болур, сабий болгъан джерде, оюн болур.
- Ач да бол, токъ да бол – намысынга бек бол.
- Чёбню кёлтюрсенг, тюбюнден сёз чыгъар.
- Тёгюлген тюгел джыйылмайды.
- Бир абыннган – минг сюрюнюр.
- Аманнга да, игиге да оноусуз къатышма.
- Ач къарным, тынч къулагъым.
- Aдам боллукъ, сыфатындан белгили.
- Аманнга игилик этсенг, юйюнге сау бармазса.
- Хар адамгъа кеси миннген тау кибик.
- Къайтырыкъ эшигинги, къаты уруб чыкъма.
- Экеу тутушса, биреу джыгъылыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ачыкъ джюрекге джол – ачыкъ.
- Чакъырылмагъан къонакъ – орунсуз.
- Агъач халкъгъа алтынды, иссиликге салкъынды.
- Къралынгы – душмандан, башынгы от бла суудан сакъла.
- Аз айтсам, кёб ангылагъыз.
- Кюлме джашха – келир башха.
- Тойгъан джерге джети къайт.
- Джылыгъа джылан илешир.
- Окъумагъан сокъурду, сокъур ташха абыныр!
- Джашынгы кесинг юретмесенг, джашау юретир.
- Къызбайны юйюне дери сюрсенг, батыр болур.
- Магъанасыз сёз – тауушсуз сыбызгъы.
- Атынг аманнга чыкъгъандан эсе, джанынг тамагъынгдан чыкъсын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72