- Джаралыны джастыгъында сау ёлюр.
- Къызын тута билмеген, тул этер, джашын тута билмеген, къул этер.
- Шекер бла туз – бир болмаз, ушамагъан – юй болмаз.
- Аманны эки битли тону болур, бирин сеннге кийдирир, бирин кеси киер.
- Сыфатында болмагъаны, суратында болмаз.
- Ариу сёз – джаннга азыкъ, аман сёз – башха къазыкъ.
- Адам туугъан джеринде, ит тойгъан джеринде.
- Джарлы эскисин джамаса, къууаныр.
- Чомарт къонакъ юй иесин сыйлар.
- Ашлыкъны арба юйге келтирир, чана базаргъа элтир.
- Тешигини къатында, чычхан да батыр болур.
- Эркишиге тары кебек танг кёрюнюр.
- Ёксюзню къалачы уллу кёрюнюр.
- Олтуруб кёрюнмей эди да, ёрге туруб кёрюне эди.
- Адам къаллай бир ишленмесе, аллай бир кесин уллу кёреди.
- Эшекге миннген – биринчи айыб, андан джыгъылгъан – экинчи айыб.
- Тойгъанлыкъ къойгъа джарашады.
- Билеги кючлю, бирни джыгъар, билими кючлю, мингни джыгъар.
- Аллахдан тилесенг, кёб тиле.
- Арыгъан къош чамчы болур.
- Окъугъан озар, окъумагъан тозар.
- Тил джюрекге джол ишлейди.
- Татлы сёз – балдан татлы.
- Ишлегенден, къарагъан уста.
- Намыс сатылыб алынмайды.
- Байлыкъ болгъан джерде, тынчлыкъ джокъду.
- Биреу къой излей, биреу той излей.
- Тёзген – тёш ашар!
- Къартны бурнун сюрт да, оноугъа тут.
- Аман эсирсе, юйюн ояр.
- «Ёгюз, джаргъа джууукъ барма, меннге джюк боллукъса», - дегенди эшек.
- Ач да бол, токъ да бол – намысынга бек бол.
- Атлыны кёрсе, джаяуну буту талыр.
- Ойнаб айтсанг да, эслеб айт.
- Ашхы сёз таш тешер.
- Айран тёгюлсе, джугъусу къалыр.
- Алтыда кюлмеген, алтмышда кюлмез.
- Аз сёлешген, къайгъысыз турур.
- Джылар джаш, атасыны сакъалы бла ойнар.
- Уллу къазанда бишген эт, чий къалмаз.
- Тамбла алтындан бюгюн багъыр ашхы.
- Бал чибинни ургъаны – ачы, балы – татлы.
- Джуртун къоругъан озар.
- Адамны артындан къара сабан сюрме.
- Тенгни тенглиги джашай барсанг билинир.
- Ариу сёзде ауруу джокъ.
- Джиби бир къат джетмей эди да, эки къат тарта эди.
- Тёгюлген тюгел джыйылмайды.
- Телини эшигин, махтау джабар.
- Уясында не кёрсе, учханында аны этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72