- Юй ишлеген балта эшикде къалыр.
- Кёзюнде тереги болгъан, чёбю болгъаннга кюле эди.
- Иги адамны бир сёзю эки болмаз.
- Эркиши – от, тиширыу – суу.
- Кюн – узун, ёмюр – къысха.
- Намысы болмагъанны, сыйы болмаз.
- Аман къатын сабий табса, бий болур…
- Игини сыйлагъан адетди.
- Хар ишни да аллы къыйынды.
- Садакъачыны джаны – къапчыгъында.
- Айтхан – тынч, этген – къыйын.
- Намыс сатылыб алынмайды.
- Кесине оноу эте билмеген, халкъына да эте билмез.
- Джюрекден джюрекге джол барды.
- Билген билмегенни юретген адетди.
- Ауузу аманнга «иги», деме.
- Къарын къуру болса, джюрек уру болур.
- Бек анасы джыламаз.
- Игилик игилик бла сингдирилиучю затды.
- Къазанда болса, чолпугъа чыгъар.
- Намыс болмагъан джерде, насыб болмаз.
- Ойнай билмеген, уруб къачар.
- Татлы тилде – сёз ариу, чемер къолда – иш ариу.
- Къонакъ аман болса, къонакъбай джунчур
- «Ма», - дегенни билмесенг, «бер», - дегенни билмезсе.
- Иги сёз – джаннга азыкъ, аман сёз башха – къазыкъ.
- Аманнга да, игиге да оноусуз къатышма.
- Малны кют, джерни тюрт.
- Элге къуллукъ этмеген, элге ие болмаз.
- Тай асырагъан, атха минер.
- Джюрекге ариу – кёзге да ариу.
- Къонакъ хазыр болгъанлыкъгъа, къонакъбай хазыр тюлдю.
- Джогъун бар этген, барын бал этген.
- Тик ёргени, тик энгишгеси да болады.
- Байлыкъ адамны сокъур этер.
- Джарашыу сюйген – джалынчакъ.
- Джаш болсун, къыз болсун, акъылы, саны тюз болсун.
- Джолунга кёре – джюрюшюнг, джагъанга кёре – юлюшюнг.
- Акъыллы айтыр эди, акъылсыз къоймайды.
- Иги адам абынса да, джангылмаз.
- Ойнай-ойнай кёз чыгъар.
- Ач да бол, токъ да бол – намысынга бек бол.
- Джерни букъусу кёкге къонмаз.
- Башынга джетмегенни сорма.
- Чомарт джарлы болмаз.
- Хансыз джомакъ болмаз.
- Битмегеннге сакъал – танг.
- Къартны бурнун сюрт да, оноугъа тут.
- Къызбайны юйюне дери сюрсенг, батыр болур.
- Тилсиз миллет джокъ болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72