- Ариу сёзде ауруу джокъ.
- Биреуню эскиси биреуге джангы болмайды.
- Нарт сёз – тилни бети.
- Бир абыннган – минг сюрюнюр.
- Зарда марда джокъ.
- Окъдан джара эртде-кеч болса да бителир, сёз джара, ёмюрге къалыр.
- Кёзню ачылгъаны – иги, ауузну джабылгъаны – иги.
- Киштикге къанат битсе, чыпчыкъ къалмаз эди.
- Тойгъан антын унутур.
- Бет бетге къараса, бет да джерге къарар.
- Рысхы джалгъанды: келген да этер, кетген да этер.
- Джашынгы кесинг юретмесенг, джашау юретир.
- Билеги кючлю, бирни джыгъар, билими кючлю, мингни джыгъар.
- Тилчи тилден къаныкъмаз.
- Ишленмеген джаш – джюгенсиз ат, ишленмеген къыз – тузсуз хант.
- Туз, гырджын аша, тюзлюк бла джаша.
- Адеби болмагъан къыз – тузсуз хант.
- Тюзню ётмеги тюзде къалса да, тас болмаз.
- Ач келгенни – тойдур, кеч келгенни – къондур.
- Ашха уста, юйюнде болсун
- Адамны артындан къара сабан сюрме.
- Джыйырма къойну юч джыйырма эбзе кюте эди.
- Ёмюрлюк шохлукъну джел элтмез.
- Ариу сёз аурууунгу алыр.
- Махтаннган къыз, тойда джукълар.
- Айыбны суу бла джууалмазса.
- Ашыкъгъанны этеги бутуна чырмалыр.
- Шекер бла туз – бир болмаз, ушамагъан – юй болмаз.
- Асхат ашлыкъ сата, юйдегиси ачдан къата.
- Адамны аты башхача, акъылы да башхады.
- Гыдай эчки суугъа къараб, мюйюзле кёрмесе, джашма алкъын, дегенди.
- Чабакъ башындан чирийди.
- Ата джурт – алтын бешик.
- Тик ёргени, тик энгишгеси да болады.
- Айран ичген – къутулду, джугъусун джалагъан – тутулду.
- Тойгъандан сора, ашны сёкме.
- Къарнынг бла ёч алма.
- Келинни – келгинчи, бёркню кийгинчи кёр.
- Байма, деб да, къууанма, джарлыма, деб да, джылама.
- Къатын къылыкъсыз, эр тынчлыкъсыз.
- Кийимни бичсенг, кенг бич, тар этген къыйын тюлдю.
- Элиб деген, элге болушур.
- Сагъыш – къартлыкъгъа сюйюмчю.
- Бети – къучакълар, джюреги – бычакълар.
- Тойгъан джерден туугъан джер игиди.
- Тилчи бир сагъатха айлыкъ хата этер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билген билмегенни юретген адетди.
- Суу кетер, таш къалыр.
- Аманны эки битли тону болур, бирин сеннге кийдирир, бирин кеси киер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72