- Накъырданы арты керти болур.
- Тойгъа алгъа да барма, тойда артха да къалма.
- Аш кетер да бет къалыр.
- Тил бла келеди джыр да.
- Орну джокъну – сыйы джокъ.
- Тойгъа барсанг, тоюб бар, эски тонунгу къоюб бар.
- Ишлерге уял да, ашаргъа табма.
- Эллинг бла джау болсанг да, юйюнг бла джау болма.
- Ана къолу ачытмаз.
- Ауузу бла къуш тута айланады.
- Джюрекге ариу – кёзге да ариу.
- Кёзден кетген, кёлден да кетеди.
- Телини эшигин, махтау джабар.
- Джылар джаш, атасыны сакъалы бла ойнар.
- Ёксюзню тилеги къабыл болур.
- Ёлген эшек бёрюден къоркъмайды.
- Ачылгъан эт джабылыр, кёрген кёз унутмаз.
- Къарнынг бла ёч алма.
- Ауругъан – джашаудан умутчу.
- Джол бла сёзню къыйыры джокъ.
- Къонакъны къачан кетерин сорма, къачан келлигин сор.
- Къонакъ аз олтурур, кёб сынар.
- Телиге акъыл салгъандан эсе, ёлгеннге джан салырса.
- Чомарт бергенин айтмаз.
- Атадан ёксюз – бир ёксюз, анадан ёксюз – эки ёксюз.
- Джаралыны джастыгъында сау ёлюр.
- Намысы джокъну – дуниясы джокъ.
- Ач къарным, тынч къулагъым.
- Керилген да, ургъан кибикди.
- Тойгъан антын унутур.
- Аджашханны ызындагъы кёреди, джангылгъанны джанындагъы биледи.
- Ариу сёз аурууунгу алыр.
- Иги – алгъыш этер, аман – къаргъыш этер.
- Сабийликде юретмесенг, уллу болса – тюзелмез.
- Шайтан алдады, тюзлюк къаргъады.
- Джюз элде джюз ёгюзюм болгъандан эсе, джюз джууугъум болсун.
- Билими азны – ауузунда кирит.
- Акъыл аздырмаз, билим тоздурмаз.
- Билгенни къолу къарны джандырыр.
- Къулакъдан эсе, кёзге ышан.
- Уллу къазанда бишген эт, чий къалмаз.
- Джогъун бар этген, барын бал этген.
- Джыйырма къойну юч джыйырма эбзе кюте эди.
- Босагъа таш юйге кирмей эди, тыбыр таш эшикге чыкъмай эди.
- Адамны джюреги нени кёрюрге сюйсе, кёзю да аны кёрюрге ёч болады.
- Ачлыкъда тары гырджын халыуадан татлы.
- Кийим тукъум сордурур.
- Джашда акъыл джокъ, къартда къарыу джокъ.
- Кёб джат да, бек чаб.
- Сакъламагъан затынга джолукъсанг, не бек къууанаса, не бек ачыйса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72