- Ишленмеген джаш – джюгенсиз ат, ишленмеген къыз – тузсуз хант.
- Уясында не кёрсе, учханында аны этер.
- Чомартны къолу берекет.
- Ишни ахырын ойламай, аллын башлама.
- Ат да турмайды бир териде.
- Сютден ауузу кюйген, суугъа юфгюре эди.
- Кёлю джокъну – джолу джокъ.
- Тамчы таш тешер.
- Къызын тута билмеген, тул этер, джашын тута билмеген, къул этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Чабар ат – джетген къыз.
- Ач къалгъандан, кеч къалгъан къолай.
- Урунуу – насыбны анасы.
- Берекет берсин деген джерде, берекет болур.
- Элде адам къалмаса, ит тахтагъа минер.
- Къарнынг ауруса, ауузунгу тый
- Кёрмегеннге кебек – танг, битмегеннге сакъал – танг.
- Джеринден айырылгъан – джети джылар, джуртундан айырылгъан – ёлгюнчю джылар.
- Юре билмеген ит, къонакъ келтирир.
- Сескекли кесин билдирир.
- Бюгюн дуния кибик, тамбла ахыратды.
- Этек чакъмакълары баш джаргъан, сёлешген сёзлери таш джаргъан.
- Баш – акъыл ючюн, акъылман – халкъ ючюн.
- Хар зат кесини орнуна иги.
- Эл ауузу – элек, анга ийнаннган – халек.
- Билимли ёлмез, билимсиз кёрмез.
- Таш бла ургъанны, аш бла ур.
- Игини сыйлагъан адетди.
- Къая джолда джортма, ачыкъ сёзден къоркъма.
- Суу да къайтады чыкъгъан джерине.
- Къарнынг бла ёч алма.
- Аман хансны – урлугъу кёб.
- Къызгъанчдан ычхыныр, мухардан ычхынмаз.
- Юй ишлеген балта эшикде къалыр.
- Бети къызарыучу адамны, джюреги харам болмаз.
- Кёб къычыргъандан – къоркъма, тынч олтургъандан – къоркъ.
- Тойну къарнашы – харс, джырны къарнашы – эжиу.
- Къартны сыйын кёрмеген, къартлыгъында сыйлы болмаз.
- Малны кют, джерни тюрт.
- Сагъышы джокъ – джукъучу, акъылы джокъ – къаугъачы.
- Намысы болмагъанны, сыйы болмаз.
- Таукел къуру къалмаз.
- Аш берме да, къаш бер.
- Джиби бир къат джетмей эди да, эки къат тарта эди.
- Насыблы элин сюер, насыбсыз кесин сюер.
- Сабийликде юретмесенг, уллу болса – тюзелмез.
- Джырына кёре эжиую.
- Мадар болса, къадар болур.
- Зарда марда джокъ.
- Элни кючю – эмеген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72