- Тешигини къатында, чычхан да батыр болур.
- Сууда джау джокъ, кёб сёзде магъана джокъ.
- Бети – къучакълар, джюреги – бычакълар.
- Арбаз къынгырды да, ийнек сауалмайма.
- Арпа, будай – ащды, алтын, кюмюш а – ташды.
- Хансыз джомакъ болмаз.
- Къарыусузгъа кюлме, онгсузгъа тийме.
- Тура эдим джата, къайдан чыкъды хата?
- Орундукъ тюбюнде атылсам да, орта джиликме, де да айлан.
- Узун джолну барсанг, бюгюн келирсе, къысха джолну барсанг, тамбла келирсе.
- Ата – баланы уясы.
- Чомарт къонакъ юй иесин сыйлар.
- Мал тутхан – май джалар.
- Алгъанда – джууукъ, бергенде – джау.
- Насыб бютеу халкъны юлюшюдю.
- Билеги кючлю, бирни джыгъар, билими кючлю, мингни джыгъар.
- Татлы тилде – сёз ариу, чемер къолда – иш ариу.
- Джаз бир кюнню джатсанг, къыш талай кюнню абынырса.
- Бюгюн дуния кибик, тамбла ахыратды.
- Эки ойлашыб, бир сёлешген.
- Ачыу алгъа келсе, акъыл артха къалады.
- Баш – акъыл ючюн, акъылман – халкъ ючюн.
- Тилде сюек болмаса да, сюек сындырыр.
- Чакъырылмагъан джерге барма, чакъырылгъан джерден къалма.
- Кийимни бир кюнню аясанг, минг кюннге джарар.
- Акъыл аздырмаз, билим тоздурмаз.
- Бозанг болмагъан джерге, къалагъынгы сукъма.
- Тил джюрекге джол ишлейди.
- Тёрдеги кюлсе, эшикдеги ышарыр.
- Чыкълы кюнде чыкъмагъан, чыкъса къуру кирмеген.
- Чакъырылмагъан къонакъ къачан кетерин сормаз.
- Адамны артындан къара сабан сюрме.
- Къартха ушагъан джаш – акъыллы, джашха ушагъан къарт – тели.
- Ойнай билмеген, уруб къачар.
- Къарнынг къанлынга кийирир.
- Кёзден кетген, кёлден да кетеди.
- Тили узунну, намысы – къысха.
- Джолунга кёре – джюрюшюнг, джагъанга кёре – юлюшюнг.
- Керек ташны ауурлугъу джокъ.
- Кёрмегеннге кебек – танг, битмегеннге сакъал – танг.
- Ашхы тенг джолгъа салыр, аман тенг джолдан тайдырыр.
- Элни кючю – эмеген.
- Эл элде бирер малынг болгъандан эсе, бирер тенгинг болсун.
- Асхат ашлыкъ сата, юйдегиси ачдан къата.
- Эркиши – от, тиширыу – суу.
- Келинни – келгинчи, бёркню кийгинчи кёр.
- Ушамагъан – джукъмаз.
- Тик ёргени, тик энгишгеси да болады.
- Башы ишлегенни, ауузу да ишлер.
- Эки къатын алгъанны къулагъы тынгнгаймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72