- Эр сокъур болсун, къатын тилсиз болсун.
- Аманнга игилик этсенг, юйюнге сау бармазса.
- Кюн кёрмеген, кюн кёрсе, кюндюз чыракъ джандырыр.
- Тил – кесген бычакъ, сёз – атылгъан окъ.
- Тёзген – тёш ашар!
- Байма, деб да, къууанма, джарлыма, деб да, джылама.
- Джюрекден джюрекге джол барды.
- Адамны сыфатына къарама, сёзюне къара.
- Тойгъан антын унутур.
- Иши джокъну, сыйы джокъ.
- Чакъырылмагъан къонакъ къачан кетерин сормаз.
- Байлыкъ келсе, акъыл кетер.
- Нафысынгы айтханын этме, намысынгы айтханын эт.
- Къралынгы – душмандан, башынгы от бла суудан сакъла.
- Ат да турмайды бир териде.
- Къатыны харакетли болса, эри къымсыз болур.
- Ёнгкюч къууана барыр, джылай келир.
- Намыс болмагъан джерде, насыб болмаз.
- Адамны аманы адамны бети бла ойнар.
- Юреннген ауруу къалмаз.
- Къарнынг къанлынга кийирир.
- Къарнынг ауруса, ауузунгу тый
- Экеулен сёлеше тура эселе, орталарына барыб кирме.
- Тамбла алтындан бюгюн багъыр ашхы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къыз тиширыу кеси юйюнде да къонакъды.
- Эшекге миннген – биринчи айыб, андан джыгъылгъан – экинчи айыб.
- Бир абыннган – минг сюрюнюр.
- Кечеси – аяз, кюню – къыш, джарлы къаргъагъа бир аш тюш!
- Адеби болмагъан къыз – тузсуз хант.
- Джаш болсун, къыз болсун, акъылы, саны тюз болсун.
- Татлы сёз – балдан татлы.
- Эр абынмай, эл танымаз.
- Юй кюйдю да, кюйюз чыкъды, ортасындан тюйюш чыкъды.
- Тин – байлыгъынг, терен саулугъунг.
- Билим ат болуб да чабар, къуш болуб да учар.
- Къаллай салам берсенг, аллай джууаб алырса.
- Бастасын ашагъан, хантусун да ичер.
- Байлыкъдан саулукъ ашхыды.
- Къонакъ хазыр болгъанлыкъгъа, къонакъбай хазыр тюлдю.
- Аманнга да, игиге да оноусуз къатышма.
- Ёмюрлюк шохлукъну джел элтмез.
- Адам сёзге тынгыла, акъыл сёзню ангыла.
- Акъыл аздырмаз, билим тоздурмаз.
- Ёгюзню мюйюзюнден тутадыла, адамны сёзюнден тутадыла.
- Мадар болса, къадар болур.
- Игиге айтсанг – билир, аманнга айтсанг – кюлюр.
- Иги сёз – джаннга азыкъ, аман сёз башха – къазыкъ.
- Тура эдим джата, къайдан чыкъды хата?
- Чомарт джарлы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72