- Кийим тукъум сордурур.
- Эки къатын алгъан – эки ташны ортасына башын салгъан.
- Джангыз терек къынгыр ёсер.
- Халкъны юйю – туугъан джери.
- Къарт айтханны этмеген, къартаймаз.
- Иги – алгъыш этер, аман – къаргъыш этер.
- Ёнгкюч къууана барыр, джылай келир.
- Ёзденликни кёбю ётюрюк.
- Берекет берсин деген джерде, берекет болур.
- Келинни – келгинчи, бёркню кийгинчи кёр.
- «Ёгюз, джаргъа джууукъ барма, меннге джюк боллукъса», - дегенди эшек.
- Чалманны аллы къалай башланса, арты да алай барады.
- Джахил болса анасы, не билликди баласы?
- Биреуге аманлыкъ этиб, кесинге игилик табмазса.
- Ауругъаннга – кийик саулукъ, джетген къызгъа – чилле джаулукъ.
- Къолунгдан къуймакъ ашатсанг да, атаны борчундан къутулмазса.
- Гыдай эчки суугъа къараб, мюйюзле кёрмесе, джашма алкъын, дегенди.
- Алма терегинден кери кетмез.
- Окъумагъан сокъурду, сокъур ташха абыныр!
- Минг тенг да азды, бир джау да кёбдю.
- Аууз сакълагъан – джан сакълар.
- Ауузу аманнга «иги», деме.
- Сакъламагъан затынга джолукъсанг, не бек къууанаса, не бек ачыйса.
- Къуру гыбыт бек дыгъырдар.
- Джаш къарыу бла кючлю, къарт акъыл бла кючлю.
- Къайгъыны сюйген, къайгъы табар.
- Сагъышы джокъ – джукъучу, акъылы джокъ – къаугъачы.
- Баш болса, бёрк табылыр.
- Айран ичген – къутулду, джугъусун джалагъан – тутулду.
- Илму – джашауну джолу.
- Джангыз торгъай джырламаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Гитче джилтин уллу элни джандырыр.
- Аман киши кеси юйюнде – къонакъ.
- Ишлегенде эринме, ишде чолакъ кёрюнме.
- Ёлюк кебинсиз къалмаз.
- Джырына кёре эжиую.
- Аман адам этегингден тутса, кес да къач.
- Джырчы джырчыгъа – къарнаш.
- Билим къая тешер.
- Къонакъ аман болса, къонакъбай джунчур
- Рысхы – насыбха къор.
- Тилчи тилден къаныкъмаз.
- Нёгер болсанг, тенг бол, тенг болмасанг, кенг бол.
- Эл элде бирер малынг болгъандан эсе, бирер тенгинг болсун.
- Аллахдан тилесенг, кёб тиле.
- Джогъун бар этген, барын бал этген.
- Эркишини аманы тиширыуну джылатыр.
- Бек анасы джыламаз.
- Къарт болгъан джерде, берекет болур, сабий болгъан джерде, оюн болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72