- Иги – алгъыш этер, аман – къаргъыш этер.
- От этилмеген джерден тютюн чыкъмайды.
- Акъыл сабырлыкъ берир.
- Бети – къучакълар, джюреги – бычакълар.
- Кенгеш болса, уруш болмаз.
- Къуру гыбыт бек дыгъырдар.
- Берекет берсин деген джерде, берекет болур.
- Агъач – джерни чырайы, кийим – эрни чырайы.
- Биреуню къыйынлыгъы бла кесинге джол ишлеме.
- Кюл тюбюндеги от кёрюнмейди.
- Уруну арты – къуру.
- Сакъ юйюне сау барыр.
- Зарда марда джокъ.
- Окъугъан – асыу, окъумагъан – джарсыу.
- Айырылгъанланы айю ашар, бёлюннгенлени бёрю ашар.
- Аман адамны тепсинге олтуртсанг, къызынгы тилер.
- Сууда джау джокъ, кёб сёзде магъана джокъ.
- Адам боллукъ, атламындан белгили болур.
- Джыйырма къойну юч джыйырма эбзе кюте эди.
- Эринчекге кюн узун.
- Гугурук къычырмаса да, тангны атары къалмаз.
- Иги джашны ышаны – аз сёлешиб, кёб тынгылар.
- Ач уят къоймаз.
- Джарлы джети элни сёзюн этер.
- Кёз – сюйген джерде, къол – ауругъан джерде.
- Адеб базарда сатылмаз.
- Аман къатын сабий табса, бий болур…
- Тик ёргени, тик энгишгеси да болады.
- Аз сёлешген, къайгъысыз турур.
- Суу кетер, таш къалыр.
- Джетген къыз джерли эшекни танымаз.
- Ёнгкюч къууана барыр, джылай келир.
- Окъугъан озар, окъумагъан тозар.
- Аш кетер да бет къалыр.
- Кёбню кёрген – кёб билир.
- Джангыз торгъай джырламаз.
- Этек чакъмакълары баш джаргъан, сёлешген сёзлери таш джаргъан.
- Кёзден кетген, кёлден да кетеди.
- Къолунгдан къуймакъ ашатсанг да, атаны борчундан къутулмазса.
- Къонакъ болсанг, ийнакъ бол.
- Ачлыкъда тары гырджын халыуадан татлы.
- Джыланны къуйругъундан басарынг келсе, аны башы болгъанын унутма.
- Чабакъгъа акъыл, табагъа тюшсе келеди.
- Айтылгъан буйрукъ, сёгюлмез
- Хар сёзню орну барды.
- Адам туугъан джеринде, ит тойгъан джеринде.
- Таукел тауну аудурур.
- Ашыкъгъанны этеги бутуна чырмалыр.
- Башы джабылгъан челекге, кир тюшмез.
- Кёбден умут этиб, аздан къуру къалма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72