- Агъач – джерни чырайы, кийим – эрни чырайы.
- Ишленмеклик адамлыкъды.
- Сабий болмагъан джерде, мёлек болмаз.
- Хазыр ашха – терен къашыкъ.
- Кесине гебен этелмеген, биреуге черен эте эди.
- Окъуу – билимни ачхычы, окъуу – дунияны бачхычы.
- Мени джылытмагъан кюн, меннге тиймесин!
- Къарт болгъан джерде, берекет болур, сабий болгъан джерде, оюн болур.
- Ач, тоймам, дейди, тойгъан, ач болмам, дейди.
- Туз, гырджын аша, тюзлюк бла джаша.
- Ашлыкъны арба юйге келтирир, чана базаргъа элтир.
- Аманнга игилик этсенг, юйюнге сау бармазса.
- Сёлеш деб шай берген, тохта деб, сом берген.
- Бети бедерден, намыс сакълама.
- Къонакъ кёб келюучю юйню, къазаны отдан тюшмез.
- Хоншуну тауугъу къаз кёрюнюр, келини къыз кёрюнюр.
- Ханы къызы буюгъа-буюгъа киштик болду.
- Кюл тюбюндеги от кёрюнмейди.
- Насыблы элин сюер, насыбсыз кесин сюер.
- Тюзню ётмеги тюзде къалса да, тас болмаз.
- Ана кёлю – балада, бала кёлю – талада.
- Къонакъны къачан кетерин сорма, къачан келлигин сор.
- Хар ишни да аллы къыйынды.
- Къыз тиширыу кеси юйюнде да къонакъды.
- Дуния аламаты сен эсенг да, игиме деб айтма.
- Таукел къуру къалмаз.
- Тойгъан джерге джети къайт.
- Джашда акъыл джокъ, къартда къарыу джокъ.
- Сабийни джумушха джибер да, ызындан бар.
- Аман адамны тепсинге олтуртсанг, къызынгы тилер.
- Чомартха Тейри да борчлуду.
- Тойгъанлыкъ къойгъа джарашады.
- Ата Джуртуму башы болмасам да, босагъасында ташы болайым.
- Ашда – бёрю, ишде – ёлю.
- Агъач халкъгъа алтынды, иссиликге салкъынды.
- Халкъны джырын джырласанг, халкъ санга эжиу этер.
- Уллу къашыкъ эрин джыртар.
- Ёзденликни кёбю ётюрюк.
- Бек анасы джыламаз.
- Кимни – тили, тиши онглу, кимни – къолу, иши онглу.
- Аман къатын сабий табса, бий болур…
- Садакъачыны джаны – къапчыгъында.
- Чабакъ башындан чирийди.
- Къарнынг ауруса, ауузунгу тый
- Баргъанынга кёре болур келгенинг.
- Ач келгенни – тойдур, кеч келгенни – къондур.
- От кюйдюрген, сау болса да, тот кюйдюрген, сау болмаз.
- Сыфатында болмагъаны, суратында болмаз.
- Чабакъгъа акъыл, табагъа тюшсе келеди.
- Адеб базарда сатылмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72