- Эл тойса, тоймагъан, эл къойса, къоймагъан.
- Игилик игилик бла сингдирилиучю затды.
- Келинни – келгинчи, бёркню кийгинчи кёр.
- Юй кюйдю да, кюйюз чыкъды, ортасындан тюйюш чыкъды.
- Тин – байлыгъынг, терен саулугъунг.
- Сакъалы текени да бар, мыйыгъы киштикни да бар.
- Гугук кесини атын айтыб къычыргъанча, мен, мен деб нек тураса?
- Тёрде – темир таякълы, къаяда – чыпчыкъ аякълы.
- Суу да къайтады чыкъгъан джерине.
- Чёбню кёлтюрсенг, тюбюнден сёз чыгъар.
- Къатын къылыкъсыз, эр тынчлыкъсыз.
- Алма терегинден кери кетмез.
- Ашхы атаны – джашы ашхы, ашхы ананы – къызы ашхы.
- Этим кетсе да, сюегим къалыр.
- От этилмеген джерден тютюн чыкъмайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джюз элде джюз ёгюзюм болгъандан эсе, джюз джууугъум болсун.
- Джарлыны тону джаз битер.
- Джангыз терек къынгыр ёсер.
- Чабакъгъа акъыл, табагъа тюшсе келеди.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач къарынны, токъ билмез
- Кюлме джашха – келир башха.
- Тюкюрюк баш джармаз, налат кёз чыгъармаз!
- Оюмсуз атлагъан, аджалсыз ёлюр.
- Ишлегенден, къарагъан уста.
- Сагъышы джокъ – джукъучу, акъылы джокъ – къаугъачы.
- Акъыллы – эл иеси, тели – эл баласы.
- Сабийликде юретмесенг, уллу болса – тюзелмез.
- Бойнуму джети джерден кессенг да, мен ол ишни этеллик тюлме.
- Бал – татлы, балдан да бала – татлы.
- Тыш элде солтан болгъандан эсе, кесинги элде олтан болгъан игиди!
- Тилде сюек болмаса да, сюек сындырыр.
- Джогъун бар этген, барын бал этген.
- Ашыкъгъанны этеги бутуна чырмалыр.
- Джашда акъыл джокъ, къартда къарыу джокъ.
- Иги болса, тамадама – махтау, аман болса, меннге – айыб.
- Айныгъанлы алты кюн, тогъайгъанлы тогъуз кюн.
- Джигер – джаннга къыйынлыкъ.
- Ашхы адам – халкъ байлыгъы, ашхы джер – джашау байлыгъы.
- Кёзюнде тереги болгъан, чёбю болгъаннга кюле эди.
- Атлыны ашхысы, ат тизгининден билинир
- Эринчекни аурууу – кёб.
- Башсыз урчукъ тюзюне айланмаз.
- Эл бла кёргенинг эрелей.
- Ётюрюк хапар аякъ тюбю бла джюрюйдю.
- Aдам боллукъ, сыфатындан белгили.
- Ата Джуртуму башы болмасам да, босагъасында ташы болайым.
- Баргъанынга кёре болур келгенинг.
- Аманны тукъумуна къарама, игини тукъумун сорма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72