- Джарлы эскисин джамаса, къууаныр.
- Ашарыкъда сайлагъаннга – чий гырджын.
- Ёлюр джаннга, ёкюл джокъ.
- Баргъанынга кёре болур келгенинг.
- Адеб базарда сатылмаз.
- Ашда уялгъан – мухар, ишде уялгъан – хомух.
- Тешик этген тынчды, аны джамагъан къыйынды.
- Ачылгъан эт джабылыр, кёрген кёз унутмаз.
- Джылыгъа джылан илешир.
- Биреуге аманлыкъны тилеме да, кесинге ашхылыкъны тиле.
- Халкъны джырын джырласанг, халкъ санга эжиу этер.
- Чакъырылмагъан джерге барма, чакъырылгъан джерден къалма.
- Бек ашыкъгъан меннге джетсин, дегенди аракъы.
- Ойнай билмеген, уруб къачар.
- Айранны сюйген, ийнек тутар.
- Эшекге миннген – биринчи айыб, андан джыгъылгъан – экинчи айыб.
- Тилсиз миллет джокъ болур.
- Юй кюйдю да, кюйюз чыкъды, ортасындан тюйюш чыкъды.
- Таш бла ургъанны, аш бла ур.
- Сабийни джумушха джибер да, ызындан бар.
- Башда акъыл болмаса, эки аякъгъа кюч джетер.
- Къартха ушагъан джаш – акъыллы, джашха ушагъан къарт – тели.
- Кийимни бичсенг, кенг бич, тар этген къыйын тюлдю.
- Сыфатында болмагъаны, суратында болмаз.
- Тилчи бир сагъатха айлыкъ хата этер.
- Аманнга игилик этсенг, юйюнге сау бармазса.
- Зар адам ашынгы ашар, кесинги сатар.
- Бет бетге къараса, бет да джерге къарар.
- Ана къойну – балагъа джандет.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Накъырда – кертини келечиси.
- Юйлю уругъа ит чабмаз.
- Ачны эсинде – аш.
- Тойгъан джерден туугъан джер игиди.
- Айтылгъан сёз ызына къайтмаз.
- Джангыз торгъай джырламаз.
- Арбаз сайлама да, хоншу сайла.
- Тюзлюк тас болмайды.
- Аз айтсам, кёб ангылагъыз.
- Окъугъанны бети джарыкъ.
- Къаллай салам берсенг, аллай джууаб алырса.
- Эски джаугъа ышанма.
- Аллахдан тилесенг, кёб тиле.
- Къанны къан бла джуума, аманны аман бла къуума.
- Чыбыкълыкъда бюгюлмеген, къазыкълыкъда бюгюлмей эди.
- Сакъламагъан затынга джолукъсанг, не бек къууанаса, не бек ачыйса.
- Орундукъ тюбюнде атылсам да, орта джиликме, де да айлан.
- Кесинг сынамагъан затны, адамгъа буюрма.
- Чакъырылмагъан къонакъ – орунсуз.
- Джогъун бар этген, барын бал этген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72