- Джиби бир къат джетмей эди да, эки къат тарта эди.
- Джарашыу сюйген – джалынчакъ.
- Адамны бетине къарама, адетине къара.
- Мадар болса, къадар болур.
- Кесинг сынамагъан затны, адамгъа буюрма.
- Къарт айтханны этмеген, къартаймаз.
- От этилмеген джерден тютюн чыкъмайды.
- Рысхы – сют юсюнде кёмюк кибикди.
- Билмегенинги, билгеннге сор.
- Байма, деб да, къууанма, джарлыма, деб да, джылама.
- Киштикге къанат битсе, чыпчыкъ къалмаз эди.
- Ханнга да келеди хариблик.
- Аллахха ийнаннган кишини, Аллах онгдурур ишин.
- Ёлюк кебинсиз къалмаз.
- Сютню башын джалагъан къутулур, тюбюн ичген тутулур.
- Босагъагъа джууукъ орун болса, ашыгъыб тёрге озма.
- Аш кетер да бет къалыр.
- Аш иеси бла татлыды.
- Сакъалы текени да бар, мыйыгъы киштикни да бар.
- Итли къонакъ джарашмаз.
- Эки къатын алгъан – эки ташны ортасына башын салгъан.
- Джумушакъ терекни къурт ашар.
- Атлыны ашхысы, ат тизгининден билинир
- Тёрдеги кюлсе, эшикдеги ышарыр.
- Ана къолу ачытмаз.
- Башсыз урчукъ тюзюне айланмаз.
- Аш хазыр болса, иш харам болур.
- Аш берме да, къаш бер.
- Болджал ишни бёрю ашар.
- Ач да бол, токъ да бол – намысынга бек бол.
- Джан саулукъ бермей, сан саулукъ бермезсе.
- Эркишини аманы тиширыуну джылатыр.
- Акъдан къара болмаз.
- Халкъгъа джарагъан, джарлы къалмаз.
- Джыйырма къойну юч джыйырма эбзе кюте эди.
- Кёбден умут этиб, аздан къуру къалма.
- Чакъырылмагъан къонакъ – орунсуз.
- Бек анасы джыламаз.
- Джашда акъыл джокъ, къартда къарыу джокъ.
- Джарлыны тону джаз битер.
- Суу да къайтады чыкъгъан джерине.
- Ариу сёз – къылычдан джити.
- Джюз элде джюз ёгюзюм болгъандан эсе, джюз джууугъум болсун.
- Сютден ауузу кюйген, суугъа юфгюре эди.
- Хоншуну тауугъу къаз кёрюнюр, келини къыз кёрюнюр.
- Къызны минг тилер, бир алыр.
- Ишни аллы бла къууанма да, арты бла къууан.
- Гугурук къычырмаса да, тангны атары къалмаз.
- Уясында не кёрсе, учханында аны этер.
- Тюз сёз баргъан сууну тыяр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72