Эльбрусоид :: Форум :: Архив форумов

Ёксюзню тилеги къабыл болур.
Уруну арты – къуру.
Эки итни арасына сюек атма, эки адамны арасында сёз чыгъарма.
Сагъыш – къартлыкъгъа сюйюмчю.
Ётюрюкчюню шагъаты – къатында.
Битмегеннге сакъал – танг.
Акъыл сабырлыкъ берир.
Элде адам къалмаса, ит тахтагъа минер.
Адамны аманы адамны бети бла ойнар.
Сескекли кесин билдирир.
Джарлы джети элни сёзюн этер.
Хазыр ашха – терен къашыкъ.
Билимсиз иш бармаз.
Къыйынлы джети элге оноу этер.
Тёгюлген тюгел джыйылмайды.
Чыбыкълыкъда бюгюлмеген, къазыкълыкъда бюгюлмей эди.
Сёз садакъдан кючлюдю.
Иги сёз – джаннга азыкъ, аман сёз башха – къазыкъ.
Келгинчи, къонакъ уялыр, келгенден сора, къонакъбай уялыр.
Аман киши кеси юйюнде – къонакъ.
Джылкъыдан – ат чыгъар, тукъумдан – джаш чыгъар.
Къартха ушагъан джаш – акъыллы, джашха ушагъан къарт – тели.
Ауругъанны сау билмез, ач къарынны токъ билмез.
Урама да – ёледи, сатама да – келеди.
Телиге акъыл салгъандан эсе, ёлгеннге джан салырса.
Ашын ашагъанынгы, башын да сыйла.
Ёгюзню мюйюзлери ауурлукъ этмейдиле.
Мал ёлсе, сюек къалыр, адам ёлсе, иши къалыр.
Ачлыкъда тары гырджын халыуадан татлы.
Сабий болмагъан джерде, мёлек болмаз.
Къатын байлыкъны сюер, эр саулукъну сюер.
Джумушакъ сёз къаты таякъны сындырыр.
Къызны минг тилер, бир алыр.
Таукел къуру къалмаз.
Ишин билген, аны сыйын чыгъарады.
Тенгинг джокъ эсе – изле, бар эсе – сакъла!
Аз сёлешген, къайгъысыз турур.
Акъыл аздырмаз, билим тоздурмаз.
Кёзю сокъурдан – къоркъма, кёлю сокъурдан – къоркъ.
Къонакъны къачан кетерин сорма, къачан келлигин сор.
Атынг аманнга чыкъгъандан эсе, джанынг тамагъынгдан чыкъсын.
Къонакъ хазыр болгъанлыкъгъа, къонакъбай хазыр тюлдю.
Ариу сёзде ауруу джокъ.
Ач уят къоймаз.
Джаным-тиним – окъуу, билим.
Акъыллы – эл иеси, тели – эл баласы.
Адам къыйынлыгъын кёлтюрюр, зауукълугъун кёлтюрмез.
Тёрдеги кюлсе, эшикдеги ышарыр.
Къазанчы аман болса, къазаны къайнамаз.
Аман къатын алгъан, арыр, иги къатын алгъан джарыр.

Логин:
Пароль:
	Запомнить меня на этом компьютере

Забыли свой пароль?
Регистрация