Эльбрусоид :: Форум :: Архив форумов

Уруну арты – къуру.
Джюрек кёзден алгъа кёрюр.
Тура эдим джата, къайдан чыкъды хата?
Туз, гырджын аша, тюзлюк бла джаша.
Ёнгкюч къууана барыр, джылай келир.
Чыбыкълыкъда бюгюлмеген, къазыкълыкъда бюгюлмей эди.
Акъдан къара болмаз.
Джарлыны тону джаз битер.
Адеб базарда сатылмаз.
Адамны джюреги нени кёрюрге сюйсе, кёзю да аны кёрюрге ёч болады.
Кёзю сокъурдан – къоркъма, кёлю сокъурдан – къоркъ.
Окъ къызбайны джокълайды.
Сибиртки да сыйлы болду, кюрек да кюнлю болду.
Бет бетге къараса, бет да джерге къарар.
Къолу уллу – асыу, аягъы уллу – джарсыу.
Тыш элде солтан болгъандан эсе, кесинги элде олтан болгъан игиди!
Татлы тилде – сёз ариу, чемер къолда – иш ариу.
Нарт сёз къарт болмаз.
Ёксюзню тилеги къабыл болур.
Биреуню къыйынлыгъы бла кесинге джол ишлеме.
Къонакъ болсанг, ийнакъ бол.
Ойнай-ойнай кёз чыгъар.
Тик ёргени, тик энгишгеси да болады.
Босагъа таш юйге кирмей эди, тыбыр таш эшикге чыкъмай эди.
Халкъгъа джарагъан, джарлы къалмаз.
Къая джолда джортма, ачыкъ сёзден къоркъма.
Ойнай билмеген, уруб къачар.
Къыйынлы джети элге оноу этер.
Эл бла кёргенинг эрелей.
Ариу сёз джыланны орнундан чыгъарыр.
Хансыз джомакъ болмаз.
Джылар джаш, атасыны сакъалы бла ойнар.
Эте билген, этген этеди, эте билмеген, юретген этеди!
Къызны минг тилер, бир алыр.
Зар адам ашынгы ашар, кесинги сатар.
Ойнай билмеген, оюн бузар.
Миллетни бойну – базыкъ, аны бла кюрешген – джазыкъ.
Ичимден чыкъды хата, къайры барайым сата?
Аман адам элни бир-бирине джау этер.
Биреуге аманлыкъ этиб, кесинге игилик табмазса.
Къазанда болса, чолпугъа чыгъар.
Ата – билек, ана – джюрек!
Джарашыу сюйген – джалынчакъ.
Къарт бла баш аша, джаш бла аякъ аша.
Терслик кетер, тюзлюк джетер.
Ачны эсинде – аш.
Къайгъыны сюйген, къайгъы табар.
Ата – баланы уясы.
Бичгенде ашыкъма, тикгенде ашыкъ.
Къуру гыбыт бек дыгъырдар.

Логин:
Пароль:
	Запомнить меня на этом компьютере

Забыли свой пароль?
Регистрация