- Эр сокъур болсун, къатын тилсиз болсун.
- Аууздан келген, къолдан келсе, ким да патчах болур эди.
- Сакъламагъан затынга джолукъсанг, не бек къууанаса, не бек ачыйса.
- Мураты болгъанны джюрек тебюую башхады.
- Аман адам элни бир-бирине джау этер.
- Эри аманны, къатыны – аман.
- Ач келгенни – тойдур, кеч келгенни – къондур.
- Башынга джетмегенни сорма.
- Этни да ашады, бетни да ашады.
- Кеси юйюмде мен да ханма.
- Кюлме джашха – келир башха.
- Адамны аты башхача, акъылы да башхады.
- Адам къыйынлыгъын кёлтюрюр, зауукълугъун кёлтюрмез.
- Кийим тукъум сордурур.
- Адеб этмеген, адеб кёрмез.
- Юйюнгден чыкъдынг – кюнюнгден чыкъдынг.
- Къанны къан бла джуума, аманны аман бла къуума.
- Аманны эки битли тону болур, бирин сеннге кийдирир, бирин кеси киер.
- Эли джокъну – кёлю джокъ.
- Таякъ этден ётер, тил сюекден ётер.
- Къарт айтханны этмеген, къартаймаз.
- Къонакъ болсанг, ийнакъ бол.
- Аджашхан тёгерек айланыр.
- Къарнынг бла ёч алма.
- Башланнган иш битер, къымылдагъан тиш тюшер.
- Ишни аллы бла къууанма да, арты бла къууан.
- Билимсиз иш бармаз.
- Джарлы эскисин джамаса, къууаныр.
- Ишлегенде эринме, ишде чолакъ кёрюнме.
- Ариу сёзде ауруу джокъ.
- Зарда марда джокъ.
- Тюкюрюк баш джармаз, налат кёз чыгъармаз!
- Халкъны юйю – туугъан джери.
- Эрине къаргъыш этген къатын, эрнин къабар.
- Окъугъан – асыу, окъумагъан – джарсыу.
- Къан бла кирген, джан бла чыгъар.
- Билмегенинги, билгеннге сор.
- Дуния малгъа сатылма, кесингден телиге къатылма.
- Бозанг болмагъан джерге, къалагъынгы сукъма.
- Ачылгъан эт джабылыр, кёрген кёз унутмаз.
- Намысы джокъну – дуниясы джокъ.
- Аякъларынгы джууургъанынга кёре узат.
- Эл элде бирер малынг болгъандан эсе, бирер тенгинг болсун.
- Агъач халкъгъа алтынды, иссиликге салкъынды.
- Джаным-тиним – окъуу, билим.
- Тойгъан антын унутур.
- Танг атмайма десе да, кюн къоярыкъ тюйюлдю.
- Сууда джау джокъ, кёб сёзде магъана джокъ.
- Байны оноуу, джарлыгъа джарамаз.
- Ачлыкъда тары гырджын халыуадан татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72