Эльбрусоид :: Форум :: Архив форумов

Тыш элде солтан болгъандан эсе, кесинги элде олтан болгъан игиди!
Чоюнну башы ачыкъ болса, итге уят керекди.
Ашаса, ашамаса да, бёрюню ауузу – къан.
Эркишини аманы тиширыуну джылатыр.
Къартха ушагъан джаш – акъыллы, джашха ушагъан къарт – тели.
Ётюрюкню къуйругъу – бир тутум.
Сыфатында болмагъаны, суратында болмаз.
Эркишиге тары кебек танг кёрюнюр.
Эркиши – от, тиширыу – суу.
Къызын тута билмеген, тул этер, джашын тута билмеген, къул этер.
Къазанчы аман болса, къазаны къайнамаз.
Сёз – кюмюш, джыр – алтын.
Ариу – кёзге, акъыл – джюрекге.
Джети тилни билген джети кишиди.
Хатерли къул болур.
Кюл тюбюндеги от кёрюнмейди.
Чарсда алчыны эл кёреди.
Окъугъан – асыу, окъумагъан – джарсыу.
Ёзденликни джайгъан – джокълукъ.
Аууз сакълагъан – джан сакълар.
Адам сёзюнден белгили.
Ач, тоймам, дейди, тойгъан, ач болмам, дейди.
Ёлмесенг да, къарт дамы болмазса?
Джашынгы кесинг юретмесенг, джашау юретир.
Ойнай-ойнай кёз чыгъар.
Къарт бла баш аша, джаш бла аякъ аша.
Аллахдан тилесенг, кёб тиле.
Ашына кёре табагъы, балына кёре къалагъы.
Таула не мийик болсала да, аууш табылыр.
Къая джолда джортма, ачыкъ сёзден къоркъма.
Джангызны оту джарыкъ джанмаз!
Аман киши кеси юйюнде – къонакъ.
Берекет берсин деген джерде, берекет болур.
Байлыкъдан саулукъ ашхыды.
Ариуну – ауруу кёб.
Рысхы – насыбха къор.
Ашхылыкъ джерде джатмайды, аманлыкъ суугъа батмайды.
Тил – миллетни джаны.
Биреуню тёрюнден, кесинги эшик артынг игиди.
Билмегенинги, билгеннге сор.
Хар зат кесини орнуна иги.
Бозанг болмагъан джерге, къалагъынгы сукъма.
Аз айтсам, кёб ангылагъыз.
Башы джабылгъан челекге, кир тюшмез.
Айтхан сёзюне табылгъан.
Аз сёлешген, къайгъысыз турур.
Кесинге джетмегенни, кёб сёлешме.
Байны оноуу, джарлыгъа джарамаз.
Ачыу алгъа келсе, акъыл артха къалады.
Сютден ауузу кюйген, суугъа юфгюре эди.

Логин:
Пароль:
	Запомнить меня на этом компьютере

Забыли свой пароль?
Регистрация