- Уруну арты – къуру.
- Хаухну атма, ёнгкючню сатма.
- Агъач халкъгъа алтынды, иссиликге салкъынды.
- Ашлыкъ – бюртюкден, джюн – тюкден.
- Сёз къанатсыз учар.
- Адам сёзюнден белгили.
- Шайтан алдады, тюзлюк къаргъады.
- Садакъачыны джаны – къапчыгъында.
- Тёрени джагъы джокъ.
- Джукъу тёшек сайламайды.
- Къалгъан ишге къар джауар.
- Тынгылагъан тынгы бузар.
- Тойгъа барсанг, тоюб бар, эски тонунгу къоюб бар.
- Киштикге къанат битсе, чыпчыкъ къалмаз эди.
- Адам сёзге тынгыла, акъыл сёзню ангыла.
- Гугурук къычырмаса да, тангны атары къалмаз.
- Шапа кёб болса, аш татымсыз болур.
- Джыгъылгъанны сырты джерден тоймаз.
- Чомарт джарлы болмаз.
- Зар адамны насыбы болмаз.
- Чёбню кёлтюрсенг, тюбюнден сёз чыгъар.
- Рысхы джалгъанды: келген да этер, кетген да этер.
- Адамны адамлыгъы къыйынлыкъда айгъакъланады.
- Адам къыйынлыгъын кёлтюрюр, зауукълугъун кёлтюрмез.
- Ана къойну – балагъа джандет.
- Кёл – къызбай, къол – батыр.
- Къыз келсе, джумуш эте келеди, къатын келсе, ушакъ эте келеди.
- Къайгъыны сюйген, къайгъы табар.
- Тенгинг джокъ эсе – изле, бар эсе – сакъла!
- Окъдан джара эртде-кеч болса да бителир, сёз джара, ёмюрге къалыр.
- Тюкюрюк баш джармаз, налат кёз чыгъармаз!
- Чоюнну башы ачыкъ болса, итге уят керекди.
- Ашхы – джыяр, аман – джояр.
- Аманны тукъумуна къарама, игини тукъумун сорма.
- Чомартны къолун джокълукъ байлар.
- Аз сёлешген, къайгъысыз турур.
- Орну джокъну – сыйы джокъ.
- Сабыр джетер муратха, сабырсыз къалыр уятха.
- Джумушакъ терекни къурт ашар.
- Ауругъаннга – кийик саулукъ, джетген къызгъа – чилле джаулукъ.
- Тик ёргени, тик энгишгеси да болады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Акъыл бла адеб эгизледиле.
- Азыгъы аз, алгъа къабар, аты аман, алгъа чабар.
- Айран ичген – къутулду, джугъусун джалагъан – тутулду.
- Урама да – ёледи, сатама да – келеди.
- Джыланны къуйругъундан басарынг келсе, аны башы болгъанын унутма.
- Сагъышы джокъ – джукъучу, акъылы джокъ – къаугъачы.
- Мен да «сен», дейме, сен да «кесим», дейсе.
- Келгинчи, къонакъ уялыр, келгенден сора, къонакъбай уялыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72