- Джылыгъа джылан илешир.
- Арбаз къынгырды да, ийнек сауалмайма.
- Кимни – тили, тиши онглу, кимни – къолу, иши онглу.
- Арыгъан къош чамчы болур.
- Ётюрюк хапар аякъ тюбю бла джюрюйдю.
- Босагъагъа джууукъ орун болса, ашыгъыб тёрге озма.
- Болджал ишни бёрю ашар.
- Тин – байлыгъынг, терен саулугъунг.
- Намыс болмагъан джерде, насыб болмаз.
- Ач къарынны, токъ билмез
- Къонакъ болсанг, ийнакъ бол.
- Таукел тауну аудурур.
- Ашхы болсанг, атынг чыгъар, аман болсанг, джанынг чыгъар.
- Ёгюзню мюйюзюнден тутадыла, адамны сёзюнден тутадыла.
- Адамны аманы адамны бети бла ойнар.
- Гугурук къычырмаса да, тангны атары къалмаз.
- Аз сёлешген, къайгъысыз турур.
- Атлыны кёрсе, джаяуну буту талыр.
- Хантына кёре тузу, юйюне кёре къызы.
- Намысы джокъну – дуниясы джокъ.
- Алим болгъандан эсе, адам болгъан къыйынды.
- Элге къуллукъ этмеген, элге ие болмаз.
- Тойгъанлыкъ къойгъа джарашады.
- Башланнган иш битер, къымылдагъан тиш тюшер.
- Ашха уста, юйюнде болсун
- Бет бетге къараса, бет да джерге къарар.
- Берекет берсин деген джерде, берекет болур.
- Адеб этмеген, адеб кёрмез.
- Чомартны къолун джокълукъ байлар.
- Джигер – джаннга къыйынлыкъ.
- Ишлегенден, къарагъан уста.
- Ариу джол аджал келтирмез.
- Башы ишлегенни, ауузу да ишлер.
- Ёзденликни кёбю ётюрюк.
- Адамгъа аман кюн соруб келмейди.
- Джангыз торгъай джырламаз.
- Бетинги сатма, малынгы сат.
- Мени джылытмагъан кюн, меннге тиймесин!
- Таукелге нюр джауар.
- Сабий кёргенин унутмаз.
- Уллу суу бла уллу ауруудан башынгы сакъла.
- Акъыл бла адеб эгизледиле.
- Бал ашаргъа сюе эсенг, чибин ургъаннга тёз.
- Абынмазлыкъ аякъ джокъ, джангылмазлыкъ джаякъ джокъ.
- Ач къалгъандан, кеч къалгъан къолай.
- Къарны аманнга къазан такъдырма, къолу аманнга от джакъдырма.
- Джеринден айырылгъан – джети джылар, джуртундан айырылгъан – ёлгюнчю джылар.
- Аджашхан тёгерек айланыр.
- Къатын байлыкъны сюер, эр саулукъну сюер.
- Халкъны джырын джырласанг, халкъ санга эжиу этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72