Эльбрусоид :: Форум :: Архив форумов

Аууздан келген, къолдан келсе, ким да патчах болур эди.
Чомартны къолу берекет.
Бети къызарыучу адамны, джюреги харам болмаз.
Аджалсыз ёлюм болмаз.
Чомартха Тейри да борчлуду.
Берекет берсин деген джерде, берекет болур.
Зар адамны насыбы болмаз.
Элге къуллукъ этмеген, элге ие болмаз.
Айтылгъан буйрукъ, сёгюлмез
Джырчы джырчыгъа – къарнаш.
Аман эсирсе, юйюн ояр.
Соргъан айыб тюлдю, билмеген айыбды.
Уллу сёлешме да, уллу къаб.
Билмегенинги, билгеннге сор.
Ёмюрлюк шохлукъну джел элтмез.
Ауузу аманнга «иги», деме.
Кёлсюзден сёзсюз тууар.
Кюн – узун, ёмюр – къысха.
Байлыкъ тауусулур, билим тауусулмаз.
Аман къатын алгъан, арыр, иги къатын алгъан джарыр.
Рысхы – сют юсюнде кёмюк кибикди.
Джауумдан сора, кюн кюйдюрюр, ётюрюкден сора, айыб кюйдюрюр.
Джылар джаш, атасыны сакъалы бла ойнар.
Тилчиден кери бол.
Атлыны кёрсе, джаяуну буту талыр.
Къарыусузгъа кюлме, онгсузгъа тийме.
Къаллай салам берсенг, аллай джууаб алырса.
Ана кёлю – балада, бала кёлю – талада.
Кёб джашагъан – кёб билир.
Къатыны харакетли болса, эри къымсыз болур.
Бёрю да ач къалмасын, эчки да ашалмасын.
Гугурук къычырмаса да, тангны атары къалмаз.
Тойгъандан сора, ашны сёкме.
Суу кетер, таш къалыр.
Къая джолда джортма, ачыкъ сёзден къоркъма.
Чыбыкълыкъда бюгюлмеген, къазыкълыкъда бюгюлмей эди.
Тил – миллетни джаны.
Джумушакъ сёз къаты таякъны сындырыр.
Дуния малгъа сатылма, кесингден телиге къатылма.
Этек чакъмакълары баш джаргъан, сёлешген сёзлери таш джаргъан.
Чоюнну башы ачыкъ болса, итге уят керекди.
Шапа кёб болса, аш татымсыз болур.
Айтханы чапыракъдан ётмеген.
Къонакъны къачан кетерин сорма, къачан келлигин сор.
Ашда – бёрю, ишде – ёлю.
Кёз – сюйген джерде, къол – ауругъан джерде.
Биреу къой излей, биреу той излей.
Ойнай билмеген, оюн бузар.
Бек ашыкъгъан меннге джетсин, дегенди аракъы.
Билим ат болуб да чабар, къуш болуб да учар.

Логин:
Пароль:
	Запомнить меня на этом компьютере

Забыли свой пароль?
Регистрация