- Тил – кесген бычакъ, сёз – атылгъан окъ.
- Эллинг бла джау болсанг да, юйюнг бла джау болма.
- Къызны минг тилер, бир алыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Иесиз малны бёрю ашар.
- Джогъун бар этген, барын бал этген.
- Къартны сыйын кёрмеген, къартлыгъында сыйлы болмаз.
- Кёкдеги болмаса, джердегин кёрмейди.
- Бети къызарыучу адамны, джюреги харам болмаз.
- Эринчекни аурууу – кёб.
- Ишни аллы бла къууанма да, арты бла къууан.
- Туз, гырджын аша, тюзлюк бла джаша.
- Окъуусуз билим – джокъ, билимсиз кюнюнг – джокъ.
- Джиби бир къат джетмей эди да, эки къат тарта эди.
- Ётген ёмюр – акъгъан суу.
- Ауругъаннга – кийик саулукъ, джетген къызгъа – чилле джаулукъ.
- Акъыл бла адеб эгизледиле.
- Джарлыны тону джаз битер.
- Ётюрюкню башын керти кесер.
- Адамны аты башхача, акъылы да башхады.
- Кёл ашады да, кеси ашады.
- Рысхы – сют юсюнде кёмюк кибикди.
- Мал кёб болса, джууукъ кёб болур.
- Агъач – джерни чырайы, кийим – эрни чырайы.
- Байлыкъдан саулукъ ашхыды.
- Намысы джокъну – дуниясы джокъ.
- Тойгъан антын унутур.
- Суу кетер, таш къалыр.
- Адам боллукъ, атламындан белгили болур.
- Чыкълы кюнде чыкъмагъан, чыкъса къуру кирмеген.
- Нарт сёз – тилни бети.
- Къуллукъчума, деб махтанма, къуллукъ – хаух джамчыды!
- Джарлы джети элни сёзюн этер.
- Ишлегенден, къарагъан уста.
- Джан саулукъ бермей, сан саулукъ бермезсе.
- Эли джокъну – кёлю джокъ.
- Азыгъы аз, алгъа къабар, аты аман, алгъа чабар.
- Танг атмайма десе да, кюн къоярыкъ тюйюлдю.
- Ичимден чыкъды хата, къайры барайым сата?
- Садакъачыны джаны – къапчыгъында.
- Хоншуну тауугъу къаз кёрюнюр, келини къыз кёрюнюр.
- Акъылсызны джууукъгъа алма, акъыллыны кенгнге салма.
- Къартха ушагъан джаш – акъыллы, джашха ушагъан къарт – тели.
- Абынмазлыкъ аякъ джокъ, джангылмазлыкъ джаякъ джокъ.
- Ёксюзню къалачы уллу кёрюнюр.
- Кюлме джашха – келир башха.
- Хазыр ашха – терен къашыкъ.
- Бёрю да ач къалмасын, эчки да ашалмасын.
- Экеулен сёлеше тура эселе, орталарына барыб кирме.
- Тил джюрекге джол ишлейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72