- Ётюрюкчюню шагъаты – къатында.
- Киштикге къанат битсе, чыпчыкъ къалмаз эди.
- Тил бла келеди джыр да.
- Кёз – сюйген джерде, къол – ауругъан джерде.
- Тилчи тилден къаныкъмаз.
- Биреуню къыйынлыгъы бла кесинге джол ишлеме.
- Кесине оноу эте билмеген, халкъына да эте билмез.
- Адебни адебсизден юрен.
- Сёлеш деб шай берген, тохта деб, сом берген.
- Чарсда алчыны эл кёреди.
- Джангызны оту джарыкъ джанмаз!
- Гыдай эчки суугъа къараб, мюйюзле кёрмесе, джашма алкъын, дегенди.
- Аман адамны тепсинге олтуртсанг, къызынгы тилер.
- Уллу къазанда бишген эт, чий къалмаз.
- Тойчу джашха къарама, къойчу джашха къара.
- Кийимни бир кюнню аясанг, минг кюннге джарар.
- Булут кёкге джарашыу, уят бетге джарашыу.
- Бастасын ашагъан, хантусун да ичер.
- Сёз садакъдан кючлюдю.
- Тынгылагъан тынгы бузар.
- Хоншуну тауугъу къаз кёрюнюр, келини къыз кёрюнюр.
- Акъыллы – эл иеси, тели – эл баласы.
- Башы джабылгъан челекге, кир тюшмез.
- Асхат ашлыкъ сата, юйдегиси ачдан къата.
- Къыз чыгъаргъан – къызыл къымжа.
- Алтыда кюлмеген, алтмышда кюлмез.
- Акъыл аздырмаз, билим тоздурмаз.
- Аджаллыгъа окъсуз шкок атылыр.
- Экеу тутушса, биреу джыгъылыр.
- Илму – джашауну джолу.
- Аууздан келген, къолдан келсе, ким да патчах болур эди.
- Аман хансны – урлугъу кёб.
- Ачылгъан эт джабылыр, кёрген кёз унутмаз.
- Кёкдеги болмаса, джердегин кёрмейди.
- Мураты болгъанны джюрек тебюую башхады.
- Къонакъ аз олтурур, кёб сынар.
- Джан саулукъ бермей, сан саулукъ бермезсе.
- Нафысынгы айтханын этме, намысынгы айтханын эт.
- Ашхы атаны – джашы ашхы, ашхы ананы – къызы ашхы.
- Эл бла кёргенинг эрелей.
- Ач, тоймам, дейди, тойгъан, ач болмам, дейди.
- Ауругъанны сау билмез, ач къарынны токъ билмез.
- Сабийни джумушха джибер да, ызындан бар.
- Биреуню тёрюнден, кесинги эшик артынг игиди.
- Ётюрюкню къуйругъу – бир тутум.
- Адеб базарда сатылмаз.
- Тиширыусуз юй – отсуз от джагъа.
- Сууда джау джокъ, кёб сёзде магъана джокъ.
- Телиге от эт десенг, юйюнге от салыр.
- Чёбню кёлтюрсенг, тюбюнден сёз чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72