- Къозулугъунда тоймагъан, къойлугъунда тоймаз.
- Айран ичген – къутулду, джугъусун джалагъан – тутулду.
- Къазанчы аман болса, къазаны къайнамаз.
- Ачлыкъда тары гырджын халыуадан татлы.
- Ата Джуртуму башы болмасам да, босагъасында ташы болайым.
- Кимни – тили, тиши онглу, кимни – къолу, иши онглу.
- Джарлы джети элни сёзюн этер.
- Джашда акъыл джокъ, къартда къарыу джокъ.
- Аш иеси бла татлыды.
- Эл бла кёргенинг эрелей.
- Къан бла кирген, джан бла чыгъар.
- Акъыл бла адеб эгизледиле.
- Иги адамны бир сёзю эки болмаз.
- Кёб ант этген, кёб ётюрюк айтыр.
- Адамны аты башхача, акъылы да башхады.
- Джиби бир къат джетмей эди да, эки къат тарта эди.
- Джаз бир кюнню джатсанг, къыш талай кюнню абынырса.
- Танг атмайма десе да, кюн къоярыкъ тюйюлдю.
- Сыфатында болмагъаны, суратында болмаз.
- Аджалсыз ёлюм болмаз.
- Юйюнг бла джау болгъандан эсе, элинг бла джау бол.
- Кёлю джокъну – джолу джокъ.
- Айтылгъан буйрукъ, сёгюлмез
- Къоркъакъны кёзю экили кёрюр.
- Кёбню кёрген – кёб билир.
- Тюзлюк тас болмайды.
- Къатын байлыкъны сюер, эр саулукъну сюер.
- Ачыу алгъа келсе, акъыл артха къалады.
- Тил – миллетни джаны.
- Мухар, кеси тойса да, кёзю тоймаз.
- Сормай – алма, чакъырылмай – барма.
- Къошда джокъгъа – юлюш джокъ.
- Джаш къарыу бла кючлю, къарт акъыл бла кючлю.
- Билеги кючлю, бирни джыгъар, билими кючлю, мингни джыгъар.
- Ач да бол, токъ да бол – намысынга бек бол.
- Ойнай-ойнай кёз чыгъар.
- Билимли ёлмез, билимсиз кёрмез.
- Эринчекни аурууу – кёб.
- Уллу суу бла уллу ауруудан башынгы сакъла.
- Кечеси – аяз, кюню – къыш, джарлы къаргъагъа бир аш тюш!
- Аман адам этегингден тутса, кес да къач.
- Гырджын – тепсини тамадасы.
- Къазанны башы ачыкъ болса, итге уят керекди.
- Джарлыны тону джаз битер.
- Тюкюрюк баш джармаз, налат кёз чыгъармаз!
- Ана къойну – балагъа джандет.
- Таукел адам тау тешер.
- Бюгюн дуния кибик, тамбла ахыратды.
- Айран тёгюлсе, джугъусу къалыр.
- Сютден ауузу кюйген, суугъа юфгюре эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72