- Тулпарлыкъ, билекден тюл – джюрекден.
- Къарт бла баш аша, джаш бла аякъ аша.
- Хар зат кесини орнуна иги.
- Биреуге аманлыкъ этиб, кесинге игилик табмазса.
- Кесине оноу эте билмеген, халкъына да эте билмез.
- Мен да «сен», дейме, сен да «кесим», дейсе.
- Келгинчи, къонакъ уялыр, келгенден сора, къонакъбай уялыр.
- Тил бла келеди джыр да.
- Чалманны аллы къалай башланса, арты да алай барады.
- Алтыда кюлмеген, алтмышда кюлмез.
- Аманнга да, игиге да оноусуз къатышма.
- Ачлыкъ отха секиртир.
- Къонакъ кёб келюучю юйню, къазаны отдан тюшмез.
- Къарт айтханны этмеген, къартаймаз.
- Хоншуну тауугъу къаз кёрюнюр, келини къыз кёрюнюр.
- Эри аманны, къатыны – аман.
- Адамны адамлыгъы къыйынлыкъда айгъакъланады.
- Къаллай салам берсенг, аллай джууаб алырса.
- Юй ишлеген балта эшикде къалыр.
- Ханы къызы буюгъа-буюгъа киштик болду.
- Эрни эр этерик да, къара джер этерик да, тиширыуду.
- Халкъны юйю – туугъан джери.
- Джюрек кёзден алгъа кёрюр.
- Терслик кетер, тюзлюк джетер.
- Берекет берсин деген джерде, берекет болур.
- Огъурлуну сёзю – суу, огъурсузну сёзю – уу.
- Къарнынг тойгъунчу аша да, белинг талгъынчы ишле.
- Джарлы тюеге минсе да, ит къабар.
- Къонакъ аз олтурур, кёб сынар.
- Мал ёлсе, сюек къалыр, адам ёлсе, иши къалыр.
- Тамчы таш тешер.
- Кенгеш болса, уруш болмаз.
- Къыз тиширыу кеси юйюнде да къонакъды.
- Эте билген, этген этеди, эте билмеген, юретген этеди!
- Джогъун бар этген, барын бал этген.
- Рысхы – насыбха къор.
- Ариу сёз – джаннга азыкъ, аман сёз – башха къазыкъ.
- Къар – келтирди, суу – элтди.
- Садакъачыны джаны – къапчыгъында.
- Къонагъы джокъну – шоху джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Игини сыйлагъан адетди.
- Бал – татлы, балдан да бала – татлы.
- Джиби бир къат джетмей эди да, эки къат тарта эди.
- Нёгерсизни джолу узун.
- Таукел тауну аудурур.
- Гырджын – тепсини тамадасы.
- Ёксюзню къалачы уллу кёрюнюр.
- Ышармагъан – кюлмез, кюлмеген – къууанчны билмез.
- Чабар ат – джетген къыз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72