Эльбрусоид :: Форум :: Архив форумов

Ауругъанны сау билмез, ач къарынны токъ билмез.
Телиге акъыл салгъандан эсе, ёлгеннге джан салырса.
Ишни аллы бла къууанма да, арты бла къууан.
Чакъырылмагъан къонакъ – орунсуз.
Джиби бир къат джетмей эди да, эки къат тарта эди.
Ауузу бла къуш тута айланады.
Аш берме да, къаш бер.
Кюл тюбюндеги от кёрюнмейди.
Ариу сёз – джаннга азыкъ, аман сёз – башха къазыкъ.
Къайгъыны сюйген, къайгъы табар.
Тура эдим джата, къайдан чыкъды хата?
Адамны сабийин сюйген джюреги, бычакъча, джитиди.
Бал ашаргъа сюе эсенг, чибин ургъаннга тёз.
Къралынгы – душмандан, башынгы от бла суудан сакъла.
Тас болгъан бычакъны сабы – алтын.
Хатерли къул болур.
Джылар джаш, атасыны сакъалы бла ойнар.
Джюрекден джюрекге джол барды.
Тёрдеги кюлсе, эшикдеги ышарыр.
Джеринден айырылгъан – джети джылар, джуртундан айырылгъан – ёлгюнчю джылар.
Аллахдан тилесенг, кёб тиле.
Юре билмеген ит, къонакъ келтирир.
Билеги кючлю, бирни джыгъар, билими кючлю, мингни джыгъар.
Билген билмегенни юретген адетди.
Кёбню кёрген – кёб билир.
Миллетни бойну – базыкъ, аны бла кюрешген – джазыкъ.
Игиге айтсанг – билир, аманнга айтсанг – кюлюр.
Урунуу – насыбны анасы.
Айран ичген – къутулду, джугъусун джалагъан – тутулду.
Телини эшигин, махтау джабар.
Кёлсюзден сёзсюз тууар.
Чакъырылмагъан джерге барма, чакъырылгъан джерден къалма.
Ишге юренсин къоллары, халкъ бла болсун джоллары.
Билмегенинги, билгеннге сор.
Аман киши кеси юйюнде – къонакъ.
Ариуну – ауруу кёб.
Акъыллы айтыр эди, акъылсыз къоймайды.
Эрине къаргъыш этген къатын, эрнин къабар.
Къызын тута билмеген, тул этер, джашын тута билмеген, къул этер.
Бет бетге къараса, бет да джерге къарар.
Тёрде – темир таякълы, къаяда – чыпчыкъ аякълы.
Кёб джашагъан – кёб билир.
Байлыкъдан саулукъ ашхыды.
Алим болгъандан эсе, адам болгъан къыйынды.
Ауругъан – джашаудан умутчу.
Дуния мал дунияда къалады.
Тёгюлген тюгел джыйылмайды.
Айтылгъан буйрукъ, сёгюлмез
Айтхан – тынч, этген – къыйын.
Ачны эсинде – аш.

Логин:
Пароль:
	Запомнить меня на этом компьютере

Забыли свой пароль?
Регистрация