- Тойгъа алгъа да барма, тойда артха да къалма.
- Адамгъа аман кюн соруб келмейди.
- Джашда акъыл джокъ, къартда къарыу джокъ.
- Тамчы таш тешер.
- Аз айтсам, кёб ангылагъыз.
- Бир абыннган – минг сюрюнюр.
- Рысхы джалгъанды: келген да этер, кетген да этер.
- Ишин билген, аны сыйын чыгъарады.
- Иесиз малны бёрю ашар.
- Сууда джау джокъ, кёб сёзде магъана джокъ.
- Адеби болмагъан къыз – тузсуз хант.
- Сёз садакъдан кючлюдю.
- Тин – байлыгъынг, терен саулугъунг.
- Чакъырылмагъан къонакъ къачан кетерин сормаз.
- Ариу сёз джыланны орнундан чыгъарыр.
- Рысхы – насыбха къор.
- Окъуу – билимни ачхычы, окъуу – дунияны бачхычы.
- Биреуню эскиси биреуге джангы болмайды.
- Суу да къайтады чыкъгъан джерине.
- Баш болса, бёрк табылыр.
- Ач отунчуну ачыуу – бурнунда.
- Акъыллы айтыр эди, акъылсыз къоймайды.
- Адам сёзюнден белгили.
- Иши джокъну, сыйы джокъ.
- Тамбла алтындан бюгюн багъыр ашхы.
- Ата Джуртча джер болмаз, туугъан элча эл болмаз.
- Къонакъ кёб келюучю юйню, къазаны отдан тюшмез.
- Джолда аягъынга сакъ бол, ушакъда тилинге сакъ бол.
- Булут кёкге джарашыу, уят бетге джарашыу.
- Халкъны юйю – туугъан джери.
- Эркишиге тары кебек танг кёрюнюр.
- Чёбню кёлтюрсенг, тюбюнден сёз чыгъар.
- Ашлыкъны арба юйге келтирир, чана базаргъа элтир.
- Урама да – ёледи, сатама да – келеди.
- Ана къолу ачытмаз.
- Тойгъан джерге джети къайт.
- Сабийликде юретмесенг, уллу болса – тюзелмез.
- Баш – акъыл ючюн, акъылман – халкъ ючюн.
- Аурууну келиую тынч, кетиую – къыйын.
- Эл ауузу – элек, анга ийнаннган – халек.
- Сёз къанатсыз учар.
- Сабыр джетер муратха, сабырсыз къалыр уятха.
- Биреуге кёлтюрген таягъынг, кесинги башынга урур.
- Узун джолну барсанг, бюгюн келирсе, къысха джолну барсанг, тамбла келирсе.
- Байлыкъ келсе, акъыл кетер.
- Биреуге аманлыкъны тилеме да, кесинге ашхылыкъны тиле.
- Кёзден кетген, кёлден да кетеди.
- Байлыкъ болгъан джерде, тынчлыкъ джокъду.
- Дуния малгъа сатылма, кесингден телиге къатылма.
- Къыз тиширыу кеси юйюнде да къонакъды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72