- Ариу сёз – джаннга азыкъ, аман сёз – башха къазыкъ.
- Телиге акъыл салгъандан эсе, ёлгеннге джан салырса.
- Эл бла кёргенинг эрелей.
- Къуллукъчума, деб махтанма, къуллукъ – хаух джамчыды!
- Эринчекге кюн узун.
- Юреннген ауруу къалмаз.
- Джылыгъа джылан илешир.
- Ауузу аманнга «иги», деме.
- Киштикге къанат битсе, чыпчыкъ къалмаз эди.
- Юйюнгден чыкъдынг – кюнюнгден чыкъдынг.
- Ишлегенден, къарагъан уста.
- Уллу атлама – абынырса, уллу къабма – къарылырса.
- Джюрекге ариу – кёзге да ариу.
- Адамны аманы адамны бети бла ойнар.
- Тенгинг джокъ эсе – изле, бар эсе – сакъла!
- Тойгъандан сора, ашны сёкме.
- Ашха уста, юйюнде болсун
- Накъырданы арты керти болур.
- Ашатыргъа иш – ашхы, ишлетирге аш – ашхы.
- Джырына кёре эжиую.
- Аз айтсам, кёб ангылагъыз.
- Чомартны къолу берекет.
- Огъурлуну сёзю – суу, огъурсузну сёзю – уу.
- Къарын къуру болса, джюрек уру болур.
- Байлыкъ келсе, акъыл кетер.
- Къумурсхала джыйылсала, пилни да джыгъадыла.
- Бал чибинни ургъаны – ачы, балы – татлы.
- Окъуу – билимни ачхычы, окъуу – дунияны бачхычы.
- Таш ата билмеген, башына урур.
- Таш бла ургъанны, аш бла ур.
- Къарт болгъан джерде, берекет болур, сабий болгъан джерде, оюн болур.
- Аманнга да, игиге да оноусуз къатышма.
- Ашхы – джыяр, аман – джояр.
- Бек анасы джыламаз.
- Уллу суу бла уллу ауруудан башынгы сакъла.
- Эл элде бирер малынг болгъандан эсе, бирер тенгинг болсун.
- Иги сеники эсе да, сюйген кесимикин этеме.
- Ёлген эшек бёрюден къоркъмайды.
- Джерни букъусу кёкге къонмаз.
- Танг атмайма десе да, кюн къоярыкъ тюйюлдю.
- Чакъырылгъанны аты, чакъырылмагъанны багъасы болур.
- Ойнай билмеген, уруб къачар.
- Адамны артындан къара сабан сюрме.
- Игилик игилик бла сингдирилиучю затды.
- Тили узунну, намысы – къысха.
- Уруну арты – къуру.
- Келинни – келгинчи, бёркню кийгинчи кёр.
- Эллинг бла джау болсанг да, юйюнг бла джау болма.
- Кёлсюзден сёзсюз тууар.
- Таукел адам тау тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72