- Джырчы ёлсе, джыры къалыр.
- Эллинг бла джау болсанг да, юйюнг бла джау болма.
- Бал чибинни ургъаны – ачы, балы – татлы.
- Баргъанынга кёре болур келгенинг.
- Ишлегенде эринме, ишде чолакъ кёрюнме.
- Ана – юйню кюн джарыгъы.
- Биреуге аманлыкъны тилеме да, кесинге ашхылыкъны тиле.
- Бал – татлы, балдан да бала – татлы.
- Кюн – узун, ёмюр – къысха.
- Окъугъан – асыу, окъумагъан – джарсыу.
- Харам къарнашдан, халал тенг ашхы.
- Юре билмеген ит, къонакъ келтирир.
- Башда акъыл болмаса, эки аякъгъа кюч джетер.
- Тёзген – тёш ашар!
- Эл тойса, тоймагъан, эл къойса, къоймагъан.
- Чакъырылмай келген къонакъ сыйланмай кетер.
- Къоркъакъны кёзю экили кёрюр.
- Ачлыкъ отха секиртир.
- Халкъгъа джарагъан, джарлы къалмаз.
- Тёрдеги кюлсе, эшикдеги ышарыр.
- Тик ёргени, тик энгишгеси да болады.
- Арбаз къынгырды да, ийнек сауалмайма.
- Адам къаллай бир ишленмесе, аллай бир кесин уллу кёреди.
- Бети къызарыучу адамны, джюреги харам болмаз.
- «Ма», - дегенни билмесенг, «бер», - дегенни билмезсе.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Игиге айтсанг – билир, аманнга айтсанг – кюлюр.
- Ач бёрюге мекям джокъ.
- Татлы сёз – балдан татлы.
- Сабий болмагъан джерде, мёлек болмаз.
- Къонакъны къачан кетерин сорма, къачан келлигин сор.
- Сёлеш деб шай берген, тохта деб, сом берген.
- Уруну арты – къуру.
- Хазыр ашха – терен къашыкъ.
- Къуру гыбыт бек дыгъырдар.
- Ишлерге уял да, ашаргъа табма.
- Суугъа – чабакъ, къаягъа – ыргъакъ.
- Иги джашны ышаны – аз сёлешиб, кёб тынгылар.
- Магъанасыз сёз – тауушсуз сыбызгъы.
- Азыкъ аз болса, эртде орун сал.
- Эки элинги тыйсанг, джети элде махталырса.
- Орну джокъну – сыйы джокъ.
- Къонакъ хазыр болгъанлыкъгъа, къонакъбай хазыр тюлдю.
- Эркишиге тары кебек танг кёрюнюр.
- Хар адамгъа кеси миннген тау кибик.
- Баш – акъыл ючюн, акъылман – халкъ ючюн.
- Биреуню эскиси биреуге джангы болмайды.
- Келинни – келгинчи, бёркню кийгинчи кёр.
- Илму – джашауну джолу.
- Эл ауузу – элек, анга ийнаннган – халек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72