Эльбрусоид :: Форум :: Архив форумов

Бети – къучакълар, джюреги – бычакълар.
Чыбыкълыкъда бюгюлмеген, къазыкълыкъда бюгюлмей эди.
Аууздан келген, къолдан келсе, ким да патчах болур эди.
Таукелге нюр джауар.
Иги – алгъыш этер, аман – къаргъыш этер.
Къонагъынгы артмагъын алма да, алгъышын ал.
Суугъа – чабакъ, къаягъа – ыргъакъ.
Юй кюйдю да, кюйюз чыкъды, ортасындан тюйюш чыкъды.
Ёксюзню тилеги къабыл болур.
Тойгъа барсанг, тоюб бар, эски тонунгу къоюб бар.
Кийим тукъум сордурур.
Джолунга кёре – джюрюшюнг, джагъанга кёре – юлюшюнг.
Билим – акъылны чырагъы.
Ётюрюкню башын керти кесер.
Зар адамны насыбы болмаз.
Чомартны къолун джокълукъ байлар.
Кесине гебен этелмеген, биреуге черен эте эди.
Аманнга да, игиге да оноусуз къатышма.
Биреуге аманлыкъ этиб, кесинге игилик табмазса.
Кёб къычыргъандан – къоркъма, тынч олтургъандан – къоркъ.
Огъурлуну сёзю – суу, огъурсузну сёзю – уу.
Аз сёлешген, къайгъысыз турур.
Тил – миллетни джаны.
Аджашхан тёгерек айланыр.
Чарсда алчыны эл кёреди.
Юре билмеген ит, къонакъ келтирир.
Мал тутхан – май джалар.
Ашатыргъа иш – ашхы, ишлетирге аш – ашхы.
Сёз – кюмюш, джыр – алтын.
Кёл ашады да, кеси ашады.
Бермеген къол, алмайды.
Аманны тукъумуна къарама, игини тукъумун сорма.
Аджашханны ызындагъы кёреди, джангылгъанны джанындагъы биледи.
Хазыр ашха – терен къашыкъ.
Аджалсыз ёлюм болмаз.
Джашынгы кесинг юретмесенг, джашау юретир.
Таула не мийик болсала да, аууш табылыр.
Борчунг бар эсе, хурджунунга ойлаб узал.
Билген билмегенни юретген адетди.
Чакъырылмагъан къонакъ къачан кетерин сормаз.
Тыш элде солтан болгъандан эсе, кесинги элде олтан болгъан игиди!
Хар сёзню орну барды.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ач да бол, токъ да бол – намысынга бек бол.
Хата – гитчеден.
Келгинчи, къонакъ уялыр, келгенден сора, къонакъбай уялыр.
Олтуруб кёрюнмей эди да, ёрге туруб кёрюне эди.
Этим кетсе да, сюегим къалыр.
Бал ашаргъа сюе эсенг, чибин ургъаннга тёз.
Сабий кёргенин унутмаз.

Логин:
Пароль:
	Запомнить меня на этом компьютере

Забыли свой пароль?
Регистрация