- Экеулен сёлеше тура эселе, орталарына барыб кирме.
- Келгинчи, къонакъ уялыр, келгенден сора, къонакъбай уялыр.
- Алгъанда – джууукъ, бергенде – джау.
- Телиге от эт десенг, юйюнге от салыр.
- Термилгенинги табмазса, кюлгенинге тюберсе.
- Адам туугъан джеринде, ит тойгъан джеринде.
- Нёгер болсанг, тенг бол, тенг болмасанг, кенг бол.
- Айныгъанлы алты кюн, тогъайгъанлы тогъуз кюн.
- Хаухну атма, ёнгкючню сатма.
- Эл тойса, тоймагъан, эл къойса, къоймагъан.
- Азыкълы ат арымаз, къатыны аман джарымаз.
- Ашлыкъны арба юйге келтирир, чана базаргъа элтир.
- Биреуню къыйынлыгъы бла кесинге джол ишлеме.
- Билмезни кёзю кёрмез, этмезни къулагъы эшитмез.
- Билим – акъылны чырагъы.
- Ашыкъгъанны этеги бутуна чырмалыр.
- Тенгинг джокъ эсе – изле, бар эсе – сакъла!
- Тил бла келеди джыр да.
- Иши джокъну, сыйы джокъ.
- Окъдан джара эртде-кеч болса да бителир, сёз джара, ёмюрге къалыр.
- Джетген къыз джерли эшекни танымаз.
- Джашда акъыл джокъ, къартда къарыу джокъ.
- Булут кёкге джарашыу, уят бетге джарашыу.
- Тилчиден кери бол.
- Чомарт къонакъ юй иесин сыйлар.
- Акъыллы башны – тили къысха.
- Агъач – джерни чырайы, кийим – эрни чырайы.
- Джогъун бар этген, барын бал этген.
- Къыз тиширыу кеси юйюнде да къонакъды.
- Сютден ауузу кюйген, суугъа юфгюре эди.
- Къазанчы аман болса, къазаны къайнамаз.
- Ат да турмайды бир териде.
- Джаш болсун, къыз болсун, акъылы, саны тюз болсун.
- Адеб джокъда, намыс джокъ.
- Сыфатында болмагъаны, суратында болмаз.
- Магъанасыз сёз – тауушсуз сыбызгъы.
- Джолда аягъынга сакъ бол, ушакъда тилинге сакъ бол.
- Телиге акъыл салгъандан эсе, ёлгеннге джан салырса.
- Ойнаб айтсанг да, эслеб айт.
- Мал кёб болса, джууукъ кёб болур.
- Тамчы таш тешер.
- Адам сёзюнден белгили.
- Чабакъ башындан чирийди.
- Сютню башын джалагъан къутулур, тюбюн ичген тутулур.
- Адеб этмеген, адеб кёрмез.
- Терслик кетер, тюзлюк джетер.
- Акъылсызны джууукъгъа алма, акъыллыны кенгнге салма.
- Накъырда – кертини келечиси.
- Сууда джау джокъ, кёб сёзде магъана джокъ.
- Гырджын – тепсини тамадасы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72