- Хантына кёре тузу, юйюне кёре къызы.
- Таукел тауну аудурур.
- Арбаз къынгырды да, ийнек сауалмайма.
- Къарны аманнга къазан такъдырма, къолу аманнга от джакъдырма.
- Бозанг болмагъан джерге, къалагъынгы сукъма.
- Атлыны кёрсе, джаяуну буту талыр.
- Хаухну атма, ёнгкючню сатма.
- Босагъагъа джууукъ орун болса, ашыгъыб тёрге озма.
- Мени джылытмагъан кюн, меннге тиймесин!
- Экеу тутушса, биреу джыгъылыр.
- Сакъ юйюне сау барыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чомарт джарлы болмаз.
- Эркишини аманы тиширыуну джылатыр.
- Билмейме деген – бир сёз
- Башы джабылгъан челекге, кир тюшмез.
- Чомарт къолда мал къалмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёзденликни кёбю ётюрюк.
- Байны къызы баймакъ болса да, юйде къалмаз!
- Атлыны ашхысы, ат тизгининден билинир
- Суу кетер, таш къалыр.
- Алтыда кюлмеген, алтмышда кюлмез.
- Аууз сакълагъан – джан сакълар.
- Айранын берсенг, челегин да къызгъанма.
- Сормай – алма, чакъырылмай – барма.
- Юйюнгден чыкъдынг – кюнюнгден чыкъдынг.
- Окъ къызбайны джокълайды.
- Тиширыусуз юй – отсуз от джагъа.
- Атадан ёксюз – бир ёксюз, анадан ёксюз – эки ёксюз.
- Ойнай-ойнай кёз чыгъар.
- Джырчы джырчыгъа – къарнаш.
- Эски джаугъа ышанма.
- Акъыл къартда, джашда тюйюлдю – башдады.
- Джолда аягъынга сакъ бол, ушакъда тилинге сакъ бол.
- Тили узунну, намысы – къысха.
- Этек чакъмакълары баш джаргъан, сёлешген сёзлери таш джаргъан.
- Акъылсызны джууукъгъа алма, акъыллыны кенгнге салма.
- Эл ауузу – элек, анга ийнаннган – халек.
- Айтхан – тынч, этген – къыйын.
- Биреуге аманлыкъны тилеме да, кесинге ашхылыкъны тиле.
- Иесиз малны бёрю ашар.
- Окъдан джара эртде-кеч болса да бителир, сёз джара, ёмюрге къалыр.
- Чомарт къонакъ юй иесин сыйлар.
- Тик ёргени, тик энгишгеси да болады.
- Насыблы элин сюер, насыбсыз кесин сюер.
- Дууулдаса – бал чибин, къонса – къара чибин.
- Келгинчи, къонакъ уялыр, келгенден сора, къонакъбай уялыр.
- Нёгер болсанг, тенг бол, тенг болмасанг, кенг бол.
- Бек анасы джыламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72