- Джарлыны эшигин махтагъан джабар.
- Айыбны суу бла джууалмазса.
- Сакъалы текени да бар, мыйыгъы киштикни да бар.
- Эл ауузу – элек, анга ийнаннган – халек.
- Иши джокъну, сыйы джокъ.
- Зар адам ашынгы ашар, кесинги сатар.
- Тёзген – тёш ашар!
- Джаралыны джастыгъында сау ёлюр.
- Хар сёзню орну барды.
- Адеб этмеген, адеб кёрмез.
- Акъыл бла адеб эгизледиле.
- Кёрмегеннге кебек – танг, битмегеннге сакъал – танг.
- Эри аманны, къатыны – аман.
- Джумушакъ сёз къаты таякъны сындырыр.
- Эли джокъну – кёлю джокъ.
- Арпа, будай – ащды, алтын, кюмюш а – ташды.
- Чомарт къолда мал къалмаз.
- Эрине къаргъыш этген къатын, эрнин къабар.
- Мураты болгъанны джюрек тебюую башхады.
- Ач къарынны, токъ билмез
- Адебсиз адам – джюгенсиз ат.
- Биреуню эскиси биреуге джангы болмайды.
- Тюкюрюк баш джармаз, налат кёз чыгъармаз!
- Байны оноуу, джарлыгъа джарамаз.
- Намысы болмагъанны, сыйы болмаз.
- Къулакъдан эсе, кёзге ышан.
- Къонакъ аз олтурур, кёб сынар.
- Эки итни арасына сюек атма, эки адамны арасында сёз чыгъарма.
- Таукел адам тау тешер.
- Адеб джокъда, намыс джокъ.
- Хансыз джомакъ болмаз.
- Джюрек кёзден алгъа кёрюр.
- Бетинги сатма, малынгы сат.
- Ашха уста, юйюнде болсун
- Аманнга игилик этсенг, юйюнге сау бармазса.
- Джарлы тюеге минсе да, ит къабар.
- Къыз чыгъаргъан – къызыл къымжа.
- Билим – акъылны чырагъы.
- Эрни эр этерик да, къара джер этерик да, тиширыуду.
- Мухар, кеси тойса да, кёзю тоймаз.
- Кесинге джетмегенни, кёб сёлешме.
- Иги бла джюрюсенг, джетерсе муратынга, аман бла джюрюсенг, къалырса уятха.
- Агъач халкъгъа алтынды, иссиликге салкъынды.
- Тау башында, тау болмаз, джангыз терек, бау болмаз.
- Тёгюлген тюгел джыйылмайды.
- Кёз – сюйген джерде, къол – ауругъан джерде.
- Къарнынг тойгъунчу аша да, белинг талгъынчы ишле.
- Окъдан джара эртде-кеч болса да бителир, сёз джара, ёмюрге къалыр.
- Эски джаугъа ышанма.
- Хата – гитчеден.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72