- Ауругъанны сау билмез, ач къарынны токъ билмез.
- Чомарт къолда мал къалмаз.
- Къызбайны юйюне дери сюрсенг, батыр болур.
- Аманнга игилик этсенг, юйюнге сау бармазса.
- Гыдай эчки суугъа къараб, мюйюзле кёрмесе, джашма алкъын, дегенди.
- Хоншуну тауугъу къаз кёрюнюр, келини къыз кёрюнюр.
- Акъыллы – эл иеси, тели – эл баласы.
- Ойнай билмеген, оюн бузар.
- Эки элинги тыйсанг, джети элде махталырса.
- Ётюрюкден тюбю джокъ, кёлтюрюрге джиби джокъ.
- Биреу ашаб къутулур, биреу джалаб тутулур.
- Орундукъ тюбюнде атылсам да, орта джиликме, де да айлан.
- Шекер бла туз – бир болмаз, ушамагъан – юй болмаз.
- Ачыкъ джюрекге джол – ачыкъ.
- Джиби бир къат джетмей эди да, эки къат тарта эди.
- Ариу джол аджал келтирмез.
- Кёб къычыргъандан – къоркъма, тынч олтургъандан – къоркъ.
- Малны кют, джерни тюрт.
- Арпа, будай – ащды, алтын, кюмюш а – ташды.
- Байны къызы баймакъ болса да, юйде къалмаз!
- Эр сокъур болсун, къатын тилсиз болсун.
- Къайгъы тюбю – тенгиз.
- Тамчы таш тешер.
- Айтханы чапыракъдан ётмеген.
- Хата – гитчеден.
- Адамны аты башхача, акъылы да башхады.
- Къартны сыйын кёрмеген, къартлыгъында сыйлы болмаз.
- Ариу сёзде ауруу джокъ.
- Хар зат кесини орнуна иги.
- Миллетни бойну – базыкъ, аны бла кюрешген – джазыкъ.
- Кёзню ачылгъаны – иги, ауузну джабылгъаны – иги.
- Бал – татлы, балдан да бала – татлы.
- Кюн – узун, ёмюр – къысха.
- Киштикге къанат битсе, чыпчыкъ къалмаз эди.
- Сабыр джетер муратха, сабырсыз къалыр уятха.
- Къумурсхала джыйылсала, пилни да джыгъадыла.
- Бети бедерден, намыс сакълама.
- Туз, гырджын аша, тюзлюк бла джаша.
- Арыгъан къош чамчы болур.
- Адебни адебсизден юрен.
- Босагъа таш юйге кирмей эди, тыбыр таш эшикге чыкъмай эди.
- Мураты болгъанны джюрек тебюую башхады.
- Сибиртки да сыйлы болду, кюрек да кюнлю болду.
- Тыш элде солтан болгъандан эсе, кесинги элде олтан болгъан игиди!
- Ачлыкъда тары гырджын халыуадан татлы.
- Къонагъынгы артмагъын алма да, алгъышын ал.
- Адеб базарда сатылмаз.
- Ёксюзню тилеги къабыл болур.
- Ишлегенде эринме, ишде чолакъ кёрюнме.
- Билим къая тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72