- Суу да къайтады чыкъгъан джерине.
- Чомартха хар кюн да байрамды.
- Сабийликде юретмесенг, уллу болса – тюзелмез.
- Зар адам ашынгы ашар, кесинги сатар.
- Ана къойну – балагъа джандет.
- Джолда аягъынга сакъ бол, ушакъда тилинге сакъ бол.
- Сёз садакъдан кючлюдю.
- Тил – миллетни джаны.
- Хантына кёре тузу, юйюне кёре къызы.
- Къайгъыны сюйген, къайгъы табар.
- Чыкълы кюнде чыкъмагъан, чыкъса къуру кирмеген.
- Тюзню ётмеги тюзде къалса да, тас болмаз.
- Адам боллукъ, атламындан белгили болур.
- Къартны сыйын кёрмеген, къартлыгъында сыйлы болмаз.
- Ёксюзню тилеги къабыл болур.
- Ауругъаннга – кийик саулукъ, джетген къызгъа – чилле джаулукъ.
- Ышармагъан – кюлмез, кюлмеген – къууанчны билмез.
- Билмегенинги, билгеннге сор.
- Мухардан ач ычхынмаз.
- Джарлы эскисин джамаса, къууаныр.
- Джылыгъа джылан илешир.
- Адамны сыфатына къарама, сёзюне къара.
- Къатын къылыкъсыз, эр тынчлыкъсыз.
- Бастасын ашагъан, хантусун да ичер.
- Адамны артындан къара сабан сюрме.
- Байлыкъ тауусулур, билим тауусулмаз.
- Джети тилни билген джети кишиди.
- Эркишини аманы тиширыуну джылатыр.
- Уллу къазанда бишген эт, чий къалмаз.
- Дуния аламаты сен эсенг да, игиме деб айтма.
- Иги адам абынса да, джангылмаз.
- Къоркъакъны кёзю экили кёрюр.
- Орну джокъну – сыйы джокъ.
- Бойнуму джети джерден кессенг да, мен ол ишни этеллик тюлме.
- Тёрдеги кюлсе, эшикдеги ышарыр.
- Билимсиз иш бармаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Чыбыкълыкъда бюгюлмеген, къазыкълыкъда бюгюлмей эди.
- Джашынгы кесинг юретмесенг, джашау юретир.
- Айраннга суу къош, телиге джол бош.
- Адам къыйынлыгъын кёлтюрюр, зауукълугъун кёлтюрмез.
- Юйюнгден чыкъдынг – кюнюнгден чыкъдынг.
- Ойнай билмеген, уруб къачар.
- Аманнга алтын чыдамаз.
- Ётюрюкчюню шагъаты – къатында.
- Ат басханны джер билед.
- Атадан ёксюз – бир ёксюз, анадан ёксюз – эки ёксюз.
- Гыдай эчки суугъа къараб, мюйюзле кёрмесе, джашма алкъын, дегенди.
- Джол бла сёзню къыйыры джокъ.
- Билимли ёлмез, билимсиз кёрмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72