- Игиге айтсанг – билир, аманнга айтсанг – кюлюр.
- Чакъырылмагъан къонакъ къачан кетерин сормаз.
- Билмезни кёзю кёрмез, этмезни къулагъы эшитмез.
- Эки къатын алгъан – эки ташны ортасына башын салгъан.
- Джумушакъ сёз къаты таякъны сындырыр.
- От этилмеген джерден тютюн чыкъмайды.
- Билим – акъылны чырагъы.
- Чакъырылмай келген къонакъ сыйланмай кетер.
- Тойгъа барсанг, тоюб бар, эски тонунгу къоюб бар.
- Тенгинг джокъ эсе – изле, бар эсе – сакъла!
- Ишленмеклик адамлыкъды.
- Онгсузну – джакъла, тенгликни – сакъла.
- Ана – юйню кюн джарыгъы.
- Къарнынг бла ёч алма.
- Бойнуму джети джерден кессенг да, мен ол ишни этеллик тюлме.
- Адеб джокъда, намыс джокъ.
- Джаз бир кюнню джатсанг, къыш талай кюнню абынырса.
- Къарын къуру болса, джюрек уру болур.
- Джогъун бар этген, барын бал этген.
- Танг атмайма десе да, кюн къоярыкъ тюйюлдю.
- Тёгюлген тюгел джыйылмайды.
- Эл ауузу – элия.
- Сабыр джетер муратха, сабырсыз къалыр уятха.
- Тил – кесген бычакъ, сёз – атылгъан окъ.
- Игини сыйлагъан адетди.
- Ёлген эшек бёрюден къоркъмайды.
- Тюзлюк шохлукъну бегитир.
- Ёлген аслан – сау чычхан.
- Адамны сабийин сюйген джюреги, бычакъча, джитиди.
- Джолда аягъынга сакъ бол, ушакъда тилинге сакъ бол.
- Ата джурт – алтын бешик.
- Асхат ашлыкъ сата, юйдегиси ачдан къата.
- Къозулугъунда тоймагъан, къойлугъунда тоймаз.
- Итли къонакъ джарашмаз.
- Башсыз урчукъ тюзюне айланмаз.
- Эринчекге кюн узун.
- Иги адам абынса да, джангылмаз.
- Бет бетге къараса, бет да джерге къарар.
- Эшекге миннген – биринчи айыб, андан джыгъылгъан – экинчи айыб.
- Къатын байлыкъны сюер, эр саулукъну сюер.
- Кёзюнде тереги болгъан, чёбю болгъаннга кюле эди.
- От кюйдюрген, сау болса да, тот кюйдюрген, сау болмаз.
- Чомартны къолу берекет.
- Зар адам ашынгы ашар, кесинги сатар.
- Кёбден умут этиб, аздан къуру къалма.
- «Ёгюз, джаргъа джууукъ барма, меннге джюк боллукъса», - дегенди эшек.
- Урунуу – насыбны анасы.
- Таукелге нюр джауар.
- Тёрдеги кюлсе, эшикдеги ышарыр.
- Акъыл бла адеб эгизледиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72