- Юйлю уругъа ит чабмаз.
- Ышармагъан – кюлмез, кюлмеген – къууанчны билмез.
- Къарнынг ауруса, ауузунгу тый
- Ётюрюкню къуйругъу – бир тутум.
- Ана – юйню кюн джарыгъы.
- Ариу – кёзге, акъыл – джюрекге.
- Нарт сёз – тилни бети.
- Аман къатын алгъан, арыр, иги къатын алгъан джарыр.
- Джерни букъусу кёкге къонмаз.
- Таукелге нюр джауар.
- Сютню башын джалагъан къутулур, тюбюн ичген тутулур.
- Кюн – узун, ёмюр – къысха.
- Тынгылагъан тынгы бузар.
- Къайгъыны сюйген, къайгъы табар.
- Джырына кёре эжиую.
- Ханы къызы буюгъа-буюгъа киштик болду.
- Босагъа таш юйге кирмей эди, тыбыр таш эшикге чыкъмай эди.
- Сибиртки да сыйлы болду, кюрек да кюнлю болду.
- Эли джокъну – кёлю джокъ.
- Ат да турмайды бир териде.
- Башы джабылгъан челекге, кир тюшмез.
- Мени джылытмагъан кюн, меннге тиймесин!
- Ач отунчуну ачыуу – бурнунда.
- Джылыгъа джылан илешир.
- Зар адам ашынгы ашар, кесинги сатар.
- Этим кетсе да, сюегим къалыр.
- Халкъны юйю – туугъан джери.
- Сагъыш – къартлыкъгъа сюйюмчю.
- Ашхы болсанг, атынг чыгъар, аман болсанг, джанынг чыгъар.
- Аз айтсам, кёб ангылагъыз.
- Джангыз торгъай джырламаз.
- Ашхы сёз таш тешер.
- Джиби бир къат джетмей эди да, эки къат тарта эди.
- Эки къатын алгъан – эки ташны ортасына башын салгъан.
- Кийиминг бла танылма, адамлыкъ бла таныл.
- Къатын къылыкъсыз, эр тынчлыкъсыз.
- Уллу атлама – абынырса, уллу къабма – къарылырса.
- Сабийни джумушха джибер да, ызындан бар.
- Тулпарлыкъ, билекден тюл – джюрекден.
- Джарлыны тону джаз битер.
- Чомартха хар кюн да байрамды.
- Адамны бетине къарама, адетине къара.
- Ана къолу ачытмаз.
- Келинин тута билмеген, къул этер, къызын тута билмеген, тул этер.
- Алтыда кюлмеген, алтмышда кюлмез.
- Билим ат болуб да чабар, къуш болуб да учар.
- Атынг аманнга чыкъгъандан эсе, джанынг тамагъынгдан чыкъсын.
- Адамны артындан къара сабан сюрме.
- Джахил болса анасы, не билликди баласы?
- Къая джолда джортма, ачыкъ сёзден къоркъма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72