- Байма, деб да, къууанма, джарлыма, деб да, джылама.
- Ауурну тюбю бла, дженгилни башы бла джюрюген.
- Джырына кёре эжиую.
- Бозанг болмагъан джерге, къалагъынгы сукъма.
- Башланнган иш битер, къымылдагъан тиш тюшер.
- Билимсиз иш бармаз.
- Тюкюрюк баш джармаз, налат кёз чыгъармаз!
- Ата – баланы уясы.
- Къулакъдан эсе, кёзге ышан.
- Тойгъан джерге джети къайт.
- Мадар болса, къадар болур.
- Ариу джол аджал келтирмез.
- Къонакъ кёб келюучю юйню, къазаны отдан тюшмез.
- Тойну къарнашы – харс, джырны къарнашы – эжиу.
- Акъылсызны джууукъгъа алма, акъыллыны кенгнге салма.
- Экиндини кеч къылсанг, чабыб джетер ашхам.
- Элни кючю – эмеген.
- Ётген ёмюр – акъгъан суу.
- Ашлыкъ – бюртюкден, джюн – тюкден.
- Хар сёзню орну барды.
- Тамбла алтындан бюгюн багъыр ашхы.
- Къазанда болса, чолпугъа чыгъар.
- Бети бедерден, намыс сакълама.
- Кимни – тили, тиши онглу, кимни – къолу, иши онглу.
- Къыйынлы джети элге оноу этер.
- Джаным-тиним – окъуу, билим.
- Аш хазыр болса, иш харам болур.
- Уллу сёзде уят джокъ.
- Сакъалы текени да бар, мыйыгъы киштикни да бар.
- Сабий болмагъан джерде, мёлек болмаз.
- Олтуруб кёрюнмей эди да, ёрге туруб кёрюне эди.
- Джыйырма къойну юч джыйырма эбзе кюте эди.
- Юй ишлеген балта эшикде къалыр.
- Рысхы джалгъанды: келген да этер, кетген да этер.
- Ойнай билмеген, оюн бузар.
- Нарт сёз – тилни бети.
- Дуния малгъа сатылма, кесингден телиге къатылма.
- Аман адам элни бир-бирине джау этер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- «Ма», - дегенни билмесенг, «бер», - дегенни билмезсе.
- Чабакъгъа акъыл, табагъа тюшсе келеди.
- Бюгюн дуния кибик, тамбла ахыратды.
- Байлыкъ келсе, акъыл кетер.
- Джюрекге ариу – кёзге да ариу.
- Элде адам къалмаса, ит тахтагъа минер.
- Хунаны тюбюн къазсанг, юсюнге ауар.
- Намысы болмагъанны, сыйы болмаз.
- Туз, гырджын аша, тюзлюк бла джаша.
- Тили узунну, намысы – къысха.
- Башынга джетмегенни сорма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72