- Берекет берсин деген джерде, берекет болур.
- Дуния малгъа сатылма, кесингден телиге къатылма.
- Джарлыны тону джаз битер.
- Ёлюр джаннга, ёкюл джокъ.
- Ашхы тенг джолгъа салыр, аман тенг джолдан тайдырыр.
- Джогъун бар этген, барын бал этген.
- Джаным-тиним – окъуу, билим.
- Къайгъыны сюйген, къайгъы табар.
- Бек анасы джыламаз.
- Тёрдеги кюлсе, эшикдеги ышарыр.
- Ата Джуртча джер болмаз, туугъан элча эл болмаз.
- Башсыз урчукъ тюзюне айланмаз.
- Къыйынлы джети элни къайгъысын этер.
- Ишлегенден, къарагъан уста.
- Билим – акъылны чырагъы.
- Эки итни арасына сюек атма, эки адамны арасында сёз чыгъарма.
- Хансыз джомакъ болмаз.
- Халкъны юйю – туугъан джери.
- Джыланны къуйругъундан басарынг келсе, аны башы болгъанын унутма.
- Акъыл неден да кючлюдю.
- Шекер бла туз – бир болмаз, ушамагъан – юй болмаз.
- Джаханимни кёрмей, джандетге кёл салмазса.
- Бети – къучакълар, джюреги – бычакълар.
- Терек ауса, отунчу – кёб.
- Ашхы адам – халкъ байлыгъы, ашхы джер – джашау байлыгъы.
- Терслик кетер, тюзлюк джетер.
- Ётюрюкден тюбю джокъ, кёлтюрюрге джиби джокъ.
- Айраннга суу къош, телиге джол бош.
- Къарнынг бла ёч алма.
- Тюз сёз баргъан сууну тыяр.
- Аш кетер да бет къалыр.
- Иги адам абынса да, джангылмаз.
- Уруну арты – къуру.
- Чыкълы кюнде чыкъмагъан, чыкъса къуру кирмеген.
- Ётюрюкню къуйругъу – бир тутум.
- Къартны бурнун сюрт да, оноугъа тут.
- Акъыл бла адеб эгизледиле.
- Асхат ашлыкъ сата, юйдегиси ачдан къата.
- Агъач халкъгъа алтынды, иссиликге салкъынды.
- Аш иеси бла татлыды.
- Тыш элде солтан болгъандан эсе, кесинги элде олтан болгъан игиди!
- Тюзлюк тас болмайды.
- Халкъгъа джарагъан, джарлы къалмаз.
- Келинин тута билмеген, къул этер, къызын тута билмеген, тул этер.
- Тил бла келеди джыр да.
- Ашын ашагъанынгы, башын да сыйла.
- Джыйырма къойну юч джыйырма эбзе кюте эди.
- Эртде тургъан джылкъычыны эркек аты тай табар.
- Сакъламагъан затынга джолукъсанг, не бек къууанаса, не бек ачыйса.
- Кесине оноу эте билмеген, халкъына да эте билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72