- Къозулугъунда тоймагъан, къойлугъунда тоймаз.
- Илму – джашауну джолу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джарлы тюеге минсе да, ит къабар.
- Джырына кёре эжиую.
- Ач, тоймам, дейди, тойгъан, ач болмам, дейди.
- Ашын ашагъанынгы, башын да сыйла.
- Къыйынлы джети элни къайгъысын этер.
- Чомартха Тейри да борчлуду.
- Окъдан джара эртде-кеч болса да бителир, сёз джара, ёмюрге къалыр.
- Игилик игилик бла сингдирилиучю затды.
- Башланнган иш битер, къымылдагъан тиш тюшер.
- Тешигини къатында, чычхан да батыр болур.
- Къарнынг бла ёч алма.
- Ачыу алгъа келсе, акъыл артха къалады.
- Къарыусузгъа кюлме, онгсузгъа тийме.
- Мал кёб болса, джууукъ кёб болур.
- Кёл ашады да, кеси ашады.
- Ач отунчуну ачыуу – бурнунда.
- Адебсиз адам – джюгенсиз ат.
- Чыбыкълыкъда бюгюлмеген, къазыкълыкъда бюгюлмей эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ашаса, ашамаса да, бёрюню ауузу – къан.
- Тюзню ётмеги тюзде къалса да, тас болмаз.
- Аманнга алтын чыдамаз.
- Башы ишлегенни, ауузу да ишлер.
- Ариу джол аджал келтирмез.
- Ариу сёз – къылычдан джити.
- Суугъа – таянма, джаугъа – ийнанма.
- Насыблы элин сюер, насыбсыз кесин сюер.
- Эски джаугъа ышанма.
- Тюзлюк шохлукъну бегитир.
- Къызны минг тилер, бир алыр.
- Джумушакъ сёз къаты таякъны сындырыр.
- Къумурсхала джыйылсала, пилни да джыгъадыла.
- Джаш болсун, къыз болсун, акъылы, саны тюз болсун.
- Чомартха хар кюн да байрамды.
- Эки къатын алгъан – эки ташны ортасына башын салгъан.
- Тюкюрюк баш джармаз, налат кёз чыгъармаз!
- Биреу ашаб къутулур, биреу джалаб тутулур.
- Зарда марда джокъ.
- Эри аманны, къатыны – аман.
- Ач къалгъандан, кеч къалгъан къолай.
- Кечеси – аяз, кюню – къыш, джарлы къаргъагъа бир аш тюш!
- Халкъгъа джарагъан, джарлы къалмаз.
- Эллинг бла джау болсанг да, юйюнг бла джау болма.
- Миллетни бойну – базыкъ, аны бла кюрешген – джазыкъ.
- Сакъламагъан затынга джолукъсанг, не бек къууанаса, не бек ачыйса.
- Гитче джилтин уллу элни джандырыр.
- Этек чакъмакълары баш джаргъан, сёлешген сёзлери таш джаргъан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72