- Ёгюзню мюйюзлери ауурлукъ этмейдиле.
- Тил – миллетни джаны.
- Джукъу тёшек сайламайды.
- Биреуню тёрюнден, кесинги эшик артынг игиди.
- Акъыллы башны – тили къысха.
- Рысхы – насыбха къор.
- Къарт айтханны этмеген, къартаймаз.
- Адебсиз адам – джюгенсиз ат.
- Джерни букъусу кёкге къонмаз.
- Кёб къычыргъандан – къоркъма, тынч олтургъандан – къоркъ.
- Булут кёкге джарашыу, уят бетге джарашыу.
- Билимден уллу байлыкъ джокъду.
- Туз, гырджын аша, тюзлюк бла джаша.
- Аман адамны тепсинге олтуртсанг, къызынгы тилер.
- Биреуню къыйынлыгъы бла кесинге джол ишлеме.
- Ачны эсинде – аш.
- Мен да «сен», дейме, сен да «кесим», дейсе.
- Таукелге нюр джауар.
- Аман адам элни бир-бирине джау этер.
- Окъугъанны бети джарыкъ.
- Бёрю да ач къалмасын, эчки да ашалмасын.
- Джаш къарыу бла кючлю, къарт акъыл бла кючлю.
- Джарлыны эшигин махтагъан джабар.
- Ауругъанны сау билмез, ач къарынны токъ билмез.
- Къызгъанчдан ычхыныр, мухардан ычхынмаз.
- Чомарт бергенин айтмаз.
- Дуния мал дунияда къалады.
- Эте билген, этген этеди, эте билмеген, юретген этеди!
- Ана кёлю – балада, бала кёлю – талада.
- Адам сёзге тынгыла, акъыл сёзню ангыла.
- Ариу сёз аурууунгу алыр.
- Сютден ауузу кюйген, суугъа юфгюре эди.
- Ана къолу ачытмаз.
- Таукел къуру къалмаз.
- Окъ къызбайны джокълайды.
- Айран ичген – къутулду, джугъусун джалагъан – тутулду.
- Ёксюзню тилеги къабыл болур.
- Джюрек кёзден алгъа кёрюр.
- Кютгени беш эчки, сызгъыргъаны уа, джерни джарады.
- Кёрмегеннге кебек – танг, битмегеннге сакъал – танг.
- Атлыны ашхысы, ат тизгининден билинир
- Ишни ахырын ойламай, аллын башлама.
- Аурууну келиую тынч, кетиую – къыйын.
- Тойгъан антын унутур.
- Къызын тута билмеген, тул этер, джашын тута билмеген, къул этер.
- Тил – кесген бычакъ, сёз – атылгъан окъ.
- Къайгъы тюбю – тенгиз.
- Акъыл сабырлыкъ берир.
- Джаралыны джастыгъында сау ёлюр.
- Къарнынг ауруса, ауузунгу тый
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72