- Хантына кёре тузу, юйюне кёре къызы.
- Аман къатын сабий табса, бий болур…
- Тынгылагъан тынгы бузар.
- Ата – баланы уясы.
- Юйлю уругъа ит чабмаз.
- Къатыны харакетли болса, эри къымсыз болур.
- Билим къая тешер.
- Башы ишлегенни, ауузу да ишлер.
- Ауругъаннга – кийик саулукъ, джетген къызгъа – чилле джаулукъ.
- Тенгинг джокъ эсе – изле, бар эсе – сакъла!
- Ашарыкъда сайлагъаннга – чий гырджын.
- Экеу тутушса, биреу джыгъылыр.
- Илму – джашауну джолу.
- Кирсизни – саны таза, халалны – къаны таза.
- Къызны минг тилер, бир алыр.
- Нафысынгы айтханын этме, намысынгы айтханын эт.
- Телиге от эт десенг, юйюнге от салыр.
- Юй кюйдю да, кюйюз чыкъды, ортасындан тюйюш чыкъды.
- Эл тойса, тоймагъан, эл къойса, къоймагъан.
- Къонакъ аман болса, къонакъбай джунчур
- Къулакъдан эсе, кёзге ышан.
- Акъыл неден да кючлюдю.
- Бети – къучакълар, джюреги – бычакълар.
- Байны къызы баймакъ болса да, юйде къалмаз!
- Къыз чыгъаргъан – къызыл къымжа.
- Аджал соруб келмез, келсе, къайтыб кетмез.
- Мал кёб болса, джууукъ кёб болур.
- Тойгъа алгъа да барма, тойда артха да къалма.
- Джумушакъ терекни къурт ашар.
- Сормай – алма, чакъырылмай – барма.
- Сагъыш – къартлыкъгъа сюйюмчю.
- Кютгени беш эчки, сызгъыргъаны уа, джерни джарады.
- «Ма», - дегенни билмесенг, «бер», - дегенни билмезсе.
- Ариу сёзде ауруу джокъ.
- Чыкълы кюнде чыкъмагъан, чыкъса къуру кирмеген.
- Кёрмегеннге кебек – танг, битмегеннге сакъал – танг.
- Эллинг бла джау болсанг да, юйюнг бла джау болма.
- Джан саулукъ бермей, сан саулукъ бермезсе.
- Билмезни кёзю кёрмез, этмезни къулагъы эшитмез.
- Аурууну келиую тынч, кетиую – къыйын.
- Къумурсхала джыйылсала, пилни да джыгъадыла.
- Окъугъан озар, окъумагъан тозар.
- Биреуге кёлтюрген таягъынг, кесинги башынга урур.
- Ариу сёз аурууунгу алыр.
- Къонакъны къачан кетерин сорма, къачан келлигин сор.
- Этим кетсе да, сюегим къалыр.
- Айтханы чапыракъдан ётмеген.
- Къарын къуру болса, джюрек уру болур.
- Тыш элде солтан болгъандан эсе, кесинги элде олтан болгъан игиди!
- Накъырда – кертини келечиси.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72