- Юй кюйдю да, кюйюз чыкъды, ортасындан тюйюш чыкъды.
- Ана кёлю – балада, бала кёлю – талада.
- Илму – джашауну джолу.
- Бермеген къол, алмайды.
- Аз сёлешген, къайгъысыз турур.
- Байма, деб да, къууанма, джарлыма, деб да, джылама.
- Джыланны къуйругъундан басарынг келсе, аны башы болгъанын унутма.
- Ашхы атаны – джашы ашхы, ашхы ананы – къызы ашхы.
- Айтхан сёзюне табылгъан.
- Этек чакъмакълары баш джаргъан, сёлешген сёзлери таш джаргъан.
- Бюгюн дуния кибик, тамбла ахыратды.
- Кенгеш болса, уруш болмаз.
- Тюзлюк шохлукъну бегитир.
- Къулакъдан эсе, кёзге ышан.
- Джарлыны тону джаз битер.
- Нафысынгы айтханын этме, намысынгы айтханын эт.
- Ашлыкъ – бюртюкден, джюн – тюкден.
- Ач келгенни – тойдур, кеч келгенни – къондур.
- Айран тёгюлсе, джугъусу къалыр.
- Уруну арты – къуру.
- Хар ишни да аллы къыйынды.
- Тойгъа алгъа да барма, тойда артха да къалма.
- Кийимни бир кюнню аясанг, минг кюннге джарар.
- Миллетни бойну – базыкъ, аны бла кюрешген – джазыкъ.
- Сыфатында болмагъаны, суратында болмаз.
- Аллахха ийнаннган кишини, Аллах онгдурур ишин.
- Адебсиз адам – джюгенсиз ат.
- Сакъалы текени да бар, мыйыгъы киштикни да бар.
- Келгинчи, къонакъ уялыр, келгенден сора, къонакъбай уялыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Иги сёз – джаннга азыкъ, аман сёз башха – къазыкъ.
- Алма терегинден кери кетмез.
- Джол бла сёзню къыйыры джокъ.
- Аш берме да, къаш бер.
- Акъыллы айтыр эди, акъылсыз къоймайды.
- Ётген ёмюр – акъгъан суу.
- Джангызны оту джарыкъ джанмаз!
- Рысхысына кёре, джаш ёсер, къышлыгъына кёре, мал ёсер.
- Ёксюзню тилеги къабыл болур.
- Аякъларынгы джууургъанынга кёре узат.
- Акъыл бла адеб эгизледиле.
- Адам къаллай бир ишленмесе, аллай бир кесин уллу кёреди.
- Ёлюр джаннга, ёкюл джокъ.
- Мал тутхан – май джалар.
- Тойну къарнашы – харс, джырны къарнашы – эжиу.
- Олтуруб кёрюнмей эди да, ёрге туруб кёрюне эди.
- Ач, тоймам, дейди, тойгъан, ач болмам, дейди.
- Байлыкъ адамны сокъур этер.
- Къонагъынгы артмагъын алма да, алгъышын ал.
- Къарын къуру болса, джюрек уру болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72