- Зар адамны насыбы болмаз.
- Эрине къаргъыш этген къатын, эрнин къабар.
- Хата – гитчеден.
- Джумушакъ терекни къурт ашар.
- Элге къуллукъ этмеген, элге ие болмаз.
- Намыс болмагъан джерде, насыб болмаз.
- Кимни – тили, тиши онглу, кимни – къолу, иши онглу.
- Рысхы – насыбха къор.
- Шекер бла туз – бир болмаз, ушамагъан – юй болмаз.
- Айран ичген – къутулду, джугъусун джалагъан – тутулду.
- Мадар болса, къадар болур.
- Эл ауузу – элек, анга ийнаннган – халек.
- Огъурлуну сёзю – суу, огъурсузну сёзю – уу.
- Аманны тукъумуна къарама, игини тукъумун сорма.
- Ишлегенден, къарагъан уста.
- Намыс сатылыб алынмайды.
- Тёзген – тёш ашар!
- Ата – билек, ана – джюрек!
- Ушамагъан – джукъмаз.
- Уллу къашыкъ эрин джыртар.
- Эл элде бирер малынг болгъандан эсе, бирер тенгинг болсун.
- Къатын байлыкъны сюер, эр саулукъну сюер.
- Орну джокъну – сыйы джокъ.
- Джукъу тёшек сайламайды.
- Къонакъ аз олтурур, кёб сынар.
- Иги адам абынса да, джангылмаз.
- Джюрекден джюрекге джол барды.
- Чыбыкълыкъда бюгюлмеген, къазыкълыкъда бюгюлмей эди.
- Аман къатын сабий табса, бий болур…
- Аш хазыр болса, иш харам болур.
- Айранын берсенг, челегин да къызгъанма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тенги кёбню джау алмаз, акъылы кёбню дау алмаз.
- Уллу сёлешме да, уллу къаб.
- Азыкъ аз болса, эртде орун сал.
- Келгинчи, къонакъ уялыр, келгенден сора, къонакъбай уялыр.
- Ариу сёз аурууунгу алыр.
- Сакъламагъан затынга джолукъсанг, не бек къууанаса, не бек ачыйса.
- Телиге акъыл салгъандан эсе, ёлгеннге джан салырса.
- Чабар ат – джетген къыз.
- Эркишиге тары кебек танг кёрюнюр.
- Аз айтсам, кёб ангылагъыз.
- Намысы болмагъанны, сыйы болмаз.
- Босагъагъа джууукъ орун болса, ашыгъыб тёрге озма.
- Тин – байлыгъынг, терен саулугъунг.
- Хар адамгъа кеси миннген тау кибик.
- Адамны аты башхача, акъылы да башхады.
- Иесиз малны бёрю ашар.
- Юйлю уругъа ит чабмаз.
- Юй кюйдю да, кюйюз чыкъды, ортасындан тюйюш чыкъды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72