- Ауругъан – джашаудан умутчу.
- Азыгъы аз, алгъа къабар, аты аман, алгъа чабар.
- Иесиз малны бёрю ашар.
- Ёзденликни джайгъан – джокълукъ.
- Акъыл аздырмаз, билим тоздурмаз.
- Ашда – бёрю, ишде – ёлю.
- Битмегеннге сакъал – танг.
- Тенги кёбню джау алмаз, акъылы кёбню дау алмаз.
- Иги адам абынса да, джангылмаз.
- Чакъырылмагъан къонакъ къачан кетерин сормаз.
- Ётюрюкчюню шагъаты – къатында.
- Къаллай салам берсенг, аллай джууаб алырса.
- Къарны аманнга къазан такъдырма, къолу аманнга от джакъдырма.
- Юреннген ауруу къалмаз.
- Рысхысына кёре, джаш ёсер, къышлыгъына кёре, мал ёсер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Олтуруб кёрюнмей эди да, ёрге туруб кёрюне эди.
- Ёлген ийнек сютлю болур.
- Кюл тюбюндеги от кёрюнмейди.
- Къыз тиширыу кеси юйюнде да къонакъды.
- Окъ къызбайны джокълайды.
- Эркишини аманы тиширыуну джылатыр.
- Тау башында, тау болмаз, джангыз терек, бау болмаз.
- Келинин тута билмеген, къул этер, къызын тута билмеген, тул этер.
- Аман адам этегингден тутса, кес да къач.
- Джашда акъыл джокъ, къартда къарыу джокъ.
- Таукел тауну аудурур.
- Мен да «сен», дейме, сен да «кесим», дейсе.
- Билмейме деген – бир сёз
- Къарын къуру болса, джюрек уру болур.
- Башланнган иш битер, къымылдагъан тиш тюшер.
- От кюйдюрген, сау болса да, тот кюйдюрген, сау болмаз.
- Чыбыкълыкъда бюгюлмеген, къазыкълыкъда бюгюлмей эди.
- Хар зат кесини орнуна иги.
- Ана – юйню кюн джарыгъы.
- Миллетни бойну – базыкъ, аны бла кюрешген – джазыкъ.
- Къралынгы – душмандан, башынгы от бла суудан сакъла.
- Ариу – кёзге, акъыл – джюрекге.
- Джаралыны джастыгъында сау ёлюр.
- Таукелге нюр джауар.
- Юй ишлеген балта эшикде къалыр.
- Ачлыкъда тары гырджын халыуадан татлы.
- Эркишиге тары кебек танг кёрюнюр.
- Хаухну атма, ёнгкючню сатма.
- Эл бла кёргенинг эрелей.
- Шапа кёб болса, аш татымсыз болур.
- Элге къуллукъ этмеген, элге ие болмаз.
- Эшекге миннген – биринчи айыб, андан джыгъылгъан – экинчи айыб.
- Эли джокъну – кёлю джокъ.
- Бир абыннган – минг сюрюнюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72