- Мухардан ач ычхынмаз.
- Къайгъыны сюйген, къайгъы табар.
- Ишленмеген джаш – джюгенсиз ат, ишленмеген къыз – тузсуз хант.
- Тёрени джагъы джокъ.
- Ата – баланы уясы.
- Тюзлюк тас болмайды.
- Чакъырылмагъан къонакъ – орунсуз.
- Аджашхан тёгерек айланыр.
- Ач къалгъандан, кеч къалгъан къолай.
- Эки ойлашыб, бир сёлешген.
- Ашыкъгъанны этеги бутуна чырмалыр.
- Ётюрюкчюню шагъаты – къатында.
- Халкъны джырын джырласанг, халкъ санга эжиу этер.
- Кёбден умут этиб, аздан къуру къалма.
- Чабакъгъа акъыл, табагъа тюшсе келеди.
- Атлыны кёрсе, джаяуну буту талыр.
- Садакъачыны джаны – къапчыгъында.
- Къызгъанчдан ычхыныр, мухардан ычхынмаз.
- Байлыкъ болгъан джерде, тынчлыкъ джокъду.
- Къатын къылыкъсыз, эр тынчлыкъсыз.
- Эки къатын алгъанны къулагъы тынгнгаймаз.
- Къолунгдан къуймакъ ашатсанг да, атаны борчундан къутулмазса.
- Сагъыш – къартлыкъгъа сюйюмчю.
- Гугурук къычырмаса да, тангны атары къалмаз.
- Адеб этмеген, адеб кёрмез.
- Ариу – кёзге, акъыл – джюрекге.
- Тили узунну, намысы – къысха.
- Ауругъаннга – кийик саулукъ, джетген къызгъа – чилле джаулукъ.
- Игини сыйлагъан адетди.
- Адамны сыфатына къарама, сёзюне къара.
- Билим къая тешер.
- Къыз тиширыу кеси юйюнде да къонакъды.
- Юйюнг бла джау болгъандан эсе, элинг бла джау бол.
- Айтханы чапыракъдан ётмеген.
- Ётюрюкню башын керти кесер.
- Чомарт джарлы болмаз.
- Кёзюнде тереги болгъан, чёбю болгъаннга кюле эди.
- Джарлы джети элни сёзюн этер.
- Сабий болмагъан джерде, мёлек болмаз.
- Къалгъан ишге къар джауар.
- Чомартны къолу берекет.
- Окъугъанны бети джарыкъ.
- Аллахха ийнаннган кишини, Аллах онгдурур ишин.
- Джумушакъ сёз къаты таякъны сындырыр.
- Къумурсхала джыйылсала, пилни да джыгъадыла.
- Къан бла кирген, джан бла чыгъар.
- Телиге от эт десенг, юйюнге от салыр.
- Тёрдеги кюлсе, эшикдеги ышарыр.
- Адеб базарда сатылмаз.
- Сууда джау джокъ, кёб сёзде магъана джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72