- Керти сёзге тёре джокъ.
- Бастасын ашагъан, хантусун да ичер.
- Эртде тургъан джылкъычыны эркек аты тай табар.
- Акъыл бла адеб эгизледиле.
- Урама да – ёледи, сатама да – келеди.
- Туз, гырджын аша, тюзлюк бла джаша.
- Тас болгъан бычакъны сабы – алтын.
- Билим ат болуб да чабар, къуш болуб да учар.
- Сёз сёзню айтдырыр.
- Аууз сакълагъан – джан сакълар.
- Келгинчи, къонакъ уялыр, келгенден сора, къонакъбай уялыр.
- Эл ауузу – элия.
- Азыкълы ат арымаз, къатыны аман джарымаз.
- Аман хансны – урлугъу кёб.
- Чабар ат – джетген къыз.
- Алгъанда – джууукъ, бергенде – джау.
- Ётген ёмюр – акъгъан суу.
- Джолунга кёре – джюрюшюнг, джагъанга кёре – юлюшюнг.
- Айтылгъан буйрукъ, сёгюлмез
- Ачлыкъда тары гырджын халыуадан татлы.
- Иги сеники эсе да, сюйген кесимикин этеме.
- Кёзю сокъурдан – къоркъма, кёлю сокъурдан – къоркъ.
- Билмегенинги, билгеннге сор.
- Чарсда алчыны эл кёреди.
- Дуния малгъа сатылма, кесингден телиге къатылма.
- Чомарт бергенин айтмаз.
- Иги джашны ышаны – аз сёлешиб, кёб тынгылар.
- Эки итни арасына сюек атма, эки адамны арасында сёз чыгъарма.
- Ишни аллы бла къууанма да, арты бла къууан.
- Окъугъанны бети джарыкъ.
- Къарын къуру болса, джюрек уру болур.
- Иги адам абынса да, джангылмаз.
- Джаным-тиним – окъуу, билим.
- Сютден ауузу кюйген, суугъа юфгюре эди.
- Ишлегенде эринме, ишде чолакъ кёрюнме.
- Агъач – джерни чырайы, кийим – эрни чырайы.
- Ашда уялгъан – мухар, ишде уялгъан – хомух.
- Айраннга суу къош, телиге джол бош.
- Уллу суу бла уллу ауруудан башынгы сакъла.
- Айырылгъанланы айю ашар, бёлюннгенлени бёрю ашар.
- Азыгъы аз, алгъа къабар, аты аман, алгъа чабар.
- Таш ата билмеген, башына урур.
- Къайгъы тюбю – тенгиз.
- Ёлюк кебинсиз къалмаз.
- Ач – эснер, ат – кишнер.
- Танг атмайма десе да, кюн къоярыкъ тюйюлдю.
- Джашлыкъ этмеген, башлыкъ этмез.
- Асхат ашлыкъ сата, юйдегиси ачдан къата.
- Хар ишни да аллы къыйынды.
- Ёгюзню мюйюзлери ауурлукъ этмейдиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72