- Атадан ёксюз – бир ёксюз, анадан ёксюз – эки ёксюз.
- Сютню башын джалагъан къутулур, тюбюн ичген тутулур.
- Сабийликде юретмесенг, уллу болса – тюзелмез.
- Кёл ашады да, кеси ашады.
- Джумушакъ терекни къурт ашар.
- Ашхылыкъ джерде джатмайды, аманлыкъ суугъа батмайды.
- Окъуу – билимни ачхычы, окъуу – дунияны бачхычы.
- Тёзгеннге, джабылгъан эшик ачылыр.
- Артына баргъанны, къатына барма.
- Суугъа – таянма, джаугъа – ийнанма.
- Ышармагъан – кюлмез, кюлмеген – къууанчны билмез.
- Эл ауузу – элек, анга ийнаннган – халек.
- Таукел тауну аудурур.
- Къызын тута билмеген, тул этер, джашын тута билмеген, къул этер.
- Хатерли къул болур.
- Биреуню тёрюнден, кесинги эшик артынг игиди.
- Юреннген ауруу къалмаз.
- Суу да къайтады чыкъгъан джерине.
- Ойнаб айтсанг да, эслеб айт.
- Сёз сёзню айтдырыр.
- Кесинг сынамагъан затны, адамгъа буюрма.
- Ётюрюкню къуйругъу – бир тутум.
- Арба аугъандан сора, джол кёргюзтюучю кёб болур.
- Чакъырылмагъан джерге барма, чакъырылгъан джерден къалма.
- Чакъырылмагъан къонакъ тёрге атламаз.
- Тойгъандан сора, ашны сёкме.
- Адам къыйынлыгъын кёлтюрюр, зауукълугъун кёлтюрмез.
- Аман эсирсе, юйюн ояр.
- Чёбню кёлтюрсенг, тюбюнден сёз чыгъар.
- Къонакъ кёб келюучю юйню, къазаны отдан тюшмез.
- Бир абыннган – минг сюрюнюр.
- Къартха ушагъан джаш – акъыллы, джашха ушагъан къарт – тели.
- Кютгени беш эчки, сызгъыргъаны уа, джерни джарады.
- Сёлеш деб шай берген, тохта деб, сом берген.
- Къыз келсе, джумуш эте келеди, къатын келсе, ушакъ эте келеди.
- Мухарны эси – ашарыкъда.
- Джиби бир къат джетмей эди да, эки къат тарта эди.
- Алма терегинден кери кетмез.
- Баланы адам этген анады.
- Башы ишлегенни, ауузу да ишлер.
- Уллу сёзде уят джокъ.
- Ёпкелегенни ашы татлы болады.
- Бал – татлы, балдан да бала – татлы.
- Акъыллы башны – тили къысха.
- Акъыл аздырмаз, билим тоздурмаз.
- Къолу уллу – асыу, аягъы уллу – джарсыу.
- Билимсиз иш бармаз.
- Окъугъан – асыу, окъумагъан – джарсыу.
- Ач, тоймам, дейди, тойгъан, ач болмам, дейди.
- Чомарт бергенин айтмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72