- Тешик этген тынчды, аны джамагъан къыйынды.
- Ишни аллы бла къууанма да, арты бла къууан.
- Къарт айтханны этмеген, къартаймаз.
- Бозаны арты дауур болур.
- Ариу джол аджал келтирмез.
- Аджалсыз ёлюм болмаз.
- Тойгъа барсанг, тоюб бар, эски тонунгу къоюб бар.
- Джуртун къоругъан озар.
- Ёзденликни кёбю ётюрюк.
- Сёз – кюмюш, джыр – алтын.
- Аууздан келген, къолдан келсе, ким да патчах болур эди.
- Бичгенде ашыкъма, тикгенде ашыкъ.
- Юйлю уругъа ит чабмаз.
- Ач, тоймам, дейди, тойгъан, ач болмам, дейди.
- Акъыллы башны – тили къысха.
- Ауругъан – джашаудан умутчу.
- Баланы адам этген анады.
- Таула не мийик болсала да, аууш табылыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Мал тутхан – май джалар.
- Джарлы эскисин джамаса, къууаныр.
- Байлыкъ келсе, акъыл кетер.
- Биреуню эскиси биреуге джангы болмайды.
- Ичимден чыкъды хата, къайры барайым сата?
- Эски джаугъа ышанма.
- Аллахдан тилесенг, кёб тиле.
- Баргъанынга кёре болур келгенинг.
- Ат да турмайды бир териде.
- Илму – джашауну джолу.
- Насыб бютеу халкъны юлюшюдю.
- Асхат ашлыкъ сата, юйдегиси ачдан къата.
- Байлыкъ тауусулур, билим тауусулмаз.
- Къошда джокъгъа – юлюш джокъ.
- Тай асырагъан, атха минер.
- Керек ташны ауурлугъу джокъ.
- Этек чакъмакълары баш джаргъан, сёлешген сёзлери таш джаргъан.
- Таукел къуру къалмаз.
- Тилчиден кери бол.
- Киштикге къанат битсе, чыпчыкъ къалмаз эди.
- Биреуню къыйынлыгъы бла кесинге джол ишлеме.
- Арбаз къынгырды да, ийнек сауалмайма.
- Ётюрюкню башын керти кесер.
- Аман адам этегингден тутса, кес да къач.
- Ышармагъан – кюлмез, кюлмеген – къууанчны билмез.
- Къонагъы джокъну – шоху джокъ.
- Джарлы джети элни сёзюн этер.
- Чёбню кёлтюрсенг, тюбюнден сёз чыгъар.
- Нёгер болсанг, тенг бол, тенг болмасанг, кенг бол.
- Туз, гырджын аша, тюзлюк бла джаша.
- Сабий болмагъан джерде, мёлек болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72