- Ана къолу ачытмаз.
- Тас болгъан бычакъны сабы – алтын.
- Ишлерге уял да, ашаргъа табма.
- Иги джашны ышаны – аз сёлешиб, кёб тынгылар.
- Арпа, будай – ащды, алтын, кюмюш а – ташды.
- Биреуге аманлыкъны тилеме да, кесинге ашхылыкъны тиле.
- Билим ат болуб да чабар, къуш болуб да учар.
- Атлыны кёрсе, джаяуну буту талыр.
- Чакъырылмай келген къонакъ сыйланмай кетер.
- Аман адам элни бир-бирине джау этер.
- Аз сёлеш, кёб ишле.
- Ашлыкъ – бюртюкден, джюн – тюкден.
- Агъач халкъгъа алтынды, иссиликге салкъынды.
- Уясында не кёрсе, учханында аны этер.
- Ашха уста, юйюнде болсун
- Чомарт бергенин айтмаз.
- Мени джылытмагъан кюн, меннге тиймесин!
- Биреуню эскиси биреуге джангы болмайды.
- Ач къарынны, токъ билмез
- Сабий кёргенин унутмаз.
- Уллу сёлешме да, уллу къаб.
- Таукелге нюр джауар.
- Рысхы – сют юсюнде кёмюк кибикди.
- Чомарт джарлы болмаз.
- Айтылгъан буйрукъ, сёгюлмез
- Джаралыны джастыгъында сау ёлюр.
- Тай асырагъан, атха минер.
- Эл ауузу – элия.
- Байлыкъ тауусулур, билим тауусулмаз.
- Кюлме джашха – келир башха.
- Тау башында, тау болмаз, джангыз терек, бау болмаз.
- Къарын къуру болса, джюрек уру болур.
- Ашаса, ашамаса да, бёрюню ауузу – къан.
- Билеги кючлю, бирни джыгъар, билими кючлю, мингни джыгъар.
- Нарт сёз къарт болмаз.
- Аурууну келиую тынч, кетиую – къыйын.
- Алтыннга тот къонмаз.
- Мен да «сен», дейме, сен да «кесим», дейсе.
- Билимсиз иш бармаз.
- Экеулен сёлеше тура эселе, орталарына барыб кирме.
- Аш кетер да бет къалыр.
- Мухардан ач ычхынмаз.
- Арба аугъандан сора, джол кёргюзтюучю кёб болур.
- Ётюрюк хапар аякъ тюбю бла джюрюйдю.
- Шапа кёб болса, аш татымсыз болур.
- Ётюрюкден тюбю джокъ, кёлтюрюрге джиби джокъ.
- Юй ишлеген балта эшикде къалыр.
- Айранын берсенг, челегин да къызгъанма.
- Эртде тургъан джылкъычыны эркек аты тай табар.
- Эринчекни эр алмаз, эр алса да, кёл салмаз, кёл салса да, кёб бармаз!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72