Эльбрусоид :: Форум :: Архив форумов

Ишин билген, аны сыйын чыгъарады.
Танг атмайма десе да, кюн къоярыкъ тюйюлдю.
Баш – акъыл ючюн, акъылман – халкъ ючюн.
Айтханы чапыракъдан ётмеген.
Айраннга суу къош, телиге джол бош.
Къазанны башы ачыкъ болса, итге уят керекди.
Аякъларынгы джууургъанынга кёре узат.
Байлыкъ адамны сокъур этер.
Адеби болмагъан къыз – тузсуз хант.
Бек анасы джыламаз.
Ишлемеген – тишлемез.
Таугъа чыгъаллыкъ эсенг, тюзде къалма.
Аманнга игилик этсенг, юйюнге сау бармазса.
Кёбден умут этиб, аздан къуру къалма.
Насыблы элин сюер, насыбсыз кесин сюер.
Тилчиден кери бол.
Асхат ашлыкъ сата, юйдегиси ачдан къата.
Адам къаллай бир ишленмесе, аллай бир кесин уллу кёреди.
Тёрдеги кюлсе, эшикдеги ышарыр.
Джукъу тёшек сайламайды.
Ёлген эшек бёрюден къоркъмайды.
Сыфатында болмагъаны, суратында болмаз.
Эринчекни аурууу – кёб.
Билим къая тешер.
Сёз – кюмюш, джыр – алтын.
Ишни ахырын ойламай, аллын башлама.
Эл ауузу – элия.
Этим кетсе да, сюегим къалыр.
Джогъун бар этген, барын бал этген.
Таула не мийик болсала да, аууш табылыр.
Иги сёз – джаннга азыкъ, аман сёз башха – къазыкъ.
Агъач – джерни чырайы, кийим – эрни чырайы.
Джылкъыдан – ат чыгъар, тукъумдан – джаш чыгъар.
Мен да «сен», дейме, сен да «кесим», дейсе.
Айтхан – тынч, этген – къыйын.
Къарны аманнга къазан такъдырма, къолу аманнга от джакъдырма.
Ёзденликни джайгъан – джокълукъ.
Тойчу джашха къарама, къойчу джашха къара.
Суугъа – таянма, джаугъа – ийнанма.
Ичимден чыкъды хата, къайры барайым сата?
Юй ишлеген балта эшикде къалыр.
Кюн – узун, ёмюр – къысха.
Чакъырылмай келген къонакъ сыйланмай кетер.
Къолу уллу – асыу, аягъы уллу – джарсыу.
Эки къатын алгъанны къулагъы тынгнгаймаз.
Намыс сатылыб алынмайды.
Уллу суу бла уллу ауруудан башынгы сакъла.
Къонагъы джокъну – шоху джокъ.
Минг тенг да азды, бир джау да кёбдю.
Тил – кесген бычакъ, сёз – атылгъан окъ.

Логин:
Пароль:
	Запомнить меня на этом компьютере

Забыли свой пароль?
Регистрация