- Ётюрюкден тюбю джокъ, кёлтюрюрге джиби джокъ.
- Тёзген – тёш ашар!
- Ашыкъгъан cуу, тенгизге джетмез.
- Ариу сёз аурууунгу алыр.
- Джумушакъ сёз къаты таякъны сындырыр.
- Аман адам элни бир-бирине джау этер.
- Адеб джокъда, намыс джокъ.
- Ачылгъан эт джабылыр, кёрген кёз унутмаз.
- Чомарт бергенин айтмаз.
- Зар адам ашынгы ашар, кесинги сатар.
- Нарт сёз – тилни бети.
- Алтыда кюлмеген, алтмышда кюлмез.
- Рысхы – насыбха къор.
- Урама да – ёледи, сатама да – келеди.
- Тойгъан джерге джети къайт.
- Тик ёргени, тик энгишгеси да болады.
- Абынмазлыкъ аякъ джокъ, джангылмазлыкъ джаякъ джокъ.
- Дууулдаса – бал чибин, къонса – къара чибин.
- Этни бети бла шорпасы.
- Тилчиден кери бол.
- Билим къая тешер.
- Къумурсхала джыйылсала, пилни да джыгъадыла.
- Юй кюйдю да, кюйюз чыкъды, ортасындан тюйюш чыкъды.
- Иги сеники эсе да, сюйген кесимикин этеме.
- Къар – келтирди, суу – элтди.
- Тёгюлген тюгел джыйылмайды.
- Арбаз сайлама да, хоншу сайла.
- Окъуу – билимни ачхычы, окъуу – дунияны бачхычы.
- Нёгерсизни джолу узун.
- Иги болса, тамадама – махтау, аман болса, меннге – айыб.
- Таукел къуру къалмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ишленмеген джаш – джюгенсиз ат, ишленмеген къыз – тузсуз хант.
- Ач да бол, токъ да бол – намысынга бек бол.
- Къатыны харакетли болса, эри къымсыз болур.
- Аман къатын сабий табса, бий болур…
- Аз сёлешген, къайгъысыз турур.
- Чомартны къолу берекет.
- Бичгенде ашыкъма, тикгенде ашыкъ.
- Чакъырылмагъан къонакъ къачан кетерин сормаз.
- Ашлыкъны арба юйге келтирир, чана базаргъа элтир.
- Къонагъы джокъну – шоху джокъ.
- Садакъачыны джаны – къапчыгъында.
- Ашхы атаны – джашы ашхы, ашхы ананы – къызы ашхы.
- Сескекли кесин билдирир.
- Таякъ этден ётер, тил сюекден ётер.
- Сёз къанатсыз учар.
- Хоншуну тауугъу къаз кёрюнюр, келини къыз кёрюнюр.
- Айырылмаз джууугъунга, унутмаз сёзню айтма.
- От кюйдюрген, сау болса да, тот кюйдюрген, сау болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72