- Байлыкъ тауусулур, билим тауусулмаз.
- Элиб деген, элге болушур.
- Айныгъанлы алты кюн, тогъайгъанлы тогъуз кюн.
- Эки итни арасына сюек атма, эки адамны арасында сёз чыгъарма.
- Чёбню кёлтюрсенг, тюбюнден сёз чыгъар.
- Иги адам абынса да, джангылмаз.
- Къуру гыбыт бек дыгъырдар.
- Кёзню ачылгъаны – иги, ауузну джабылгъаны – иги.
- Аман хансны – урлугъу кёб.
- Уллу суу бла уллу ауруудан башынгы сакъла.
- Джуртун къоругъан озар.
- Ишни аллы бла къууанма да, арты бла къууан.
- Сууда джау джокъ, кёб сёзде магъана джокъ.
- Ёлмесенг да, къарт дамы болмазса?
- Ата Джуртча джер болмаз, туугъан элча эл болмаз.
- Кёб ант этген, кёб ётюрюк айтыр.
- Аджашхан тёгерек айланыр.
- Бюгюн дуния кибик, тамбла ахыратды.
- Игини сыйлагъан адетди.
- Кийиминг бла танылма, адамлыкъ бла таныл.
- Чабар ат – джетген къыз.
- Сангырау къулакъ эл бузар.
- Айтханы чапыракъдан ётмеген.
- Джарлыны тону джаз битер.
- Магъанасыз сёз – тауушсуз сыбызгъы.
- Тилчи бир сагъатха айлыкъ хата этер.
- Башы ишлегенни, ауузу да ишлер.
- Мадар болса, къадар болур.
- Байлыкъдан саулукъ ашхыды.
- Тынгылагъан тынгы бузар.
- Билген билмегенни юретген адетди.
- Таш бла ургъанны, аш бла ур.
- Ач отунчуну ачыуу – бурнунда.
- Чакъырылмагъан къонакъ къачан кетерин сормаз.
- Кенгеш болса, уруш болмаз.
- Сакъалы текени да бар, мыйыгъы киштикни да бар.
- Джахил болса анасы, не билликди баласы?
- «Ма», - дегенни билмесенг, «бер», - дегенни билмезсе.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тюзлюк тас болмайды.
- Таукел тауну аудурур.
- Айтылгъан сёз ызына къайтмаз.
- Джигер – джаннга къыйынлыкъ.
- Къазанны башы ачыкъ болса, итге уят керекди.
- Намыс сатылыб алынмайды.
- Битмегеннге сакъал – танг.
- Урунуу – насыбны анасы.
- Татлы тилде – сёз ариу, чемер къолда – иш ариу.
- Ишин билген, аны сыйын чыгъарады.
- Адам сёзюнден белгили.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72