- Джуртун къоругъан озар.
- Гитче джилтин уллу элни джандырыр.
- Адам сёзюнден белгили.
- Къонагъы джокъну – шоху джокъ.
- Джюрек кёзден алгъа кёрюр.
- Адамны аты башхача, акъылы да башхады.
- Адамгъа аман кюн соруб келмейди.
- Тёрени джагъы джокъ.
- Тойгъан антын унутур.
- Душманны тышы – акъ, ичи – къара.
- Эм ашхы къайын ана мамукъ бла башынгы тешер.
- Экеулен сёлеше тура эселе, орталарына барыб кирме.
- Онгсузну – джакъла, тенгликни – сакъла.
- Телиге от эт десенг, юйюнге от салыр.
- Къарнынг къанлынга кийирир.
- Aдам боллукъ, сыфатындан белгили.
- Кёбден умут этиб, аздан къуру къалма.
- Билим ат болуб да чабар, къуш болуб да учар.
- Аджалсыз ёлюм болмаз.
- Башда акъыл болмаса, эки аякъгъа кюч джетер.
- Къызбайны юйюне дери сюрсенг, батыр болур.
- Суу кетер, таш къалыр.
- Азыгъы аз, алгъа къабар, аты аман, алгъа чабар.
- Эртде тургъан бла эртде юйленнген сокъуранмаз.
- Джюз элде джюз ёгюзюм болгъандан эсе, джюз джууугъум болсун.
- Аш кетер да бет къалыр.
- Къыйынлы джети элни къайгъысын этер.
- Къулакъдан эсе, кёзге ышан.
- Кёз – сюйген джерде, къол – ауругъан джерде.
- Мухар, кеси тойса да, кёзю тоймаз.
- Иги болса, тамадама – махтау, аман болса, меннге – айыб.
- Насыб бютеу халкъны юлюшюдю.
- Иги джашны ышаны – аз сёлешиб, кёб тынгылар.
- Ашхылыкъ джерде джатмайды, аманлыкъ суугъа батмайды.
- Окъдан джара эртде-кеч болса да бителир, сёз джара, ёмюрге къалыр.
- Адеб этмеген, адеб кёрмез.
- Тёзгеннге, джабылгъан эшик ачылыр.
- Аманнга игилик этсенг, юйюнге сау бармазса.
- Чёбню кёлтюрсенг, тюбюнден сёз чыгъар.
- Юй кюйдю да, кюйюз чыкъды, ортасындан тюйюш чыкъды.
- Келинни – келгинчи, бёркню кийгинчи кёр.
- Келгинчи, къонакъ уялыр, келгенден сора, къонакъбай уялыр.
- Намысы болмагъанны, сыйы болмаз.
- Ким бла джюрюсенг, аны кёзю бла кёрюнюрсе.
- Джаш болсун, къыз болсун, акъылы, саны тюз болсун.
- Ачыкъ джюрекге джол – ачыкъ.
- Чомарт джарлы болмаз.
- Акъдан къара болмаз.
- Уллу атлама – абынырса, уллу къабма – къарылырса.
- Кенгеш болса, уруш болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72