- Сыфатында болмагъаны, суратында болмаз.
- Мал кёб болса, джууукъ кёб болур.
- Кюлме джашха – келир башха.
- Ашыкъгъан cуу, тенгизге джетмез.
- Чакъырылмагъан джерге барма, чакъырылгъан джерден къалма.
- Этек чакъмакълары баш джаргъан, сёлешген сёзлери таш джаргъан.
- Итли къонакъ джарашмаз.
- Билим насыб берир, билим джолну керир.
- Аджал соруб келмез, келсе, къайтыб кетмез.
- Кёлсюзден сёзсюз тууар.
- Тюз сёз баргъан сууну тыяр.
- Ашхылыкъ джерде джатмайды, аманлыкъ суугъа батмайды.
- Къазанчы аман болса, къазаны къайнамаз.
- Ётюрюкден тюбю джокъ, кёлтюрюрге джиби джокъ.
- Байны оноуу, джарлыгъа джарамаз.
- Арба аугъандан сора, джол кёргюзтюучю кёб болур.
- Ишлегенде эринме, ишде чолакъ кёрюнме.
- Мухардан ач ычхынмаз.
- Тура эдим джата, къайдан чыкъды хата?
- Ишлерге уял да, ашаргъа табма.
- Ашхы тенг джолгъа салыр, аман тенг джолдан тайдырыр.
- Хатерли къул болур.
- Ашха уста, юйюнде болсун
- Таякъ этден ётер, тил сюекден ётер.
- Къумурсхала джыйылсала, пилни да джыгъадыла.
- Кёзню ачылгъаны – иги, ауузну джабылгъаны – иги.
- Джолунга кёре – джюрюшюнг, джагъанга кёре – юлюшюнг.
- Этни да ашады, бетни да ашады.
- Кюл тюбюндеги от кёрюнмейди.
- Чомарт къолда мал къалмаз.
- Ишни аллы бла къууанма да, арты бла къууан.
- Билими азны – ауузунда кирит.
- Ёлюр джаннга, ёкюл джокъ.
- Джашынгы кесинг юретмесенг, джашау юретир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Юйюнгден чыкъдынг – кюнюнгден чыкъдынг.
- Тойгъан джерге джети къайт.
- Бети – къучакълар, джюреги – бычакълар.
- Бети къызарыучу адамны, джюреги харам болмаз.
- Таш ата билмеген, башына урур.
- Кёл ашады да, кеси ашады.
- Тилчи бир сагъатха айлыкъ хата этер.
- Хоншуну тауугъу къаз кёрюнюр, келини къыз кёрюнюр.
- Айран ичген – къутулду, джугъусун джалагъан – тутулду.
- Кимни – тили, тиши онглу, кимни – къолу, иши онглу.
- Джарлы тюеге минсе да, ит къабар.
- Ауругъан – джашаудан умутчу.
- Адам боллукъ, атламындан белгили болур.
- Рысхысына кёре, джаш ёсер, къышлыгъына кёре, мал ёсер.
- Бермеген къол, алмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72