- Ёзденликни джайгъан – джокълукъ.
- Аман адам элни бир-бирине джау этер.
- Аман эсирсе, юйюн ояр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кенгеш болса, уруш болмаз.
- Къонагъынгы артмагъын алма да, алгъышын ал.
- Зар адам ашынгы ашар, кесинги сатар.
- Терек ауса, отунчу – кёб.
- Джылкъыдан – ат чыгъар, тукъумдан – джаш чыгъар.
- Хар адамгъа кеси миннген тау кибик.
- Душманны тышы – акъ, ичи – къара.
- Акъылсызны джууукъгъа алма, акъыллыны кенгнге салма.
- Къыз чыгъаргъан – къызыл къымжа.
- Билимли ёлмез, билимсиз кёрмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Танг атмайма десе да, кюн къоярыкъ тюйюлдю.
- Бойнуму джети джерден кессенг да, мен ол ишни этеллик тюлме.
- Башсыз урчукъ тюзюне айланмаз.
- Тыш элде солтан болгъандан эсе, кесинги элде олтан болгъан игиди!
- Къонагъы джокъну – шоху джокъ.
- Аджалсыз ёлюм болмаз.
- Тамбла алтындан бюгюн багъыр ашхы.
- Кёб къычыргъандан – къоркъма, тынч олтургъандан – къоркъ.
- Ана къойну – балагъа джандет.
- Тин – байлыгъынг, терен саулугъунг.
- Аманны тукъумуна къарама, игини тукъумун сорма.
- Сабийликде юретмесенг, уллу болса – тюзелмез.
- Эте билген, этген этеди, эте билмеген, юретген этеди!
- Элде адам къалмаса, ит тахтагъа минер.
- Ач бёрюге мекям джокъ.
- Азыкъ аз болса, эртде орун сал.
- Чабакъсыз кёлге къармакъ салгъанлыкъгъа, чабакъ тутмазса.
- Джашлыкъ этмеген, башлыкъ этмез.
- Айтхан – тынч, этген – къыйын.
- Башда акъыл болмаса, эки аякъгъа кюч джетер.
- Къошда джокъгъа – юлюш джокъ.
- Атынг аманнга чыкъгъандан эсе, джанынг тамагъынгдан чыкъсын.
- Къулакъдан эсе, кёзге ышан.
- Мухарны эси – ашарыкъда.
- Ашда уялгъан – мухар, ишде уялгъан – хомух.
- Эрни эр этерик да, къара джер этерик да, тиширыуду.
- Харам къарнашдан, халал тенг ашхы.
- Джаханимни кёрмей, джандетге кёл салмазса.
- Тёзгеннге, джабылгъан эшик ачылыр.
- Ишни ахырын ойламай, аллын башлама.
- Кёл ашады да, кеси ашады.
- Гырджын – тепсини тамадасы.
- Байлыкъдан саулукъ ашхыды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Билмейме деген – бир сёз
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72