- Адам боллукъ, атламындан белгили болур.
- Къарт болгъан джерде, берекет болур, сабий болгъан джерде, оюн болур.
- Мухардан ач ычхынмаз.
- Къонакъ аз олтурур, кёб сынар.
- Таш ата билмеген, башына урур.
- Къазанда болса, чолпугъа чыгъар.
- Ётюрюкню къуйругъу – бир тутум.
- Джангызны оту джарыкъ джанмаз!
- Акъыл бла адеб эгизледиле.
- Ашхы сёз таш тешер.
- Хантына кёре тузу, юйюне кёре къызы.
- Ашхылыкъ джерде джатмайды, аманлыкъ суугъа батмайды.
- Джашда акъыл джокъ, къартда къарыу джокъ.
- Адеб этмеген, адеб кёрмез.
- Ашда уялгъан – мухар, ишде уялгъан – хомух.
- Ишге юренсин къоллары, халкъ бла болсун джоллары.
- Чакъырылмагъан къонакъ – орунсуз.
- Аз сёлешген, къайгъысыз турур.
- Къартны бурнун сюрт да, оноугъа тут.
- Башсыз урчукъ тюзюне айланмаз.
- Борчунг бар эсе, хурджунунга ойлаб узал.
- Иги сеники эсе да, сюйген кесимикин этеме.
- Ашхы – джыяр, аман – джояр.
- Айтхан – тынч, этген – къыйын.
- Кёрмегеннге кебек – танг, битмегеннге сакъал – танг.
- Чабакъсыз кёлге къармакъ салгъанлыкъгъа, чабакъ тутмазса.
- Адамны аты башхача, акъылы да башхады.
- Тин – байлыгъынг, терен саулугъунг.
- Ауругъан – джашаудан умутчу.
- Азыкълы ат арымаз, къатыны аман джарымаз.
- Хунаны тюбюн къазсанг, юсюнге ауар.
- Тыш элде солтан болгъандан эсе, кесинги элде олтан болгъан игиди!
- Халкъгъа джарагъан, джарлы къалмаз.
- Аш хазыр болса, иш харам болур.
- Эм ашхы къайын ана мамукъ бла башынгы тешер.
- Таукел къуру къалмаз.
- Тойгъан антын унутур.
- Джангыз торгъай джырламаз.
- Кёзю сокъурдан – къоркъма, кёлю сокъурдан – къоркъ.
- Ашха уста, юйюнде болсун
- Къонакъны къачан кетерин сорма, къачан келлигин сор.
- Акъыл аздырмаз, билим тоздурмаз.
- Билим насыб берир, билим джолну керир.
- Окъугъанны бети джарыкъ.
- Юй ишлеген балта эшикде къалыр.
- Къарын къуру болса, джюрек уру болур.
- Тенгни тенглиги джашай барсанг билинир.
- Джетген къыз джерли эшекни танымаз.
- Чёбню кёлтюрсенг, тюбюнден сёз чыгъар.
- Джырына кёре эжиую.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72