- Ойнай билмеген, уруб къачар.
- Аман адам элни бир-бирине джау этер.
- Джылар джаш, атасыны сакъалы бла ойнар.
- Чыбыкълыкъда бюгюлмеген, къазыкълыкъда бюгюлмей эди.
- Хар адамгъа кеси миннген тау кибик.
- Бек ашыкъгъан меннге джетсин, дегенди аракъы.
- Тилчи бир сагъатха айлыкъ хата этер.
- Миллетни бойну – базыкъ, аны бла кюрешген – джазыкъ.
- Суу ичген шауданынга тюкюрме.
- Ата – баланы уясы.
- Рысхы джалгъанды: келген да этер, кетген да этер.
- Къолу уллу – асыу, аягъы уллу – джарсыу.
- Кюлме джашха – келир башха.
- Кёл – къызбай, къол – батыр.
- Тиширыусуз юй – отсуз от джагъа.
- Тешик этген тынчды, аны джамагъан къыйынды.
- Баргъанынга кёре болур келгенинг.
- Арбаз къынгырды да, ийнек сауалмайма.
- Джигер – джаннга къыйынлыкъ.
- Джыланны къуйругъундан басарынг келсе, аны башы болгъанын унутма.
- Къартны сыйын кёрмеген, къартлыгъында сыйлы болмаз.
- Аджаллыгъа окъсуз шкок атылыр.
- Байма, деб да, къууанма, джарлыма, деб да, джылама.
- Ханнга да келеди хариблик.
- Этек чакъмакълары баш джаргъан, сёлешген сёзлери таш джаргъан.
- Тёзгеннге, джабылгъан эшик ачылыр.
- Таукел къуру къалмаз.
- Джогъун бар этген, барын бал этген.
- Къыз тиширыу кеси юйюнде да къонакъды.
- Алтыда кюлмеген, алтмышда кюлмез.
- Ашлыкъны арба юйге келтирир, чана базаргъа элтир.
- Чарсда алчыны эл кёреди.
- Тюзню ётмеги тюзде къалса да, тас болмаз.
- Булут кёкге джарашыу, уят бетге джарашыу.
- Джюрекге ариу – кёзге да ариу.
- Джаш болсун, къыз болсун, акъылы, саны тюз болсун.
- Тойгъан антын унутур.
- Эринчекни эр алмаз, эр алса да, кёл салмаз, кёл салса да, кёб бармаз!
- Къаллай салам берсенг, аллай джууаб алырса.
- Баш болса, бёрк табылыр.
- Къралынгы – душмандан, башынгы от бла суудан сакъла.
- Намысы джокъну – дуниясы джокъ.
- Ишленмеген джаш – джюгенсиз ат, ишленмеген къыз – тузсуз хант.
- Кютгени беш эчки, сызгъыргъаны уа, джерни джарады.
- Тамчы таш тешер.
- Тилчи тилден къаныкъмаз.
- Чабакъгъа акъыл, табагъа тюшсе келеди.
- Эм ашхы къайын ана мамукъ бла башынгы тешер.
- Чакъырылмагъан къонакъ къачан кетерин сормаз.
- Мал тутхан – май джалар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72