- Биреуню къыйынлыгъы бла кесинге джол ишлеме.
- Эринчекге кюн узун.
- Билеги кючлю, бирни джыгъар, билими кючлю, мингни джыгъар.
- Сагъышы джокъ – джукъучу, акъылы джокъ – къаугъачы.
- Экиндини кеч къылсанг, чабыб джетер ашхам.
- Уллу сёзде уят джокъ.
- Къартха ушагъан джаш – акъыллы, джашха ушагъан къарт – тели.
- Тойгъандан сора, ашны сёкме.
- Джолунга кёре – джюрюшюнг, джагъанга кёре – юлюшюнг.
- Бек ашыкъгъан меннге джетсин, дегенди аракъы.
- Алим болгъандан эсе, адам болгъан къыйынды.
- Эри аманны, къатыны – аман.
- Кёб джашагъан – кёб билир.
- Эки къатын алгъан – эки ташны ортасына башын салгъан.
- Агъач – джерни чырайы, кийим – эрни чырайы.
- Ауузу аманнга «иги», деме.
- Тёзген – тёш ашар!
- Къонакъ болсанг, ийнакъ бол.
- Сёз садакъдан кючлюдю.
- Арбаз сайлама да, хоншу сайла.
- Уллу сёлешме да, уллу къаб.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кимни – тили, тиши онглу, кимни – къолу, иши онглу.
- Чабакъгъа акъыл, табагъа тюшсе келеди.
- Адеб джокъда, намыс джокъ.
- Суугъа – чабакъ, къаягъа – ыргъакъ.
- Накъырданы арты керти болур.
- Мен да «сен», дейме, сен да «кесим», дейсе.
- Джумушакъ терекни къурт ашар.
- Игилик игилик бла сингдирилиучю затды.
- От этилмеген джерден тютюн чыкъмайды.
- Насыб бютеу халкъны юлюшюдю.
- Ёзденликни кёбю ётюрюк.
- Къазанда болса, чолпугъа чыгъар.
- «Ёгюз, джаргъа джууукъ барма, меннге джюк боллукъса», - дегенди эшек.
- Аманнга да, игиге да оноусуз къатышма.
- Татлы тилде – сёз ариу, чемер къолда – иш ариу.
- Аман адам элни бир-бирине джау этер.
- Бети – къучакълар, джюреги – бычакълар.
- Ишни ахырын ойламай, аллын башлама.
- Къая джолда джортма, ачыкъ сёзден къоркъма.
- Джеринден айырылгъан – джети джылар, джуртундан айырылгъан – ёлгюнчю джылар.
- Биреу ашаб къутулур, биреу джалаб тутулур.
- Чакъырылмагъан къонакъ къачан кетерин сормаз.
- Биреу къой излей, биреу той излей.
- Тил бла келеди джыр да.
- Абынмазлыкъ аякъ джокъ, джангылмазлыкъ джаякъ джокъ.
- Ашхы адам – халкъ байлыгъы, ашхы джер – джашау байлыгъы.
- Нёгерсизни джолу узун.
- Айырылгъанланы айю ашар, бёлюннгенлени бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72