- Джарлыны эшигин махтагъан джабар.
- Малны кют, джерни тюрт.
- Тынгылагъан тынгы бузар.
- Аууздан келген, къолдан келсе, ким да патчах болур эди.
- Тил – кесген бычакъ, сёз – атылгъан окъ.
- Аджашханны ызындагъы кёреди, джангылгъанны джанындагъы биледи.
- Садакъачыны джаны – къапчыгъында.
- Хазыр ашха – терен къашыкъ.
- Арбаз сайлама да, хоншу сайла.
- Къонакъ аз олтурур, кёб сынар.
- Ачыкъ джюрекге джол – ачыкъ.
- Аз айтсам, кёб ангылагъыз.
- Ашхы сёз таш тешер.
- Джогъун бар этген, барын бал этген.
- Къумурсхала джыйылсала, пилни да джыгъадыла.
- Тойгъан джерден туугъан джер игиди.
- Таш бла ургъанны, аш бла ур.
- Аман къатын алгъан, арыр, иги къатын алгъан джарыр.
- Эл ауузу – элек, анга ийнаннган – халек.
- Эли джокъну – кёлю джокъ.
- Джетген къыз джерли эшекни танымаз.
- Чакъырылгъанны аты, чакъырылмагъанны багъасы болур.
- Акъыллы башны – тили къысха.
- Ишлемеген – тишлемез.
- Сескекли кесин билдирир.
- Эки ойлашыб, бир сёлешген.
- Дженгил джетерикме деб, узун джолну къоюб, къысхасын барма.
- Бёрю да ач къалмасын, эчки да ашалмасын.
- Ач къарынны, токъ билмез
- Джахил болса анасы, не билликди баласы?
- Эки къатын алгъанны къулагъы тынгнгаймаз.
- Аз сёлеш, кёб ишле.
- Къайтырыкъ эшигинги, къаты уруб чыкъма.
- Ариу сёз аурууунгу алыр.
- Ач келгенни – тойдур, кеч келгенни – къондур.
- Кюлме джашха – келир башха.
- Эки къатын алгъан – эки ташны ортасына башын салгъан.
- Адамны джюреги нени кёрюрге сюйсе, кёзю да аны кёрюрге ёч болады.
- Чакъырылмагъан къонакъ тёрге атламаз.
- Алтыннга тот къонмаз.
- Джумушакъ терекни къурт ашар.
- Ётген ёмюр – акъгъан суу.
- Рысхы – сют юсюнде кёмюк кибикди.
- Уллу къазанда бишген эт, чий къалмаз.
- Кёкдеги болмаса, джердегин кёрмейди.
- Эте билген, этген этеди, эте билмеген, юретген этеди!
- Тилчи бир сагъатха айлыкъ хата этер.
- Аллахха ийнаннган кишини, Аллах онгдурур ишин.
- Биреуге кёлтюрген таягъынг, кесинги башынга урур.
- Эркишини аманы тиширыуну джылатыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72