- Башынга джетмегенни сорма.
- Борчунг бар эсе, хурджунунга ойлаб узал.
- Эм уллу байлыкъ – джан саулукъ.
- Азыкъ аз болса, эртде орун сал.
- Айтханы чапыракъдан ётмеген.
- Ёзденликни джайгъан – джокълукъ.
- Ишлегенде эринме, ишде чолакъ кёрюнме.
- Къарыусузгъа кюлме, онгсузгъа тийме.
- Джангыз торгъай джырламаз.
- Ёмюрлюк шохлукъну джел элтмез.
- Экиндини кеч къылсанг, чабыб джетер ашхам.
- Байлыкъ тауусулур, билим тауусулмаз.
- Ишни аллы бла къууанма да, арты бла къууан.
- Таякъ этден ётер, тил сюекден ётер.
- Эки элинги тыйсанг, джети элде махталырса.
- Къызбайны юйюне дери сюрсенг, батыр болур.
- Окъумагъан сокъурду, сокъур ташха абыныр!
- Намысы болмагъанны, сыйы болмаз.
- Аман адамны тепсинге олтуртсанг, къызынгы тилер.
- Этек чакъмакълары баш джаргъан, сёлешген сёзлери таш джаргъан.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёлюр джаннга, ёкюл джокъ.
- Сёз сёзню айтдырыр.
- Онгсузну – джакъла, тенгликни – сакъла.
- Ханнга да келеди хариблик.
- Юреннген ауруу къалмаз.
- Аманны къуугъан, аманлыкъ табар.
- Айранны сюйген, ийнек тутар.
- Тилде сюек болмаса да, сюек сындырыр.
- Орундукъ тюбюнде атылсам да, орта джиликме, де да айлан.
- Башсыз урчукъ тюзюне айланмаз.
- Ауузу бла къуш тута айланады.
- Нафысынгы айтханын этме, намысынгы айтханын эт.
- Ёксюзню тилеги къабыл болур.
- Уллу суу бла уллу ауруудан башынгы сакъла.
- Кёб къычыргъандан – къоркъма, тынч олтургъандан – къоркъ.
- Огъурлуну сёзю – суу, огъурсузну сёзю – уу.
- Келинин тута билмеген, къул этер, къызын тута билмеген, тул этер.
- Тюз сёз баргъан сууну тыяр.
- Бозаны арты дауур болур.
- Къумурсхала джыйылсала, пилни да джыгъадыла.
- Башланнган иш битер, къымылдагъан тиш тюшер.
- Сормай – алма, чакъырылмай – барма.
- Ат басханны джер билед.
- Малны кют, джерни тюрт.
- Къууут – джелге, берне – бошха.
- Арбаз сайлама да, хоншу сайла.
- Атынг аманнга чыкъгъандан эсе, джанынг тамагъынгдан чыкъсын.
- Бетинги сатма, малынгы сат.
- Къартны бурнун сюрт да, оноугъа тут.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72